https://youtube.com/shorts/8vXYZAagRTI?si=TOMvue_f8l6FavIl
newsics.com
ನವದೆಹಲಿ: ಪ್ರಧಾನಿ ನರೇಂದ್ರ ಮೋದಿ ಯೋಗ, ಫಿಟ್ನೆಸ್, ಉತ್ತಮ ಆಹಾರ ಸೇವನೆಗೆ ಸದಾ ಆದ್ಯತೆ ನೀಡುತ್ತಾರೆ. ಅವರು ಯಾವ ರಾಜ್ಯ, ಯಾವ ದೇಶಕ್ಕೇ ಪ್ರಯಾಣಿಸಲಿ ತಮ್ಮ ಯೋಗ ದಿನಚರಿ, ತಾವು ಸೇವಿಸುವ ಆಹಾರದಲ್ಲಿ ಎಂದಿಗೂ ರಾಜಿ ಮಾಡಿಕೊಳ್ಳುವುದಿಲ್ಲ.ಅವರು ಏನು ತಿನ್ನುತ್ತಾರೆ? ಏನು ಕುಡಿಯುತ್ತಾರೆ? ಅವರ ಆಹಾರವನ್ನು ಹೇಗೆ ತಯಾರಿಸಲಾಗುತ್ತದೆ ಮತ್ತು ಯಾರು ಅದನ್ನು ತಯಾರಿಸುತ್ತಾರೆ ಎಂದು ತಿಳಿಯಲು ಜನರಿಗೆ ತುಂಬಾನೆ ಆಸಕ್ತಿ ಇದೆ.
ಜನರು ಸಾಮಾನ್ಯವಾಗಿ ಪ್ರಧಾನಿ ಮೋದಿಯವರಿಗೆ ಯಾರು ಅಡುಗೆ ಮಾಡುತ್ತಾರೆ? ಅವರ ಕುಕ್ ಯಾರು ಎಂಬಂತಹ ಪ್ರಶ್ನೆಗಳನ್ನು ಕೇಳುತ್ತಾರೆ. ಪ್ರಧಾನಿ ಮೋದಿಯವರ ಕುಕ್ ಆಗಲು ಯಾವುದಾದರು ಪರೀಕ್ಷೆ ಇದೆಯೇ? ಯಾವ ಪದವಿ ಅಗತ್ಯವಿದೆ? ಮತ್ತು ಅವರ ಸಂಬಳ ಎಷ್ಟು? ಹೀಗೆ ಹಲವಾರು ಪ್ರಶ್ನೆಗಳು ನಿಮ್ಮಲ್ಲಿ ಬಂದೇ ಬರುತ್ತೆ. ನಿಮ್ಮ ಎಲ್ಲಾ ಪ್ರಶ್ನೆಗಳಿಗೆ ಇಲ್ಲಿದೆ ಉತ್ತರ.
ಪ್ರಧಾನ ಮಂತ್ರಿಯವರ ಅಡುಗೆಯವರ ಹುದ್ದೆಗೆ ಯಾವುದೇ ನೇಮಕಾತಿ ಇಲ್ಲ, ಸಾಮಾನ್ಯ ಸಂದರ್ಶನಗಳು ಅಥವಾ ಪರೀಕ್ಷೆಗಳೂ ಇಲ್ಲ. ಈ ಅಡುಗೆಯವರನ್ನು ಹೆಚ್ಚಾಗಿ ರಾಷ್ಟ್ರಪತಿ ಭವನ, ವಿವಿಐಪಿ ಅಡುಗೆ ಸೇವೆಗಳು ಅಥವಾ ಉನ್ನತ ಮಟ್ಟದ ಸರ್ಕಾರಿ ಅಡುಗೆಮನೆಗಳಿಂದ ಆಯ್ಕೆ ಮಾಡಲಾಗುತ್ತದೆ. ಇವರು ರಾಷ್ಟ್ರಪತಿ, ಪ್ರಧಾನಿ ಅಥವಾ ಇತರ ಉನ್ನತ ಹುದ್ದೆಯ ನಾಯಕರಿಗೆ ಈ ಹಿಂದೆ ಕೆಲಸ ಮಾಡಿದ ಅನುಭವಿ ಅಡುಗೆಯವರಾಗಿರುತ್ತಾರೆ.
ಆದರೂ, ಅವರನ್ನು ನೇಮಕ ಮಾಡುವ ಮೊದಲು ಅವರ ಹಿನ್ನೆಲೆಯನ್ನು ಸಂಪೂರ್ಣವಾಗಿ ಪರಿಶೀಲಿಸಲಾಗುತ್ತದೆ. ಅವರು ಹೆಚ್ಚಾಗಿ ವಿದೇಶ ಪ್ರವಾಸಗಳಲ್ಲಿ ಪ್ರಧಾನಿಯೊಂದಿಗೆ ಹೋಗುತ್ತಾರೆ, ಪ್ರಧಾನಿ ಮೋದಿ ಮನೆಯಲ್ಲಿ ಮಾಡಿದಂತಹ ಅಡುಗೆಯನ್ನೇ ಪಡೆಯುತ್ತಾರೆಯೇ ಅನ್ನೋದನ್ನು ಗಮನಿಸುತ್ತಾರೆ.
ಪ್ರಧಾನಿಯವರ ಅಡುಗೆಯವರಾಗಲು ನಿರ್ದಿಷ್ಟ ಪದವಿ ಬೇಕೇ? ಎಂದರೆ ಅದಕ್ಕೆ ಉತ್ತರ ಖಂಡಿತಾ ಇಲ್ಲ. ಪ್ರಧಾನಿಯವರ ಅಡುಗೆಯವರಾಗಲು ಯಾವುದೇ ನಿರ್ದಿಷ್ಟ ಪದವಿ ಅಗತ್ಯವಿಲ್ಲ, ಆದರೂ ನೀವು 10 ಅಥವಾ 12 ನೇ ತರಗತಿ ಪಾಸ್ ಆಗಿರಬೇಕು. ನಿಮಗೆ 5 ರಿಂದ 15 ವರ್ಷ ಅಥವಾ ಅದಕ್ಕಿಂತ ಹೆಚ್ಚಿನ ಅನುಭವವಿರಬೇಕು. ಪಂಚತಾರಾ ಹೋಟೆಲ್ಗಳು, ವಿಮಾನಯಾನ ಸಂಸ್ಥೆಗಳು ಅಥವಾ ಸರ್ಕಾರಿ ಅತಿಥಿ ಗೃಹಗಳಲ್ಲಿ ಕೆಲಸ ಮಾಡಿದವರಿಗೆ ಆದ್ಯತೆ ನೀಡಲಾಗುತ್ತದೆ ಎಂದು ಹೇಳಲಾಗುತ್ತದೆ.
ಹಾಗಿದ್ರೆ ಪ್ರಧಾನಿ ಮೋದಿಯವರ ಕುಕ್ ಸಂಬಳ ಎಷ್ಟು? ಸರ್ಕಾರಿ ಮಟ್ಟದಲ್ಲಿ, ಪ್ರಧಾನ ಮಂತ್ರಿ ಕಚೇರಿ (ಪಿಎಂಒ) ಅಥವಾ ಸಂಬಂಧಿತ ಇಲಾಖೆಗಳಲ್ಲಿ ಅಡುಗೆಯವರ ಸಂಬಳವು ಪೇ ಬ್ಯಾಂಡ್ ಹಂತ 1 ಅಥವಾ ಹಂತ 2 ಅನ್ನು ಆಧರಿಸಿದೆ ಎಂದು ವರದಿಗಳು ಸೂಚಿಸುತ್ತವೆ, ಅಂದರೆ ಅವರ ಮೂಲ ವೇತನವು ತಿಂಗಳಿಗೆ ಸರಿಸುಮಾರು ₹18,000 ರಿಂದ ₹56,900 ವರೆಗೆ ಇರುತ್ತದೆ, ಆದರೆ ಅವರ ಒಟ್ಟು ವೇತನವು ತಿಂಗಳಿಗೆ ₹25,000 ರಿಂದ ₹60,000 ಅಥವಾ ಅದಕ್ಕಿಂತ ಹೆಚ್ಚಿನದಾಗಿರಬಹುದು.
