ಸಂಜನಾ ಬುರ್ಲಿ ಶ್ರೀಗಂಧದ ಗುಡಿ ಸೀರಿಯಲ್​​ನ ಬಿಡ್ತಿರೋದ್ಯಾಕೆ? ಈ ನಿರ್ಧಾರ ಮಾಡಿರೋದರ ಹಿಂದಿನ ಅಸಲಿ ರೀಸನ್ ಏನು ?

https://youtube.com/shorts/JFDfzeRUAUw?si=UPiQjhCFAIkLXEhb

newsics.com

ಶ್ರೀ ಗಂಧದ ಗುಡಿ ಧಾರಾವಾಹಿಯಿಂದ ಸಂಜನಾ ಬುರ್ಲಿ ಅವರು ಹೊರ ಬಂದಿದ್ದಾರೆ. ಅವರು ಧಾರಾವಾಹಿಯನ್ನು ಬಿಟ್ಟಿದ್ದು ಏಕೆ ಎಂಬ ಪ್ರಶ್ನೆ ಅನೇಕರಿಗೆ ಮೂಡಿತ್ತು.

ಪುಟ್ಟಕ್ಕನ ಮಕ್ಕಳು ಸೀರಿಯಲ್ ಮೂಲಕ ಹಿಟ್ ಎನಿಸಿಕೊಂಡಿದ್ದ ಸಂಜನಾ ಬುರ್ಲಿ ಶ್ರೀಗಂಧದ ಗುಡಿ ಮೂಲಕ ಪ್ರೇಕ್ಷಕರ ಮೆಚ್ಚುಗೆ ಮತ್ತೊಮ್ಮೆ ಉಳಿಸಿಕೊಂಡರು. ಆದರೆ ಈಗ ದಿಢೀರ್ ಸೀರಿಯಲ್ ಬಿಡ್ತಿರೋದ್ಯಾಕೆ?

ಎಲ್ಲರಿಗೂ ನಮಸ್ಕಾರ. ನಾನು ಇವತ್ತು ಚಂದನ ಆಗಿ ಬಂದಿಲ್ಲ. ನಿಮ್ಮೆಲ್ಲರ ಮುಂದೆ ಸಂಜನಾ ಆಗಿ ಬಂದಿದ್ದೇನೆ. ಇವಳು ಯಾಕೆ ಹಿಂಗೆಲ್ಲ ಮಾತಾಡ್ತಾ ಇದ್ದಾಳೆ ಅಂತ ಆಶ್ಚರ್ಯ ಆಗ್ತಿದ್ಯಾ? ನಿಮ್ಮೆಲ್ಲರ ಜೊತೆ ನಾನು ಮುಖ್ಯವಾದ ವಿಷಯ ಹಂಚಿಕೊಳ್ಳಬೇಕು. ಒಂದು ಹುಡುಗಿಯ ಬದುಕಲ್ಲಿ ಮದುವೆ ಅನ್ನೋದು ತುಂಬಾನೇ ಮುಖ್ಯವಾದ ಘಟ್ಟ ಅಂತ ನಿಮಗೆಲ್ಲರಿಗೂ ತಿಳಿದಿದೆ.

ನಾನು ಕೂಡ ಆ ಒಂದು ನಿರ್ಣಾಯಕ ಹಂತಕ್ಕೆ ಬಂದಿದ್ದೀನಿ. ಹೌದು, ನಾನು ವೈವಾಹಿಕ ಜೀವನಕ್ಕೆ ಕಾಲಿಡ್ತಾ ಇದ್ದೀನಿ. ಇದಕ್ಕೆ ನಿಮ್ಮೆಲ್ಲರ ಆಶೀರ್ವಾದ ನಂಗೆ ಬೇಕಾಗಿದೆ. ಆದ್ದರಿಂದ ಇನ್ಮೇಲೆ ಚಂದನ ಆಗಿ ನಿಮ್ಮೆಲ್ಲರ ಮುಂದೆ ಬರೋದಕ್ಕೆ ಸಾಧ್ಯವಾಗುತ್ತಿಲ್ಲ. ಆದರೆ ಖಂಡಿತವಾಗಲೂ ಚಂದನ್ ಆಗಿ ನೀವು ಕೊಟ್ಟಿರೋ ಪ್ರೀತಿ ಅಕ್ಕರೆ ನಾನು ತುಂಬಾ ಮಿಸ್ ಮಾಡ್ಕೋತೀನಿ.ಹೊಸ ಪಾತ್ರಧಾರಿ, ಸ್ನೇಹಾ ಮಂಜುನಾಥ್​​ಗೂ ಪ್ರೀತಿ ತೋರಿಸುವಂತೆ ಅವರು ಕೋರಿದ್ದಾರೆ.

ಇದೀಗ ಎಲ್ಲರಿಗೂ ಇರುವ ಮತ್ತೊಂದು ಕುತೂಹಲ ಏನೆಂದರೆ ಸಂಜನಾ ನಿಶ್ಚಿತಾರ್ಥ ಮಾಡಿಕೊಂಡ ಹುಡುಗ ಯಾರು ಎಂಬುದು. ಸಂಜನಾ ಅವರ ಹುಡುಗ ಸಮರ್ಥ್‌, ವೃತ್ತಿಯಲ್ಲಿ ವೈದ್ಯರಾಗಿದ್ದು . ದಾವಣಗೆರೆ ಜಿಲ್ಲೆಯ ಚನ್ನಗಿರಿಯವರು. ಎಂಬಿಬಿಎಸ್, ಎಂಡಿ ವೈದ್ಯರಾಗಿ ವೃತ್ತಿ ಮಾಡುತ್ತಿದ್ದಾರೆ ಎಂದು ಹೇಳಲಾಗ್ತಿದೆ.

https://www.newsics.com/2026/03/14/son-jason-drops-father-vijays-name/