newsics.com
ಮುಂಬೈ: ಭಾರತೀಯ ಕ್ರಿಕೆಟ್ ನಿಯಂತ್ರಣ ಮಂಡಳಿಗೆ ಕೊಚ್ಚಿ ಟಸ್ಕರ್ಸ್ ಕೇರಳ ಐಪಿಎಲ್ ಫ್ರಾಂಚೈಸಿ ಪ್ರಕರಣದಲ್ಲಿ ಬಾಂಬೆ ಹೈಕೋರ್ಟ್ನಿಂದ ದೊಡ್ಡ ಹಿನ್ನಡೆಯಾಗಿದೆ. 2011ರಲ್ಲಿ ಕೊಚ್ಚಿ ಟಸ್ಕರ್ಸ್ ತಂಡವನ್ನು ಐಪಿಎಲ್ನಿಂದ ವಜಾಗೊಳಿಸಿದ್ದ ಬಿಸಿಸಿಐಗೆ 538 ಕೋಟಿ ರೂ. ಪಾವತಿಸಲು ಆದೇಶಿಸಿದೆ.
ಕೊಚ್ಚಿ ಕ್ರಿಕೆಟ್ ಪ್ರೈವೇಟ್ ಲಿಮಿಟೆಡ್ (ಕೆಸಿಪಿಎಲ್) ಮತ್ತು ರೆಂಡೆಜ್ವಸ್ ಸ್ಪೋರ್ಟ್ಸ್ ವರ್ಲ್ಡ್ (ಆರ್ಎಸ್ಡಬ್ಲ್ಯೂ) ಪರವಾಗಿ ನೀಡಲಾದ ಈ ತೀರ್ಪಿನ ವಿರುದ್ಧ ಬಿಸಿಸಿಐ ಸಲ್ಲಿಸಿದ್ದ ಅರ್ಜಿಯನ್ನು ನ್ಯಾಯಾಲಯ ತಿರಸ್ಕರಿಸಿದೆ. ಕೊಚ್ಚಿ ಟಸ್ಕರ್ಸ್ ತಂಡವು 2011ರ ಐಪಿಎಲ್ ಋತುವಿನಲ್ಲಿ ಭಾಗವಹಿಸಿತ್ತು ಆದರೆ, ಫ್ರಾಂಚೈಸಿ ಒಪ್ಪಂದದ ಉಲ್ಲಂಘನೆ ಆರೋಪದಡಿ ಬಿಸಿಸಿಐ ಸೆಪ್ಟೆಂಬರ್ 2011ರಲ್ಲಿ ತಂಡವನ್ನು ಲೀಗ್ನಿಂದ ರದ್ದುಗೊಳಿಸಿತ್ತು
2012ರಲ್ಲಿ ಕೆಸಿಪಿಎಲ್ ಮತ್ತು ಆರ್ಎಸ್ಡಬ್ಲ್ಯೂ ಮಧ್ಯಸ್ಥಿಕೆ ಪ್ರಕ್ರಿಯೆ ಆರಂಭಿಸಿದವು. 2015ರಲ್ಲಿ ಮಧ್ಯಸ್ಥಿಕೆ ನ್ಯಾಯಮಂಡಳಿ ಪ್ರಾಂಚೈಸಿ ಪರವಾಗಿ ತೀರ್ಪು ನೀಡಿತು. ಬಿಸಿಸಿಐಗೆ ಕೆಸಿಪಿಎಲ್ಗೆ 384 ಕೋಟಿ ರೂ.ಮತ್ತು ಆರ್ಎಸ್ಡಬ್ಲ್ಯೂಗೆ 153 ಕೋಟಿ ರೂ. (ಬ್ಯಾಂಕ್ ಗ್ಯಾರಂಟಿಯ ತಪ್ಪು ನಗದೀಕರಣಕ್ಕಾಗಿ ಪಾವತಿಸಲು ಆದೇಶಿಸಿತು.
