Subscribe ನ್ಯೂಸಿಕ್ಸ್ ಕನ್ನಡ NewsicsKannada/YouTube
newsics.com
ಬೆಳ್ಳಂಬೆಳಗ್ಗೆ ಗೆಳತಿ ಮನೆಗೆ ಬಾಯ್ಫ್ರೆಂಡ್ ಎಂಟ್ರಿಕೊಟ್ಟಿದ್ದಾನೆ. ಆಕೆಗೆ ಯಾವುದೇ ಸುಳಿವು ನೀಡದೆ ಗೆಳತಿ ಮಲಗಿದ್ದ ಬೆಡ್ರೂಂ ಸೇರಿಕೊಂಡಿದ್ದು ಮಾತ್ರವಲ್ಲ, ಲೈವ್ ಬ್ಯಾಂಡ್ ಮೂಲಕ ಗೆಳತಿಗೆ ಪ್ರಪೋಸ್ ಮಾಡಿದ್ದಾನೆ. ಬ್ಯಾಂಡ್ ಸದ್ದಿಗೆ ಎದ್ದ ಗೆಳತಿಗೆ ಅಚ್ಚರಿಯಾಗಿದೆ. ಜೊತೆಗೆ ಬಾಯ್ಫ್ರೆಂಡ್ನ ಕ್ಯೂಟ್ ಪ್ರಪೋಸಲ್ಗೆ ನಾಚಿ ನೀರಾಗಿ ಯೆಸ್ ಎಂದು ಹೇಳಿದ್ದಾಳೆ. ಈ ವಿಡಿಯೋ ಸಾಮಾಜಿಕ ಜಾಲತಾಣಗಳಲ್ಲಿ ಭಾರೀ ವೈರಲ್ ಆಗಿದೆ.
ನೇಹಾ ಜೈನ್ ತನ್ನ ಸೋಶಿಯಲ್ ಮೀಡಿಯಾ ಖಾತೆಯಲ್ಲಿ ವಿಡಿಯೋ ಹಂಚಿಕೊಂಡಿದ್ದಾಳೆ. ಮೇರಿ ಬ್ಯಾಂಡ್ ಬಜ್ ಗಯಿ ಎಂದು ನೇಹಾ ಜೈನ್ ಬರೆದುಕೊಂಡಿದ್ದಾಳೆ. ಈ ವಿಡಿಯೋದ ಆರಂಭ, ಬಾಯ್ಫ್ರೆಂಡ್ ಕ್ಯಾಬ್ನಿಂದ ಇಳಿದು ಬರುವ ದೃಶ್ಯವಿದೆ. ದೆಹಲಿಯಲ್ಲಿರುವ ಗೆಳತಿ ಮನೆಗೆ ಬಂದ ಬಾಯ್ಫ್ರೆಂಡ್, ಲೈವ್ ಬ್ಯಾಂಡ್ ತಂಡವನ್ನು ಕರೆತಂದಿದ್ದಾನೆ. ಬಳಿಕ ಗೆಳತಿಯ ಮಲಗಿದ್ದ ಕೋಣೆಯತ್ತ ತೆರಳಿದ್ದಾನೆ. ಇನ್ನೂ ಸೂರ್ಯನ ಬೆಳಕು ಬೀಳುತ್ತಿದೆ ಅಷ್ಟೆ. ಬೆಳ್ಳಂಬೆಳಗ್ಗೆ ಬಾಯ್ಫ್ರೆಂಡ್ ಆಗಮಿಸಿದ್ದಾನೆ. ಗೆಳತಿ ಗಾಢ ನಿದ್ದೆಯಲ್ಲಿದ್ದಾಗಲೇ ಈತ ಕೋಣೆ ಸೇರಿಕೊಂಡಿದ್ದಾನೆ.
ಇತ್ತ ಗೆಳತಿಗೆ ಇದ್ಯಾವುದರ ಅರಿವೇ ಇಲ್ಲ. ಗಾಢ ನಿದ್ದೆಯಲ್ಲಿದ್ದಾಳೆ. ಅಷ್ಟೊತ್ತಿಗೆ ಬಾಯ್ಫ್ರೆಂಡ್ ಲೈವ್ ಬ್ಯಾಂಡ್ಗೆ ಸಿಗ್ನಲ್ ನೀಡಿದ್ದಾನೆ. ಲೈವ್ ಬ್ಯಾಂಡ್ ತಂಡದ ಸದಸ್ಯರು ಕೋಣೆಯೊಳಗೆ ಬಂದು ಬ್ಯಾಂಡ್ ಆರಂಭಿಸಿದ್ದಾನೆ. ಈ ಸದ್ದಿಗೆ ಗೆಳತಿ ಎಚ್ಚರಗೊಂಡಿದ್ದಾಳೆ. ಬಾಗಿಲ ಬಳಿ ನಿಂತಿದ್ದ ಲೈವ್ ಬ್ಯಾಂಡ್ ಸದಸ್ಯರ ಲೈವ್ ಪರ್ಫಾಮೆನ್ಸ್ ನೋಡಿ ಅಚ್ಚರಿಗೊಂಡಿದ್ದಾಳೆ. ಲೈವ್ ಬ್ಯಾಂಡ್ ಸದಸ್ಯರ ಕಡೆ ತಿರುಗಿ ನೋಡುತ್ತಲೇ ಇದ್ದ ನೇಹಾ ಜೈನ್ಗೆ ಪಕ್ಕದಲ್ಲೇ ಬಾಯ್ಫ್ರೆಂಡ್ ಮಂಡಿಯೂರಿದ್ದು ಆರಂಭದಲ್ಲಿ ಗೊತ್ತಾಗಲಿಲ್ಲ. ವಿಲ್ ಯು ಮ್ಯಾರಿ ಮಿ ಎಂಬ ಪ್ರಪೋಸಲ್ ನೇಹಾ ಜೈನ್ ಖುಷಿ ಇಮ್ಮಡಿಗೊಳಿಸಿದ್ದು ಮಾತ್ರವಲ್ಲ, ಆನಂದಬಾಷ್ಪ ಸುರಿಸಿದೆ. ಮರು ಕ್ಷಣದಲ್ಲೇ ಯೆಸ್ ಎಂದಿದ್ದಾಳೆ.
https://www.instagram.com/reel/DRm0hTIiddD/?igsh=MXQxZWw4a2hieml2bQ==
