ಮಧುಮೇಹ ರೋಗಿಗಳಿಗೆ ಗುಡ್​​ ನ್ಯೂಸ್​! ಭಾರತದಲ್ಲಿ ಸೆಮಾಗ್ಲುಟೈಡ್ ಔಷಧ ಬೆಲೆಯಲ್ಲಿ ಭಾರೀ ಇಳಿಕೆ!

https://youtube.com/shorts/1G3iDuCfqaQ?si=rbtHZp_4mD8cY9Sv

newsics.com

ನವದೆಹಲಿ : ಸೆಮಾಗ್ಲುಟೈಡ್ ಎಂಬ ಮಧುಮೇಹ ಮತ್ತು ತೂಕ ಇಳಿಕೆಯ ಔಷಧದ ಬೆಲೆ ಭಾರತದಲ್ಲಿ ಶೇ. 50 ರಿಂದ 70 ರಷ್ಟು ಕುಸಿತ ಕಂಡಿದೆ.

ಈ ಹಿಂದೆ ತಿಂಗಳಿಗೆ ಸುಮಾರು ₹11,000 ಇರುತ್ತಿದ್ದ ಇದರ ಬೆಲೆ ಈಗ ಕೇವಲ ₹3,000 ರಿಂದ ₹5,000 ಕ್ಕೆ ಇಳಿಕೆಯಾಗಿದೆ. ಅಚ್ಚರಿಯ ವಿಷಯವೆಂದರೆ, ಅಮೆರಿಕಾ ಮತ್ತು ಯುರೋಪ್‌ ದೇಶಗಳಲ್ಲಿ ಇದರ ಪೇಟೆಂಟ್ ಇನ್ನೂ ಚಾಲ್ತಿಯಲ್ಲಿರುವುದರಿಂದ ಅಲ್ಲಿನ ಜನ ಈಗಲೂ ದುಬಾರಿ ಬೆಲೆ ತೆರುತ್ತಿದ್ದಾರೆ.

ನೊವೊ ನಾರ್ಡಿಸ್ಕ್ ಕಂಪನಿಯ ‘ಓಜೆಂಪಿಕ್’, ‘ವೆಗೋವಿ’ ಮತ್ತು ‘ರೈಬೆಲ್ಸಸ್’ ಬ್ರ್ಯಾಂಡ್‌ಗಳ ಹಿಂದಿರುವ ಪ್ರಮುಖ ಅಣು ಈ ‘ಸೆಮಾಗ್ಲುಟೈಡ್’. ಭಾರತದಲ್ಲಿ ಇದರ ಪೇಟೆಂಟ್ ಮಾರ್ಚ್ 20 ರಂದು ಮುಕ್ತಾಯಗೊಂಡಿದೆ. ಮಾರ್ಚ್ 21 ರಿಂದಲೇ ಭಾರತೀಯ ಕಂಪನಿಗಳು ಇದರ ‘ಜೆನೆರಿಕ್’ ಆವೃತ್ತಿಗಳನ್ನು ಬಿಡುಗಡೆ ಮಾಡಲು ಮುಕ್ತ ಅವಕಾಶ ಸಿಕ್ಕಿದೆ. ಸನ್ ಫಾರ್ಮಾ, ಡಾ. ರೆಡ್ಡೀಸ್, ಜೈಡಸ್, ಲುಪಿನ್ ಮತ್ತು ಮ್ಯಾನ್‌ಕೈಂಡ್ ಸೇರಿದಂತೆ ಸುಮಾರು 40ಕ್ಕೂ ಹೆಚ್ಚು ಕಂಪನಿಗಳು ಮುಂದಿನ ಕೆಲವು ವಾರಗಳಲ್ಲಿ 50ಕ್ಕೂ ಹೆಚ್ಚು ಬ್ರ್ಯಾಂಡ್‌ಗಳನ್ನು ಮಾರುಕಟ್ಟೆಗೆ ತರಲಿವೆ.

ಸೆಮಾಗ್ಲುಟೈಡ್ ಕೇವಲ ರಕ್ತದ ಸಕ್ಕರೆಯನ್ನು ನಿಯಂತ್ರಿಸುವುದಲ್ಲದೆ, ದೇಹದ ತೂಕವನ್ನು ಶೇ. 10-15 ರಷ್ಟು ಇಳಿಸಲು ಸಹಾಯ ಮಾಡುತ್ತದೆ. ಈ ಔಷಧವು ಹೃದಯಾಘಾತದ ಅಪಾಯವನ್ನು ಶೇ. 26 ರಷ್ಟು ಮತ್ತು ಪಾರ್ಶ್ವವಾಯು  ಅಪಾಯವನ್ನು ಶೇ. 39 ರಷ್ಟು ಕಡಿಮೆ ಮಾಡುತ್ತದೆ ಎಂದು ಕ್ಲಿನಿಕಲ್ ಪ್ರಯೋಗಗಳು ಸಾಬೀತುಪಡಿಸಿವೆ. ಇದು ಮೂತ್ರಪಿಂಡಕ್ಕೆ ರಕ್ಷಣೆ ನೀಡುವುದಲ್ಲದೆ, ಲಿವರ್ ಸಂಬಂಧಿತ ಸಮಸ್ಯೆಗಳ ಮೇಲೂ ಧನಾತ್ಮಕ ಪರಿಣಾಮ ಬೀರುತ್ತದೆ. ಇಲ್ಲಿಯವರೆಗೆ ನಾವು ಕೇವಲ ಮಧುಮೇಹವನ್ನು ನಿಯಂತ್ರಿಸುತ್ತಿದ್ದೆವು, ಆದರೆ ಈ ಔಷಧವು ಕಾಯಿಲೆಯನ್ನೇ ಮಾರ್ಪಡಿಸುವ ಶಕ್ತಿ ಹೊಂದಿದೆ  ಎನ್ನುತ್ತಾರೆ ತಜ್ಞ ವೈದ್ಯರು.

https://www.newsics.com/2026/03/21/a-borewell-was-dug-for-water-but-what-was-found-was-natural-gas/