https://youtube.com/shorts/lXpfR5AMayg?si=7veIYlHbfMC24bIz
Subscribe ನ್ಯೂಸಿಕ್ಸ್ ಕನ್ನಡ
newsics.com
65 ವರ್ಷದ ಮಂಗಳಾ ಅಜ್ಜಿ ತಮ್ಮ ಇಳಿ ವಯಸ್ಸಿನಲ್ಲಿ ಆಟೋ ರಿಕ್ಷಾ ಚಾಲನೆಯನ್ನು ಕಲಿಯುವ ಮೂಲಕ ಸಮಾಜದ ಸಾಂಪ್ರದಾಯಿಕ ಚೌಕಟ್ಟುಗಳನ್ನು ಮುರಿದು ಎದೆಯುಬ್ಬಿಸಿ ಬದುಕುತ್ತಿದ್ದಾರೆ.
ಮಹಾರಾಷ್ಟ್ರದ ಸತಾರಾ ಜಿಲ್ಲೆಯ ಕರಾಡ್ ನಿವಾಸಿ,
ಮಂಗಳಾ ಅವರ ಜೀವನ ಅಷ್ಟು ಸುಲಭದ್ದಾಗಿರಲಿಲ್ಲ. ಪತಿಯ ನಿಧನದ ನಂತರ ಕೂಲಿ ಕೆಲಸ ಮಾಡಿಯೇ ನಾಲ್ಕು ಮಕ್ಕಳನ್ನು ಸಾಕಿ ಸಲಹಿದರು. ಇಂದು ಮಗ ಮಹಾರಾಷ್ಟ್ರ ಸಾರಿಗೆ ಸಂಸ್ಥೆಯಲ್ಲಿ ಚಾಲಕನಾಗಿದ್ದಾನೆ, ಹೆಣ್ಣುಮಕ್ಕಳು ವಿವಾಹವಾಗಿ ನೆಮ್ಮದಿಯಾಗಿದ್ದಾರೆ. ಆದರೂ, ಮಕ್ಕಳ ಮೇಲೆ ಹಣಕಾಸಿನ ಹೊರೆಯಾಗಬಾರದು ಮತ್ತು ತಮ್ಮ ವೈದ್ಯಕೀಯ ವೆಚ್ಚಗಳನ್ನು ತಾವೇ ಭರಿಸಬೇಕು ಎಂಬ ಉದ್ದೇಶದಿಂದ ಮಂಗಳಾ ಅಜ್ಜಿ ಆಟೋ ಓಡಿಸುವ ನಿರ್ಧಾರ ಮಾಡಿದರು.
ಮಗನ ಮಾರ್ಗದರ್ಶನದಲ್ಲಿ ಕೇವಲ 3 ದಿನಗಳಲ್ಲಿ ಆಟೋ ಯಂತ್ರದ ಕಾರ್ಯವೈಖರಿ ಕಲಿತ ಇವರು, 15 ದಿನಗಳಲ್ಲಿ ಪೂರ್ಣ ಪ್ರಮಾಣದ ಚಾಲಕಿಯಾಗಿ ಹೊರಹೊಮ್ಮಿದರು. ಪ್ರಸ್ತುತ ಇವರು ಪ್ರತಿದಿನ ಬೆಳಿಗ್ಗೆ 9 ರಿಂದ ಸಂಜೆ 6 ರವರೆಗೆ ಕರಾಡ್ ಮತ್ತು ಉಂಡಾಲೆ ನಡುವೆ ಪ್ರಯಾಣಿಕರನ್ನು ಕರೆದೊಯ್ಯುತ್ತಾರೆ.
ಸಾಮಾಜಿಕ ಜಾಲತಾಣದಲ್ಲಿ ವೈರಲ್
ಮಂಗಳಾ ಅಜ್ಜಿ ಆಟೋ ಓಡಿಸುವ ವಿಡಿಯೋ ಇಂಟರ್ನೆಟ್ನಲ್ಲಿ ಭಾರಿ ಸದ್ದು ಮಾಡುತ್ತಿದೆ.
ದಿನಕ್ಕೆ 500 ರಿಂದ 700 ರೂಪಾಯಿ ಸಂಪಾದಿಸುವ ಇವರು, “ಪ್ರತಿಯೊಬ್ಬ ಮಹಿಳೆಯೂ ಧೈರ್ಯ ಪ್ರದರ್ಶಿಸಿ ಸ್ವಾವಲಂಬಿಯಾಗಬೇಕು” ಎಂಬ ಸಂದೇಶ ನೀಡುತ್ತಿದ್ದಾರೆ.
