newsics.com
ಸೂಪರ್ಸ್ಟಾರ್’ ರಜನಿಕಾಂತ್ ಅವರ ‘ಕೂಲಿ’ ಸಿನಿಮಾ ರಿಲೀಸ್ ಆಗಲು ಸಕಲ ಸಿದ್ಧತೆ ಆಗಿದೆ. ಆಗಸ್ಟ್ 14 ರಂದು ಬಹು ಭಾಷೆಗಳಲ್ಲಿ ಈ ಸಿನಿಮಾ ಥಿಯೇಟರ್ನಲ್ಲಿ ಬಿಡುಗಡೆಯಾಗಲಿದೆ. ಕೂಲಿ ಚಿತ್ರದ ಅಡ್ವಾನ್ಸ್ ಬುಕಿಂಗ್ ದೇಶ-ವಿದೇಶಗಳಲ್ಲಿ ಭಾರೀ ಸದ್ದು ಮಾಡುತ್ತಿದೆ, ಚಿತ್ರಮಂದಿರಗಳಲ್ಲಿ ಭರ್ಜರಿ ಗಳಿಕೆಯ ದಾಖಲೆಯನ್ನು ಸೃಷ್ಟಿಸಿದೆ.
ಚಿತ್ರದ ಬಿಡುಗಡೆಯ ದಿನಾಂಕದಂದು ಹಲವು ಖಾಸಗಿ ಕಂಪನಿಗಳು ತಮ್ಮ ತಮಿಳು ಭಾಷಿಕ ಉದ್ಯೋಗಿಗಳಿಗೆ ರಜೆ ಘೋಷಿಸಿವೆ. ಉದ್ಯೋಗಿಗಳಿಗೆ ಉಚಿತ ಟಿಕೆಟ್, ಊಟದ ವ್ಯವಸ್ಥೆ, ಮತ್ತು ರಜೆ ಸೌಲಭ್ಯಗಳನ್ನು ನೀಡಿವೆ.
ಇತ್ತೀಚೆಗೆ ಮಧುರೈನಲ್ಲಿರುವ ಯುಎನ್ ಒ ಆ್ಯಕ್ವಾ ಎಂಬ ಖಾಸಗಿ ಕಂಪನಿಯೊಂದು ತನ್ನ ಉದ್ಯೋಗಿಗಳಿಗೆ ಕೂಲಿ ಸಿನಿಮಾ ನೀಡಲು ಒಂದು ದಿನದ ರಜೆಯನ್ನು ಘೋಷಣೆ ಮಾಡಿದೆ. ಅಷ್ಟೇ ಅಲ್ಲದೆ, ಈ ವರ್ಷ ರಜನೀಕಾಂತ್ ಅವರು ಚಿತ್ರರಂಗಕ್ಕೆ ಕಾಲಿಟ್ಟು 50ನೇ ವರ್ಷವಾಗಿರುವುದನ್ನು ಸಂಭ್ರಮಿಸಲು ಆ ದಿನದಂದು, ತನ್ನ ಉದ್ಯೋಗಿಗಳಿಗೆ ಉಚಿತವಾಗಿ ಕೂಲಿ ಟಿಕೆಟ್ ಗಳನ್ನು ಕೊಡಸಲಿದೆ ಆ ಕಂಪನಿ. ಜೊತೆಗೆ, ಚಿತ್ರ ಬಿಡುಗಡೆಯ ದಿನದಂದು ಅನಾಥಾಶ್ರಮಗಳಿಗೆ ಹಾಗೂ ವೃದ್ಧಾಶ್ರಮಗಳಿಗೆ ಉಚಿತ ಊಟ ನೀಡುವುದಾಗಿ ಕಂಪನಿ ಘೋಷಿಸಿದೆ.
ಚೆನ್ನೈನಲ್ಲಿರುವ ಸಿಂಗಾಪುರ ಮೂಲದ ಎಸ್ ಬಿ ಮಾರ್ಟ್ ಕಂಪನಿಯು, ತನ್ನ ಉದ್ಯೋಗಿಗಳಿಗೆ ಆ. 14ರಂದು (ಚಿತ್ರ ಬಿಡುಗಡೆಯ ದಿನ) ತನ್ನ ಉದ್ಯೋಗಿಗಳಿಗೆ ಅರ್ಧ ದಿನ ರಜೆ ಘೋಷಿಸಿದೆ. ಇನ್ನು. ಚೆನ್ನೈನಲ್ಲಿರುವ ಮತ್ತೊಂದು ಕಂಪನಿ, ಕೂಲಿ ಬಿಡುಗಡೆಯ ಮೊದಲ ದಿನ ಸಿನಿಮಾ ನೋಡಲು ಯಾರೇ ರಜೆ ಕೇಳಿದರೂ ಇಲ್ಲ ಎನ್ನದೇ ನೀಡುವುದಾಗಿ ಘೋಷಿಸಿದೆ
ಲೋಕೇಶ್ ಕನಗರಾಜ್ ನಿರ್ದೇಶನದ “ಕೂಲಿ” ಚಿತ್ರವು ರಜನಿಕಾಂತ್ ಅವರ 171ನೇ ಚಿತ್ರವಾಗಿದ್ದು, ತಮಿಳು, ಕನ್ನಡ, ತೆಲುಗು, ಹಿಂದಿ ಮತ್ತು ಮಲಯಾಳಂ ಭಾಷೆಗಳಲ್ಲಿ ಬಿಡುಗಡೆಯಾಗಲಿದೆ. ಈ ಚಿತ್ರದಲ್ಲಿ ರಜನಿಕಾಂತ್ ಜೊತೆಗೆ ಕನ್ನಡದ ರಿಯಲ್ ಸ್ಟಾರ್ ಉಪೇಂದ್ರ, ತೆಲುಗಿನ ನಾಗಾರ್ಜುನ, ಬಾಲಿವುಡ್ನ ಆಮಿರ್ ಖಾನ್, ಶ್ರುತಿ ಹಾಸನ್, ರಚಿತಾ ರಾಮ್, ಸೌಬಿನ್ ಶಾಹಿರ್ ಮತ್ತು ಸತ್ಯರಾಜ್ ಸೇರಿದಂತೆ ದೊಡ್ಡ ತಾರಾಗಣವಿದೆ.
https://www.newsics.com/2025/08/13/butter-fruit-is-a-bit-expensive-but-very-good-for-health/
