Newsics_Kannada
Subscribe and watch video
ನ್ಯೂಸಿಕ್ಸ್ ಕನ್ನಡ
ಬನ್ನಿ ನಮ್ ಸಂಗಡ
newsics.com
ಪವರ್ ಸ್ಟಾರ್ ಪುನೀತ್ ರಾಜ್ಕುಮಾರ್ ನಮ್ಮನ್ನು ಅಗಲಿ ವರ್ಷಗಳೇ ಕಳೆಯುತ್ತಿವೆ. ಆದರೆ, ಅವರ ನೆನಪು ಮಾತ್ರ ನಮ್ಮ ಮನದಲ್ಲಿ ಅಚ್ಚಳಿಯದೆ ಉಳಿದಿದೆ. ಇದೀಗ ಅವರನ್ನು ಪ್ರತಿದಿನ ನಮ್ಮ ಅಂಗೈಯಲ್ಲೇ ಕಣ್ತುಂಬಿಕೊಳ್ಳುವ ಅದ್ಭುತ ಅವಕಾಶವೊಂದು ಈಗ ನಮ್ಮ ಮುಂದೆ ತೆರೆದುಕೊಳ್ಳುತ್ತಿದೆ.
ಅಪ್ಪು ಅಭಿಮಾನಿಗಳಿಗಾಗಿಯೇ, ಅವರ ನೆನಪನ್ನು ಶಾಶ್ವತವಾಗಿಸಲು, ಅವರ ಜೀವನದ ಪುಟಗಳನ್ನು ಜಗತ್ತಿಗೆ ತೆರೆದಿಡಲು ಪಿಆರ್ಕೆ ಆ್ಯಪ್ ಎಂಬ ಮೊಬೈಲ್ ಅಪ್ಲಿಕೇಶನ್ ಬರಲಿದೆ. ಈ ಮೂಲಕ ಅಪ್ಪು ಮತ್ತೆ ನಮ್ಮ ನಿಮ್ಮೆಲ್ಲರ ನಡುವೆ, ನಮ್ಮದೇ ಮೊಬೈಲ್ನಲ್ಲಿ ಜೀವಂತವಾಗಿರಲಿದ್ದಾರೆ!
ಅಪ್ಪು ಅವರ ನೆನಪಿನಲ್ಲಿ, ಅವರ ಕನಸುಗಳನ್ನು ಮುಂದುವರೆಸುತ್ತಿರುವ ಶ್ರೀಮತಿ ಅಶ್ವಿನಿ ಪುನೀತ್ ರಾಜ್ಕುಮಾರ್ ಅವರು ಈ ಮಹತ್ಕಾರ್ಯಕ್ಕೆ ಮುಂದಾಗಿದ್ದಾರೆ. ಇದೇ ಅಕ್ಟೋಬರ್ 29, ಪುನೀತ್ ರಾಜ್ಕುಮಾರ್ ಅವರ ನಾಲ್ಕನೇ ಪುಣ್ಯಸ್ಮರಣೆಯ ದಿನದಂದು ಈ ಆ್ಯಪ್ ಅನ್ನು ಅಧಿಕೃತವಾಗಿ ಲೋಕಾರ್ಪಣೆ ಮಾಡಲಾಗುವುದು.
ಇದೇ ಬರುವ ಶನಿವಾರ, ಬೆಳಗ್ಗೆ 11:55ಕ್ಕೆ ಈ ಆ್ಯಪ್ನ ಅಧಿಕೃತ ಟ್ರೈಲರ್ ಬಿಡುಗಡೆಯಾಗಲಿದೆ. ಆ ಟ್ರೈಲರ್ನಲ್ಲಿ ಏನಿದೆ? ಆ್ಯಪ್ನ ಝಲಕ್ ಹೇಗಿರಲಿದೆ? ಅಪ್ಪುವನ್ನು ನಾವು ಹೇಗೆಲ್ಲಾ ನೋಡಬಹುದು ಎಂಬ ಪ್ರಶ್ನೆಗಳಿಗೆ ಆ ದಿನ ಉತ್ತರ ಸಿಗಲಿದೆ. “ಅಪ್ಪುವನ್ನು PRK App ಮೂಲಕ ಕಣ್ತುಂಬಿಕೊಳ್ಳಲು ರೆಡಿಯಾಗಿ,” ಎಂದು ಅಶ್ವಿನಿ ಪುನೀತ್ ರಾಜ್ಕುಮಾರ್ ಅವರು ಅಭಿಮಾನಿಗಳಿಗೆ ಪ್ರೀತಿಯ ಕರೆ ನೀಡಿದ್ದಾರೆ.
