newsics.com
ಜೈಪುರ: ನಾಲ್ಕು ಅಂತಸ್ತಿನ ಕಟ್ಟಡ ಕುಸಿದು ಬಿದ್ದು ತಂದೆ, ಮಗಳು ಸ್ಥಳದಲ್ಲೇ ಸಾವನ್ನಪ್ಪಿದ್ದು, 7 ಜನರಿಗೆ ಗಂಭೀರವಾಗಿ ಗಾಯಗೊಂಡಿರುವ ಘಟನೆ ರಾಜಸ್ತಾನದ ಜೈಪುರ ನಗರದ ಸುಭಾಷ್ ಚೌಕ್ ಪ್ರದೇಶದ ರಾಮಕುಮಾರ್ ಧವಾಯಿಯ ಬೀದಿಯಲ್ಲಿ ನಡೆದಿದೆ.
ರಾಮಕುಮಾರ್ ಧವಾಯಿಯ ರಸ್ತೆಯ ನಿವಾಸಿ ಪ್ರಭಾತ್ (33) ಇವರ ಮಗಳು ಪಿಹು (6) ಸಾವನ್ನಪ್ಪಿದ್ದಾರೆ. ಈ ಘಟನೆಯಲ್ಲಿ ಪ್ರಭಾತ್ ಹೆಂಡತಿ ಸುನಿತಾ ಹಾಗೂ ಇತರೆ 6 ಜನರು ಗಂಭೀರವಾಗಿ ಗಾಯಗೊಂಡಿದ್ದಾರೆ. ಗಾಯಾಳುಗಳನ್ನು ಸಮೀಪದ ಆಸ್ಪತ್ರೆಗೆ ದಾಖಲು ಮಾಡಿ ಚಿಕಿತ್ಸೆ ಕೊಡಿಸಲಾಗುತ್ತಿದೆ.
ಬಾಡಿಗೆ ಮನೆಗಳು ಇರುವ ಕಟ್ಟಡವಾಗಿದ್ದು ಇದರಲ್ಲಿ ಸುಮಾರು 20 ಜನರು ವಾಸಿಸುತ್ತಿದ್ದರು. ರಾತ್ರಿ 1:15ರ ಸುಮಾರಿಗೆ ಏಕಾಏಕಿ 4 ಅಂತಸ್ತಿನ ಕಟ್ಟಡ ಕುಸಿದಿದೆ. ಹೀಗಾಗಿ ಗಾಡವಾದ ನಿದ್ರೆಯಲ್ಲಿದ್ದವರು ದೊಡ್ಡ ಆಘಾತವನ್ನು ಎದುರಿಸಿದ್ದಾರೆ. ಮಾಹಿತಿ ತಿಳಿದು ಸ್ಥಳಕ್ಕೆ ಆಗಮಿಸಿದ ಪೊಲೀಸರು, ಎಸ್ಡಿಆರ್ಎಫ್ ತಂಡದವರು ರಕ್ಷಣಾ ಕಾರ್ಯದಲ್ಲಿ ತೊಡಗಿ ಜನರನ್ನು ರಕ್ಷಣೆ ಮಾಡಿದ್ದಾರೆ.
