newsics.com
ಮುಂಬೈ: ರಿಲಯನ್ಸ್ ಇಂಡಸ್ಟ್ರೀಸ್ ಲಿಮಿಟೆಡ್ ಅಧ್ಯಕ್ಷ ಮುಖೇಶ್ ಅಂಬಾನಿ ಮನೆಯಲ್ಲಿ ಸಂಭ್ರಮ ಮನೆ ಮಾಡಿದೆ. ಅನಂತ್ ಅಂಬಾನಿ ಧರಿಸಿದ್ದ ಡೈಮಂಡ್ ಲಯನ್ ಬ್ರೂಚ್ ಫೋಟೋ ವೈರಲ್ ಆಗಿದೆ.
ಗುಜರಾತ್ನ ಜಾಮ್ನಗರದಲ್ಲಿ ನಡೆದ ಪ್ರೀ ವೆಡ್ಡಿಂಗ್ ಸಮಾರಂಭದಲ್ಲಿ ಅನಂತ್ ಅಂಬಾನಿ ಧರಿಸಿದ್ದ ಲಯನ್ ಬ್ರೂಚ್ ಬಗ್ಗೆ ಸಾಕಷ್ಟು ಚರ್ಚೆ ನಡೆಯುತ್ತಿದೆ. ಅನಂತ್ ಅಂಬಾನಿ ಧರಿಸಿದ್ದ ಲಯನ್ ಬ್ರೂಚ್ ಬಗ್ಗೆ ಎಲ್ಲರ ಚಿತ್ತ ನೆಟ್ಟಿದೆ.
ಈ ಡೈಮಂಡ್ ಲಯನ್ ಬ್ರೂಚ್ 50 ಕ್ಯಾರಟ್ಗಳಿಗಿಂತ ಹೆಚ್ಚು ವಜ್ರವನ್ನು ಒಳಗೊಂಡಿದೆಯಂತೆ. ಇದೇ ವಜ್ರಗಳ ಆಭರಣಗಳಿಂದ ಮುಚ್ಚಿದ ಕಸ್ಟಮ್ ನಿರ್ಮಿತ ಲಯನ್ ಬ್ರೂಚ್ ಅನ್ನು ಅನಂತ್ ಅಂಬಾನಿ ಧರಿಸಿದ್ದರು. ಲಯನ್ ಕಣ್ಣುಗಳಿಗೆ ಮೇನ್ ಮತ್ತು ಹಸಿರು ಪಚ್ಚೆಗಳನ್ನು ಬಳಸಲಾಗಿದೆ.
ಡೈಮಂಡ್ ಲಯನ್ ಬ್ರೂಚ್ ಬಗ್ಗೆ ಆಭರಣ ವಿನ್ಯಾಸಕಿ ಲೋರೆನ್ ಶ್ವಾರ್ಟ್ಜ್ ತಮ್ಮ ಇನ್ಸ್ಟಾಗ್ರಾಮ್ ಖಾತೆಯಲ್ಲಿ ನಾನು ನಿಜವಾಗಿಯೂ ಋಣಿಯಾಗಿದ್ದೇನೆ ಅಂತ ಬರೆದುಕೊಂಡಿದ್ದಾರೆ. ಮಾರ್ಚ್ 3 ರಂದು ಗುಜರಾತ್ನ ಜಾಮ್ನಗರದಲ್ಲಿ ಅನಂತ್ ಅಂಬಾನಿ ಈ ಡೈಮಂಡ್ ಲಯನ್ ಬ್ರೂಚ್ ಧರಿಸಿದ್ದರು. ಬ್ರೂಚ್ನಲ್ಲಿ ಕೆಲಸ ಮಾಡಲು ನಾನು ತುಂಬಾ ಲಕ್ಕಿ. ಅಂಬಾನಿ ಕುಟುಂಬಸ್ಥರಿಗೆ ಪ್ರಾಣಿಗಳ ಮೇಲಿನ ಪ್ರೀತಿ ಸ್ಪೂರ್ತಿದಾಯಕವಾಗಿತ್ತು. ನಾನು ನಿಜವಾಗಿಯೂ ಋಣಿಯಾಗಿದ್ದೆ ಎಂದು ಬರೆದುಕೊಂಡಿದ್ದಾರೆ. ಸದ್ಯ ಇಂದು ಕೂಡ ಅನಂತ್ ಅಂಬಾನಿ ತಾವು ಧರಿಸಿದ್ದ ಜುಬ್ಬಾ ಪೈಜಾಮ ಮೇಲೆ ಆನೆ ಮುದ್ರಿತ ಪೆಂಡೆಂಟ್ ಅನ್ನು ಧರಿಸಿಕೊಂಡಿದ್ದಾರೆ.
ಈ ಸಂಭ್ರಮದಲ್ಲಿ ದೇಶ ವಿದೇಶದ ಗಣ್ಯರು ಭಾಗಿಯಾಗಿದ್ದಾರೆ. ಸದ್ಯ ಮುಖೇಶ್ ಅಂಬಾನಿ ಕುಟುಂಬಸ್ಥರಲ್ಲಿ ಸಂತಸದ ವಾತಾವರಣ ಮೂಡಿದೆ.
