newsics.com
ಗೂಗಲ್ ಅತ್ಯಂತ ಜನಪ್ರಿಯ ಸರ್ಚ್ ಇಂಜಿನ್ ಆಗಿದೆ. ಯಾವುದೇ ವಿಚಾರದ ಬಗ್ಗೆ ಏನೇ ಸಂದೇಹವಿದ್ದರೂ, ಅಥವಾ ಯಾವುದೇ ವಿಚರಾದ ಬಗ್ಗೆ ಹೆಚ್ಚಿನ ಮಾಹಿತಿ ಬೇಕು ಎಂದಿದ್ದರೆ ಅದಕ್ಕೆ ಉತ್ತರವನ್ನು ಕಂಡುಕೊಳ್ಳಲು ಗೂಗಲ್ ಬಳಸಲಾಗುತ್ತದೆ. ಆದರೆ, ನಮ್ಮ ಮನಸ್ಸಿಗೆ ಬಂದ ಎಲ್ಲಾ ವಿಚಾರಗಳನ್ನು ಗೂಗಲ್ ನಲ್ಲಿ ಹುಡುಕುವಂತಿಲ್ಲ. ಕೆಲವೊಂದು ವಿಚಾರಗಳನ್ನು ಗೂಗಲ್ ನಲ್ಲಿ ಸರ್ಚ್ ಮಾಡುವುದು ಕಾನೂನುಬಾಹಿರ. ಇಂಥಹ ವಿಷಯಗಳನ್ನು ಗೂಗಲ್ ನಲ್ಲಿ ಸರ್ಚ್ ಮಾಡಿದರೆ ಜೈಲು ಪಾಲಾಗುವ ಅಪಾಯವೂ ಎದುರಾಗುತ್ತದೆ.
ಆದರೆ ಗೂಗಲ್ ನಲ್ಲಿ ಕೆಲವೊಂದು ವಿಷಯಗಳ ಬಗ್ಗೆ ಹುಡುಕಬಾರದು. ಇವುಗಳನ್ನು ಸರ್ಚ್ ಮಾಡಿದ್ರೆ ನಿಮ್ಮ ಮೇಲೆ ಕೇಸ್ ಬೀಳುವುದು ಗ್ಯಾರಂಟಿ. ರಷ್ಯಾ ಇತ್ತೀಚೆಗೆ ಮೊಬೈಲ್ ಬಳಕೆಯ ವಿಷಯದಲ್ಲಿ ಹೊಸ ಕಾನೂನನ್ನು ಜಾರಿಗೆ ತಂದಿದ್ದು, ಅದು ಆನ್ಲೈನ್ನಲ್ಲಿ ಕೆಲವು ಪದಗಳು ಅಥವಾ ವಿಷಯಗಳನ್ನು ಹುಡುಕುವುದಕ್ಕೆ ದಂಡ ವಿಧಿಸುತ್ತದೆ.
ವಾಷಿಂಗ್ಟನ್ ಪೋಸ್ಟ್ ಪ್ರಕಾರ, ರಷ್ಯಾದ ಶಾಸಕರು ಇಂಟರ್ನೆಟ್ನಲ್ಲಿ “ಉಗ್ರವಾದಿ” ವಿಷಯವನ್ನು ಹುಡುಕುವ ಜನರಿಗೆ $65 ವರೆಗೆ ದಂಡ ವಿಧಿಸುವ ನಿಯಮಗಳನ್ನು ಅನುಮೋದಿಸಿದ್ದಾರೆ. ಪೋಸ್ಟ್ ಮಾಡದಿದ್ದರೂ, ಫಾಲೋ ಮಾಡದಿದ್ದರೂ ಈ ನಿಯಮ ಅನ್ವಯವಾಗಲಿದೆ.
ರಷ್ಯಾದಲ್ಲಿ ಅಂತಹ ವಿಷಯವನ್ನು ಪೋಸ್ಟ್ ಮಾಡಿದ್ದಕ್ಕಾಗಿ ಅಥವಾ ಹಂಚಿಕೊಂಡಿದ್ದಕ್ಕಾಗಿ ಮಾತ್ರ ಜನರಿಗೆ ಶಿಕ್ಷೆಯಾಗುತ್ತಿತ್ತು. ಈಗ, VPN ಬಳಸಿ ಖಾಸಗಿಯಾಗಿ ಹುಡುಕಿದರೂ ಸಹ ದಂಡ ವಿಧಿಸಬಹುದು.
ಸರ್ಕಾರವು VPN ಗಳಂತಹ ಟೂಲ್ಸ್ಗಳನ್ನು ಪ್ರಚಾರ ಮಾಡುವ ಜನರ ಮೇಲೂ ಕಠಿಣ ಕ್ರಮ ಕೈಗೊಳ್ಳುತ್ತಿದೆ. VPN ಗಳ ಬಳಕೆಯನ್ನು ಉತ್ತೇಜಿಸುವ ಯಾರಾದರೂ $2,500 ವರೆಗೆ ಮತ್ತು ಕಂಪನಿಗಳಿಗೆ $13,000 ವರೆಗೆ ದಂಡ ವಿಧಿಸಬಹುದು.
