Subscribe ನ್ಯೂಸಿಕ್ಸ್ ಕನ್ನಡ NewsicsKannada/YouTube
newsics.com
ಮೊಟ್ಟೆಗಳನ್ನು ಸರಿಯಾಗಿ ಸಂಗ್ರಹಿಸದಿದ್ದರೆ ಅವು ಹಾಳಾಗುವ ಸಾಧ್ಯತೆ ಇರುತ್ತದೆ. ಇಂತಹ ಮೊಟ್ಟೆಗಳು ಆರೋಗ್ಯಕ್ಕೂ ಹಾನಿಕಾರಕ. ಇಂತಹ ಮೊಟ್ಟೆಗಳನ್ನು ಹಾಳಾಗಿದೆಯೋ ಎಂಬುದನ್ನು ಈ ರೀತಿ ಕಂಡುಹಿಡಿಯಿರಿ.
ಮೊಟ್ಟೆಗಳು ಸಾಮಾನ್ಯವಾಗಿ ಸಾಲ್ಮೊನೆಲ್ಲಾ ಬ್ಯಾಕ್ಟೀರಿಯಾದಿಂದ ಹಾಳಾಗುತ್ತವೆ. ಆಹಾರ ವಿಷವಾಗಲು ಕಾರಣವಾಗುವುದೇ ಈ ಬ್ಯಾಕ್ಟೀರಿಯಾ. ಈ ಬ್ಯಾಕ್ಟೀರಿಯಾ ವೇಗವಾಗಿ ಬೆಳೆದಷ್ಟೂ ಮೊಟ್ಟೆಯೂ ವೇಗವಾಗಿ ಹಾಳಾಗುತ್ತದೆ. ಹಾಗಾಗಿ ಇದನ್ನು ತಿನ್ನುವುದರಿಂದ ಆರೋಗ್ಯ ಸಮಸ್ಯೆ ಕಾಣಿಸಿಕೊಳ್ಳುತ್ತದೆ. ಇದಲ್ಲದೆ, ಪ್ರತಿ ದಿನ ಕಳೆದಂತೆ ಮೊಟ್ಟೆಯ ಗುಣಮಟ್ಟ ಕಡಿಮೆಯಾಗುತ್ತದೆ.
ಫ್ಲೋಟ್ ಟೆಸ್ಟ್: ಮೊಟ್ಟೆ ಕೊಳೆತಿದೆಯೇ ಅಥವಾ ಇಲ್ಲವೇ ಎಂಬುದನ್ನು ನೀರಿನ ಮೂಲಕವೂ ಪರೀಕ್ಷಿಸಬಹುದು. ಫ್ಲೋಟ್ ಪರೀಕ್ಷೆಯನ್ನು ಮಾಡಲು, ನಿಮ್ಮ ಮೊಟ್ಟೆಯನ್ನು ಒಂದು ಬೌಲ್ ನೀರಿನಲ್ಲಿ ನಿಧಾನವಾಗಿ ಇರಿಸಿ. ಮೊಟ್ಟೆ ಮುಳುಗಿದರೆ, ಅದು ಫ್ರೆಶ್ ಆಗಿದೆ ಎಂದರ್ಥ. ಮೊಟ್ಟೆ ಅರ್ಧ ಮುಳುಗಿದರೆ ಅದು ಹಳೆಯದಾಗಿದೆ ಎಂದರ್ಥ. ಮೊಟ್ಟೆ ಸಂಪೂರ್ಣವಾಗಿ ತೇಲಿದರೆ, ಅದು ಕೊಳೆತಿದೆ ಎಂದರ್ಥ.
ಫ್ಲ್ಯಾಶ್ಲೈಟ್ ಪರೀಕ್ಷೆ: ಈ ವಿಧಾನವು ಮೊಟ್ಟೆಯ ಒಳಭಾಗವನ್ನು ನೋಡಲು ನಿಮಗೆ ಸಹಾಯ ಮಾಡುತ್ತದೆ. ಇದಕ್ಕಾಗಿ, ನೀವು ನಿಮ್ಮ ಮೊಬೈಲ್ ಫೋನ್ನ ಫ್ಲ್ಯಾಶ್ ಲೈಟ್ ಆನ್ ಮಾಡಿ ಅದರ ಮೇಲೆ ಮೊಟ್ಟೆಯನ್ನಿಡಿ. ಮೊಟ್ಟೆಯು ಚಿಪ್ಪಿನ ಮೂಲಕ ಸ್ಪಷ್ಟ ಹಳದಿ ಬಣ್ಣ ಗೋಚರಿಸಿದರೆ, ಅದು ತಾಜಾವಾಗಿದೆ ಎಂದರ್ಥ. ಅದೇ ಮೊಟ್ಟೆ ಬಿಳಿ ಬಣ್ಣದಲ್ಲಿ ಗೋಚರಿಸಿದರೆ ಅದು ಕೊಳೆತಿದೆ ಎಂದರ್ಥ.
ಇದಲ್ಲದೆ ಮೊಟ್ಟೆ ಕೊಳೆತಿದೆಯೇ ಎಂದು ತಿಳಿಯಲು ವಾಸನೆ ಪರೀಕ್ಷೆಯು ಪರಿಣಾಮಕಾರಿ ಮಾರ್ಗವಾಗಿದೆ. ಕೊಳೆತ ಮೊಟ್ಟೆಗಳು ಹಸಿ ಅಥವಾ ಬೇಯಿಸಿದವುಗಳೇ ಆಗಿರಲಿ, ಅವುಗಳಿಂದ ಕೆಟ್ಟ ವಾಸನೆ ಬರುತ್ತದೆ. ಅವುಗಳನ್ನು ನಿಮ್ಮ ಮೂಗಿನ ಹತ್ತಿರ ಹಿಡಿದು ವಾಸನೆ ನೋಡುವ ಮೂಲಕ ಇದನ್ನು ತಿಳಿಯಬಹುದು.
ಬಿಗ್ ಬಾಸ್ ಕನ್ನಡಎಕ್ಸ್ಟೆಂಡ್ ಆಗುತ್ತಾ ?; ಹೊಸ ಟ್ವಿಸ್ಟ್ ಕೊಟ್ಟ ಬಿಗ್ ಬಾಸ್
