newsics.com
ಪ್ರೀತಿ ಕುರುಡು ಎಂಬ ಮಾತನ್ನು ನೀವು ಕೇಳಿರಬೇಕು. ಆದರೆ ಇಂದು ನಾವು ನಿಮಗೆ ಪರಿಚಯಿಸಲು ಹೊರಟಿರುವ ಜೋಡಿಯ ಬಗ್ಗೆ ತಿಳಿದ ನಂತರ ನಿಮಗೆ ಆ ಮಾತಿನ ಮೇಲೆ ಹೆಚ್ಚು ನಂಬಿಕೆ ಬರುತ್ತೆ. ಪ್ರೀತಿ ಇಷ್ಟೊಂದು ಕುರುಡಾಗಬಾರದಿತ್ತು ಎಂಬ ಮಾತು ನಿಮ್ಮ ಬಾಯಿಂದ ಹೊರಬರುತ್ತದೆ.
ಯಾಕೆಂದರೆ ಜನರು ದೇವರ ನಾಮಜಪ ಮಾಡುವ ವಯಸ್ಸಿನಲ್ಲಿ, ಆ ಅಜ್ಜಿ ತನ್ನ ಮಗನ ವಯಸ್ಸಿನ ಹುಡುಗನನ್ನು ಮದುವೆಯಾಗಿದ್ದಾರೆ.
82 ವರ್ಷದ ಮಹಿಳೆ 36 ವರ್ಷದ ಪುರುಷನನ್ನು ಪ್ರೀತಿಸುತ್ತಿದ್ದಳು. ಅವರ ಪ್ರೀತಿ ಅರಳಿತು ಮತ್ತು ಇಬ್ಬರೂ ಮದುವೆಯಾಗಲು ನಿರ್ಧರಿಸಿದರು. ಈ ಇಬ್ಬರು ಪ್ರೇಮಿಗಳು ತಮ್ಮ ಪ್ರೀತಿಯನ್ನು ಮದುವೆಯ ಗಮ್ಯಸ್ಥಾನಕ್ಕೆ ಕೊಂಡೊಯ್ಯುವುದು ಸುಲಭವಾಗಿರಲಿಲ್ಲ. ಆದರೆ ಅವರು ಎಲ್ಲಾ ಸವಾಲು ಗಳನ್ನು ಎದುರಿಸಿದರು. ಸಮಾಜದ ಮೂದಲಿಕೆಗಳನ್ನು ಆಲಿಸಿದರು. ಆದರೂ ಎದೆಗುಂದದೆ ಇಬ್ಬರೂ ಕೂಡ ಮವೆಯಾದರು, 46 ವರ್ಷಗಳ ವಯಸ್ಸಿನ ಅಂತರವಿದ್ದು, ಈ ವಿವಾಹವು ಪ್ರಪಂಚದಾದ್ಯಂತ ಸಾಕಷ್ಟು ಚರ್ಚೆಯ ವಿಷಯವಾಗುತ್ತಿದೆ.
82 ವರ್ಷದ ವಧುವಿನ ಹೆಸರು ಐರಿಸ್ ಜೋನ್ಸ್ ಮತ್ತು ಅವರು ಬ್ರಿಟನ್ ಮೂಲದವರು. ಅವರು 27 ವರ್ಷಗಳ ಹಿಂದೆ ವಿಚ್ಛೇದನ ಪಡೆದರು, ನಂತರ 2019 ರಲ್ಲಿ ಅವರು 36 ವರ್ಷದ ಮೊಹಮ್ಮದ್ ಇಬ್ರಾಹಿಂ ಅವರೊಂದಿಗೆ ಫೇಸ್ಬುಕ್ನಲ್ಲಿ ಸ್ನೇಹ ಬೆಳೆಸಿದರು. ಕಾಲಾನಂತರದಲ್ಲಿ, ಈ ಸ್ನೇಹ ಪ್ರೀತಿಗೆ ತಿರುಗಿತು ಮತ್ತು 2020 ರಲ್ಲಿ, ವಯಸ್ಸಿನ ಅಂತರಕ್ಕೆ ಪ್ರಾಮುಖ್ಯತೆ ನೀಡದೆ, ಇಬ್ಬರೂ ವಿವಾಹವಾದರು.
ಅವರ ಮದುವೆಯಾಗಿ 2 ವರ್ಷಗಳಾಗಿವೆ ಮತ್ತು ಇಬ್ಬರೂ ಈ ಸಂಬಂಧದ ಲ್ಲಿ ತುಂಬಾ ಸಂತೋಷವಾಗಿದ್ದಾರೆ. ಐರಿಸ್ ತನ್ನ ಪ್ರೇಮ ಕಥೆಯನ್ನು ಫೇಸ್ಬುಕ್ ಪೋಸ್ಟ್ ಮೂಲಕ ಜಗತ್ತಿನೊಂದಿಗೆ ಹಂಚಿಕೊಂಡರು ಮತ್ತು ಇಬ್ರಾಹಿಂ ಕಳೆದ ಒಂದು ತಿಂಗಳಿನಿಂದ ಈಜಿಪ್ಟ್ ನಲ್ಲಿರುವುದರಿಂದ ತನ್ನ ಪತಿಯಿಂದ ದೂರವಿರಲು ಸಾಧ್ಯವಾಗುತ್ತಿಲ್ಲ ಎಂದು ಹೇಳಿದರು.
https://www.newsics.com/2025/08/06/mangalore-cooker-bomb-blast-case-accuseds-account-seized/
