newsics.com
ಕೋತಿಯೊಂದು ಕ್ಯಾಮೆರಾ ಬಳಸಿ ವ್ಲಾಗ್ ಮಾಡಿರುವ ವಿಡಿಯೋ ಯೊಂದು ಸಾಮಾಜಿಕ ಜಾಲತಾಣಗಳಲ್ಲಿ ಸಿಕಾಪಟ್ಟೆ ವೈರಲ್ ಆಗಿದೆ. ಅಚ್ಚರಿ ಏನಂದರೆ ಈ ಕೋತಿ ಮನುಷ್ಯರಂತೆ ಮಾತನಾಡುತ್ತೆ.
ಈ ವಿಡಿಯೋ ಸುಮಾರು 100 ಮಿಲಿಯನ್ ವೀಕ್ಷಣೆಗಳು ಮತ್ತು 8 ಮಿಲಿಯನ್ ಲೈಕ್ಸ್ ಪಡೆದುಕೊಂಡಿದೆ. ವಿಡಿಯೋವನ್ನು 1.5 ಮಿಲಿಯನ್ಗಿಂತಲೂ ಹೆಚ್ಚು ಜನರು ಶೇರ್ ಮಾಡಿದ್ದಾರೆ.
ವೈರಲ್ ಆಗಿರುವ ವಿಡಿಯೋದಲ್ಲಿ ಹರಿದ್ವಾರದ ಹರ್ ಕಿ ಪೌರಿಯಲ್ಲಿ ಸ್ನಾನ ಮಾಡಲು ಬಂದಿರುವ ಕೋತಿಯೊಂದು, ಕೈಯಲ್ಲಿ ಮೊಬೈಲ್ ಹಿಡಿದುಕೊಂಡು ವಿಡಿಯೋ ಮಾಡುತ್ತಿದೆ. ಥೇಟ್ ವ್ಲಾಗರ್ ಶೈಲಿಯಲ್ಲಿ ‘ನಮಸ್ಕಾರ ಸ್ನೇಹಿತರೇ, ಇಂದು ನಾನು ಹರಿದ್ವಾರಕ್ಕೆ ಹರ್ ಕಿ ಪೌರಿಯಲ್ಲಿ ಗಂಗಾ ಸ್ನಾನ ಮಾಡಲು ಮತ್ತು ಗಂಗಾ ಮಾತೆಯ ಆಶೀರ್ವಾದ ಪಡೆಯಲು ಬಂದಿದ್ದೇನೆ’ ಎಂದು ಹೇಳುತ್ತಿದೆ. ಅಷ್ಟೇ ಅಲ್ಲ, ಕೋತಿ ಈಗ ‘ನಾನು ಆಧ್ಯಾತ್ಮಿಕ ವ್ಲಾಗ್ ಮಾಡಲು ರೆಡಿಯಾಗಿದ್ದೇನೆ’ ಎಂದು ಹೇಳುತ್ತಿರುವುದು ಕಂಡುಬರುತ್ತದೆ.
ಆದರೆ ಈ ವಿಡಿಯೋ ನೋಡಿ ಎಲ್ಲರಿಗೂ ಮೂಡಿದ ಪ್ರಶ್ನೆ ಕೋತಿಯು ಮನುಷ್ಯರಂತೆ ವ್ಲಾಗ್ ಅನ್ನು ಹೇಗೆ ಮಾಡಬಹುದು. ಆದರೆ ಇದರ ಹಿಂದಿನವಿ ಅಸಲಿ ಸತ್ಯಾಸತ್ಯತೆ ಹೊರಬಂದಿದೆ.
ಈ ವಿಡಿಯೋವನ್ನು ಕೃತಕ ಬುದ್ಧಿಮತ್ತೆ (Al) ಬಳಸಿ ಕ್ರಿಯೇಟ್ ಮಾಡಲಾಗಿದೆ. ಡೀಪ್ಫೇಕ್ ಸ್ಕ್ಯಾನರ್ ಎಂಬ ಉಪಕರಣದೊಂದಿಗೆ ವೈರಲ್ ವಿಡಿಯೋವನ್ನು ಪರಿಶೀಲಿಸಲಾಗಿದೆ. Al-ನಿರ್ಮಿತ ಡೀಪ್ಫೇಕ್ ವಿಡಿಯೋಗಳನ್ನು ಪರಿಶೀಲಿಸಲು ಈ ಉಪಕರಣವನ್ನು ಬಳಸಲಾಗುತ್ತದೆ. ಇದು ವೀಡಿಯೊದಲ್ಲಿ ಮುಖಗಳ ಚಲನೆ ಮತ್ತು ಅಸ್ವಾಭಾವಿಕತೆಯನ್ನು ಸೆರೆಹಿಡಿಯುತ್ತದೆ. ಇದರೊಂದಿಗೆ, ಈ ಉಪಕರಣವು ತುಟಿಗಳ ಚಲನೆಯನ್ನು ಸಹ ಓದುತ್ತದೆ. ಇದು Al ರಚಿತ ಮತ್ತು ನೈಜ ವಿಡಿಯೋಗಳನ್ನು ಗುರುತಿಸಲು ಸಹಾಯ ಮಾಡುತ್ತದೆ.
https://www.instagram.com/reel/DKwjOCegfQs/?igsh=MWxuamoyMDMzMG9wcg==
