https://youtube.com/shorts/lXpfR5AMayg?si=7veIYlHbfMC24bIz
Subscribe ನ್ಯೂಸಿಕ್ಸ್ ಕನ್ನಡ
newsics.com
ಬೆಂಗಳೂರು: ರಾಜ್ಯ ಅಗ್ನಿಶಾಮಕ ಮತ್ತು ತುರ್ತು ಸೇವೆಗಳ ಇಲಾಖೆಯಲ್ಲಿ ಮಹಿಳೆಯರಿಗೆ ಶೇಕಡ 10 ರಷ್ಟು ಹುದ್ದೆ ಮೀಸಲಿಡಲಾಗಿದೆ. ನೇಮಕಾತಿ ಪದನಾಮ ಮರುನಾಮಕರಣ ಮಾಡಲಾಗಿದೆ.
1964ರಿಂದ ಜಾರಿಗೆ ಬಂದಿರುವ ಅಗ್ನಿಶಾಮಕ ಮತ್ತು ತುರ್ತು ಸೇವೆಗಳ ಇಲಾಖೆಯಲ್ಲಿ ಇದುವರೆಗೆ ಮಹಿಳೆಯರ ನೇಮಕಾತಿ ಇರಲಿಲ್ಲ. ದಶಕಗಳ ಹೋರಾಟದ ನಂತರ ಸರ್ಕಾರ ಮಹಿಳೆಯರಿಗೆ ಶೇಕಡ 10 ರಷ್ಟು ಹುದ್ದೆ ಮೀಸಲಿಟ್ಟಿದೆ. ಮಹಿಳಾ ಅಭ್ಯರ್ಥಿಗಳಿಗೆ ಅವಕಾಶ ನೀಡಲು ಫೈರ್ ಮ್ಯಾನ್ ಬದಲಾಗಿ ಫೈರ್ ಫೈಟರ್ ಎಂದು ಹುದ್ದೆ ಮರುನಾಮಕರಣ ಮಾಡಲಾಗಿದೆ.
ರಾಜ್ಯ ಸರ್ಕಾರ 7159 ತುರ್ತು ಸೇವೆ ಹುದ್ದೆಗಳಿಗೆ ಮಂಜೂರಾತಿ ನೀಡಿದ್ದು, 5113 ಹುದ್ದೆಗಳು ಭರ್ತಿಯಾಗಿದ್ದು, 2046 ಹುದ್ದೆಗಳು ಖಾಲಿ ಇದ್ದು, ಅಗ್ನಿಶಾಮಕ, ಅಗ್ನಿಶಾಮಕ ಠಾಣಾಧಿಕಾರಿ ಹುದ್ದೆಗಳಿಗೆ ನೇಮಕಾತಿಯಲ್ಲಿ ಮಹಿಳಾ ಹುದ್ದೆಗಳನ್ನು ಕಾಯ್ದಿರಿಸಲಾಗುವುದು ಎಂದು ಹೇಳಲಾಗಿದೆ.
ಗೃಹ ಸಚಿವಾಲಯ ಇತ್ತೀಚೆಗೆ ಕೈಗೊಂಡಿದ್ದ ಅಗ್ನಿಶಾಮಕ ಸಲಹಾ ಮಂಡಳಿ ಸಭೆಯಲ್ಲಿ ನೇಮಕಾತಿಯಲ್ಲಿ ಮಹಿಳೆಯರಿಗೂ ಅವಕಾಶ ಕಲ್ಪಿಸಲು ತೀರ್ಮಾನ ಕೈಗೊಳ್ಳಲಾಗಿತ್ತು.
https://www.newsics.com/2026/02/17/french-president-macron-visits-india-for-the-fourth-time/
