Subscribe ನ್ಯೂಸಿಕ್ಸ್ ಕನ್ನಡ NewsicsKannada/YouTube
newsics.com
ನವದೆಹಲಿ: ಕಾಶಿ ವಿಶ್ವನಾಥ ದೇವಸ್ಥಾನದ ಅರ್ಚಕರು ತಿಂಗಳಿಗೆ 90 ಸಾವಿರ ವೇತನ ಪಡೆಯುವ ಸಾಧ್ಯತೆಯಿದೆ. ಅಷ್ಟೇ ಅಲ್ಲ, ಅವರೆಲ್ಲ ಸರ್ಕಾರಿ ಉದ್ಯೋಗಿಯ ಸ್ಥಾನಮಾನವನ್ನೂ ಪಡೆಯಲಿದ್ದಾರೆ.
ಶ್ರೀ ಕಾಶಿ ವಿಶ್ವನಾಥ ದೇವಾಲಯ ಟ್ರಸ್ಟ್, ಶ್ರೀ ಕಾಶಿ ವಿಶ್ವನಾಥ ವಿಶ್ವ ಕ್ಷೇತ್ರ ವಿಕಾಸ ಪರಿಷತ್ ಮತ್ತು ಅದರ ಕಾರ್ಯಕಾರಿ ಸಮಿತಿ ಈ ನಿರ್ಣಯ ಕೈಗೊಂಡಿದೆ ಎಂದು ಮನಿ ಕಂಟ್ರೋಲ್ ವರದಿ ಮಾಡಿದೆ.
ಶ್ರೀ ಕಾಶಿ ವಿಶ್ವನಾಥ ದೇವಾಲಯ ಟ್ರಸ್ಟ್ ಕೂಡ ಅರ್ಚಕರು ಮತ್ತು ನೌಕರರಿಗೆ ಹೊಸ ಸೇವಾ ನಿಯಮಗಳನ್ನು ಅನುಮೋದಿಸಿದ್ದು, ಅವರಿಗೆ ರಾಜ್ಯ ಸರ್ಕಾರಿ ಸಿಬ್ಬಂದಿಯ ಸ್ಥಾನಮಾನವನ್ನು ನೀಡಿದೆ ಎಂದು ವರದಿ ತಿಳಿಸಿದೆ.
ಪುರೋಹಿತರಿಗೆ ಮಂಡಳಿಯು ಔಪಚಾರಿಕವಾಗಿ ಸೇವಾ ನಿಯಮಗಳನ್ನು ಪರಿಚಯಿಸಿದೆ. ನಮ್ಮ ಪುರೋಹಿತರಿಗೆ ಈ ಹಿಂದೆ ಯಾವುದೇ ಸೇವಾ ನಿಯಮಗಳು ಇರಲಿಲ್ಲ. ನಿಯಮಗಳು ಸೇರಿದಂತೆ ಒಪ್ಪಂದವನ್ನು ಮಂಡಳಿಯು ಅನುಮೋದಿಸಿದೆ. ಸರ್ಕಾರ ಒಪ್ಪಿದರೆ, ಅದನ್ನು ಸ್ವೀಕರಿಸಿ ಸಹಿ ಮಾಡುವ ಪ್ರಸ್ತುತ ಪುರೋಹಿತರು ಸುಧಾರಿತ ಸೌಲಭ್ಯಗಳನ್ನು ಪಡೆಯಲಿದ್ದಾರೆ ಎಂದು ದೇವಾಲಯದ ಟ್ರಸ್ಟ್ ಸಿಇಒ ವಿಶ್ವ ಭೂಷಣ್ ಮಿಶ್ರಾ ಹೇಳಿದ್ದಾರೆ.
ಅರ್ಚಕರ ವೇತನದಲ್ಲಿ ಮೂರು ಪಟ್ಟು ಹೆಚ್ಚಳದ ಜತೆ, ದೇವಾಲಯದಲ್ಲಿ ಕೆಲಸ ಮಾಡುವ ಸಿಬ್ಬಂದಿ ಸದಸ್ಯರಿಗೆ ವೇತನ ಮತ್ತು ಭತ್ಯೆ ಹೆಚ್ಚಳವನ್ನು ಈ ನಿರ್ಧಾರ ಒಳಗೊಂಡಿದೆ. ಅದರೊಂದಿಗೆ, ರಾಮೇಶ್ವರಂ ದೇವಾಲಯದ ಸಹಯೋಗದೊಂದಿಗೆ ತೀರ್ಥ ಜಲ ಯೋಜನೆಗೂ ಮಂಡಳಿ ಅನುಮೋದನೆ ನೀಡಿತು.
ದುರುಪಯೋಗದ ಕಾರಣದಿಂದಾಗಿ ಹಿಂದೆ ಸ್ಥಗಿತಗೊಳಿಸಲಾಗಿದ್ದ ನಿಯಮಿತ ಸಂದರ್ಶಕರ ಪಾಸ್ ಅನ್ನು ಮತ್ತೆ ಪರಿಚಯಿಸಲು ಟ್ರಸ್ಟ್ ನಿರ್ಧರಿಸಿದೆ. ಈ ಬಾರಿ, ಕಠಿಣ ನಿಯಮಗಳು ಅನ್ವಯವಾಗಲಿದ್ದು, ಕಾಶಿಯ ಅನಿವಾಸಿಗಳು ತಾತ್ಕಾಲಿಕ ನಿವಾಸವನ್ನು ದೃಢೀಕರಿಸುವ ಅಫಿಡವಿಟ್ ಒದಗಿಸಬೇಕಾಗುತ್ತದೆ. ಪಾಸ್ಗಳನ್ನು ನೀಡುವ ಮೊದಲು ಜಿಲ್ಲಾಡಳಿತ ಪರಿಶೀಲನೆ ಮಾಡಲಿದೆ.
ASTRO ನಿಮ್ಮ ಮೊಬೈಲ್ ನಂಬರ್ನಲ್ಲಿ ಈ ಸಂಖ್ಯೆಗಳಿದ್ದರೆ ಭಾರೀ ಅಶುಭ, ಯಾವ್ಯಾವ ನಂಬರ್ ಡೇಂಜರ್?
