newsics.com
ನಿದ್ದೆ ಎಷ್ಟು ಅವಶ್ಯಕ ಎಂದು ನಮಗೆಲ್ಲರಿಗೂ ಗೊತ್ತು. ಪ್ರತಿದಿನವೂ ಕನಿಷ್ಟ ಎಂಟು ಘಂಟೆಗಳ ಕಾಲ ಗಾಢ ನಿದ್ರೆ ಮಾಡುವುದು ಅಗತ್ಯ. ಇಷ್ಟಲ್ಲದಿದ್ದರೂ ಕನಿಷ್ಟ ಆರು ಘಂಟೆಗಳ ಗಾಢ ನಿದ್ರೆಯಂತೂ ನಮಗೆ ಬೇಕೇ ಬೇಕು. ಗಾಢ ನಿದ್ದೆಯ ಕೊರತೆ ಎದುರಾದಷ್ಟೂ ದೇಹದ ಚೈತನ್ಯ ಇಲ್ಲದೇ ಇರುವುದು, ಸ್ಥೂಲಕಾಯ, ಕೆಲವಾರು ಅನಾರೋಗ್ಯಗಳು, ಮನೋಭಾವನೆಯ ಬದಲಾವಣೆ, ಕೆಲಸದ ಸಮಯದಲ್ಲಿ ತೂಕಡಿಕೆ ಎದುರಾಗುವುದು ಮೊದಲಾದ ತೊಂದರೆಗಳು ಕಾಣಬರಬಹುದು.
ತಕ್ಷಣ ನಿದ್ದೆಗೆ ಜಾರುವುದು ಕೆಲವು ವ್ಯಕ್ತಿಗಳಿಗೆ ಮಾತ್ರವೇ ನಿಸರ್ಗ ನೀಡಿರುವ ವರವಾಗಿದೆ. ಉಳಿದಂತೆ ಎಲ್ಲರಿಗೂ ಕೆಲವು ನಿಮಿಷಗಳಿಂದ ಘಂಟೆಗಳವರೆಗೂ ಕಾಲಾವಧಿ ಬೇಕಾಗಬಹುದು. ಕೆಲವೊಮ್ಮೆ ಅನಾರೋಗ್ಯದಿಂದಲೂ ನಿದ್ರೆಯ ಮೇಲೆ ಪರಿಣಾಮ ಬೀರುವುದು ಇದೆ. ಹಾಗಾದರೆ ರಾತ್ರಿ ನಿದ್ರೆ ಹತ್ತದೇ ಇರಲು ಕಾರಣಗಳೇನು ಎಂದು ತಿಳಿದುಕೊಳ್ಳೋಣ.
ವಯಸ್ಸಾಗುತ್ತಾ ಹೋದಂತೆ ಕೆಲವರಲ್ಲಿ ನಿದ್ರೆಯ ಸಮಸ್ಯೆಗಳು ಕಾಡುವುದು ಇದೆ. ರಾತ್ರಿ ಪದೇ ಪದೇ ಅವರಿಗೆ ಎಚ್ಚರವಾಗಬಹುದು. ಕೆಲವೊಮ್ಮೆ ವಯಸ್ಸಾದವರು ಮುಂಜಾನೆ ಬೇಗನೆ ಎದ್ದೇಳಬಹುದು ಮತ್ತು ಈ ಸಂದರ್ಭದಲ್ಲಿ ಅವರಿಗೆ ನಿದ್ರೆ ಬರುತ್ತಿರುವಂತಹ ಭಾವನೆ ಬರಬಹುದು.
ಆದರೆ ಇದು ಅವರ ನಿದ್ರೆಯ ಆವರ್ತನ ಮತ್ತು ಎದ್ದೇಳುವ ಕ್ರಮದ ಮೇಲೆ ಪರಿಣಾಮ ಬೀರುವುದು. ವಯಸ್ಸಾಗುತ್ತಾ ಹೋದಂತೆ ನಿದ್ರೆಯ ಆವರ್ತನಕ್ಕೆ ತೊಂದರೆ ಆಗುವುದು.
ರಾತ್ರಿ ವೇಳೆ ಮಲಗುವ ಮೊದಲು ನೀವು ಆಲ್ಕೋಹಾಲ್ ಸೇವನೆ ಮಾಡಿದರೆ ಅದರಿಂದ ನಿದ್ರೆಗೆ ಸಮಸ್ಯೆಯಾಗುವುದು. ಪದೇ ಪದೇ ಶೌಚಾಲಯಕ್ಕೂ ಹೋಗಬೇಕಾಗುತ್ತದೆ.
ಹೊಟ್ಟೆ ತುಂಬಾ ಊಟ ಮಾಡಿಕೊಂಡು ಮಲಗಿದರೆ, ಅದರಿಂದ ಎದೆಯುರಿ ಸಮಸ್ಯೆಯು ಕಾಡುಉವದು ಮತ್ತು ಇದರಿಂದ ನಿದ್ರೆಗೆ ಸಮಸ್ಯೆಯಾಗುವುದು.
ಮಧ್ಯಾಹ್ನ ವೇಳೆ ನಿದ್ರೆ ಮಾಡುತ್ತಲಿದ್ದರೆ, ಅದರಿಂದ ರಾತ್ರಿಯ ನಿದ್ರೆಗೆ ತೊಂದರೆ ಆಗಬಹುದು.
ಚಾ, ಕಾಫಿ, ತಂಪು ಪಾನೀಯಗಳನ್ನು ಸೇವನೆ ಮಾಡಿದರೆ, ಅದರಿಂದ ನಿದ್ರೆಯ ಮೇಲೆ ಪರಿಣಾಮ ಬೀರುವುದು. ಕೆಫಿನ್ ಇರುವ ಆಹಾರಗಳನ್ನು ಮಧ್ಯಾಹ್ನ ಬಳಿಕ ಕಡಿಮೆ ಮಾಡಿ.
ಕೆಲವರಿಗೆ ರಾತ್ರಿಯ ಸಮಯದಲ್ಲಿ ಊಟ ಮಾಡಿದ ನಂತರ ಮಧ್ಯಪಾನ, ಧೂಮಪಾನ ಮಾಡು ವಂತಹ ಕೆಟ್ಟ ಹವ್ಯಾಸಗಳು ಇರುತ್ತವೆ. ಈಗ ಇದೆಲ್ಲಾ ಕೆಟ್ಟ ಅಭ್ಯಾಸಗಳಿಂದಲೇ ನಿದ್ದೆಯ ಸಮಸ್ಯೆ ಎದುರಾಗುತ್ತದೆ. ಹಾಗಾಗಿ ಇಂತಹ ಕೆಟ್ಟ ಹವ್ಯಾಸಗಳಿಂದ ಆದಷ್ಟು ದೂರ ಇರಲು ಪ್ರಯತ್ನಿಸಿ.
https://www.newsics.com/2025/04/15/ten-years-after-his-fathers-death-the-sons-fate-changed/
