newsics.com
ಮುಂಬೈ: ಭೇಟಿಯಾಗುವುದನ್ನು, ಮಾತನಾಡುವುದನ್ನು ನಿಲ್ಲಿಸಿದ್ದಕ್ಕೆ ಕೋಪಗೊಂಡು 16 ವರ್ಷದ ಗೆಳೆಯನಿಗೆ ತಂಪು ಪಾನೀಯದಲ್ಲಿ ವಿಷ ಬೆರೆಸಿ ಕೊಲೆ ಮಾಡಿದ ಘಟನೆ ಮಹಾರಾಷ್ಟ್ರದಲ್ಲಿ ನಡೆದಿದೆ.
19 ವರ್ಷದ ಆರೋಪಿ ಮತ್ತು 16 ವರ್ಷದ ಮೃತ ಸಂತ್ರಸ್ತ ನಡುವೆ ಸಂಲಿಂಗ ಸಂಬಂಧವಿತ್ತು. ಪೋಷಕರ ಆಗ್ರಹದ ಮೇರೆಗೆ ಸಂತ್ರಸ್ತ ಅಪ್ರಾಪ್ತ ಮಾತನಾಡುವುದನ್ನು ನಿಲ್ಲಿಸಿದ್ದ ಇದೇ ಸಿಟ್ಟು, ಆಂತಂಕದಲ್ಲಿದ್ದ ಕಾರಣ ತಂಪು ಪಾನೀಯದಲ್ಲಿ ವಿಷ ಬೆರೆಸಿ ಕೊಲೆ ಮಾಡಿದ್ದಾನೆ ಎಂದು ಮೃತ ಬಾಲಕನ ತಂದೆ ದೂರು ನೀಡಿದ್ದಾರೆ. ಜೂನ್ 29 ರಂದು ಬಾಲಕ ಮನೆಯಿಂದ ಹೋದಾಗ ಈ ಘಟನೆ ನಡೆದಿದ್ದು, ಪ್ರಕರಣ ತಡವಾಗಿ ಬೆಳಕಿಗೆ ಬಂದಿದೆ.
ಜೂನ್ 29 ರಂದು ಬಾಲಕ ಮನೆಯಿಂದ ಹೋಗಿದ್ದನು. ರಾತ್ರಿಯಾದರೂ ಅವನು ಮನೆಗೆ ಹಿಂತಿರುಗಿರಲಿಲ್ಲ. ಕೂಡಲೇ ಹುಡುಕಾಟ ಆರಂಭಿಸಿದರು. ಮರುದಿನ, ಬಾಲಕನ ಸ್ನೇಹಿತನೊಬ್ಬ ಆತ ಆರೋಪಿಯ ಮನೆಗೆ ಹೋಗಿದ್ದ ವಿಷಯವನ್ನು ತಿಳಿಸಿದನು. ಬಾಲಕನ ಕುಟುಂಬದವರು ಆರೋಪಿಯ ಮನೆಗೆ ಹೋದರು. ಅಲ್ಲಿ ಬಾಲಕ ಮಲಗಿದ್ದನು. ಆರೋಪಿ ಅವನ ಪಕ್ಕದಲ್ಲಿ ಕುಳಿತಿದ್ದನು. ಎಬ್ಬಿಸಲು ಪ್ರಯತ್ನಿಸಿದರೂ ಅವನು ಏಳಲಿಲ್ಲ. ಕೂಡಲೇ ವೈದ್ಯರನ್ನು ಕರೆಸಲಾಯಿತು. ಆಗ ಬಾಲಕ ಮೃತಪಟ್ಟಿದ್ದಾನೆ ಎಂದು ವೈದ್ಯರು ಹೇಳಿದರು.
ಬಾಲಕನ ತಂದೆ ನೀಡಿದ ದೂರಿನ ಆಧಾರದ ಮೇಲೆ ಪೊಲೀಸರು ತನಿಖೆ ನಡೆಸುತ್ತಿದ್ದಾರೆ. ಬಾಲಕನಿಗೆ ವಿಷ ನೀಡಲಾಗಿದೆಯೇ ಎಂದು ತಿಳಿಯಲು ವೈದ್ಯಕೀಯ ವರದಿಗಾಗಿ ಪೊಲೀಸರು ಕಾಯುತ್ತಿದ್ದಾರೆ.
