newsics.com
ಭಾರತದಲ್ಲಿ ಸಾಕಷ್ಟು ಸುಂದರವಾದ ಹಳ್ಳಿಗಳಿವೆ. ಅವುಗಳಲ್ಲಿ ಕೆಲವು ಹಳ್ಳಿಗಳು ಬಹಳ ವಿಶಿಷ್ಟ ಹಾಗು ವಿಲಕ್ಷಣವಾಗಿರುತ್ತದೆ. ಅಂತಹ ವಿಲಕ್ಷಣವಾದ ಹಳ್ಳಿಗಳಲ್ಲಿ ಶಿಳ್ಳೆಗಳಿಂದ ಮಾತನಾಡುವ ಜನರು ವಾಸಿಸುತ್ತಿದ್ದಾರೆ ಎಂದರೆ ನೀವು ನಂಬಲೇಬೇಕು.
ಈ ಸ್ಥಳದ ಹೆಸರು ಕಾಂಗ್ಥಾಂಗ್, ಇದು ಮೇಘಾಲಯದ ರಾಜಧಾನಿಯಿಂದ ದೂರದಲ್ಲಿದೆ. ಇಲ್ಲಿ ಜನರು ಒಬ್ಬರನ್ನೊಬ್ಬರು ಹೆಸರಿನಿಂದ ಕರೆಯುವುದಿಲ್ಲ ಆದರೆ ಶಿಳ್ಳೆ ಹಾಕುತ್ತಾರೆ. ಈ ಸ್ಥಳವು ಪೂರ್ವ ಖಾಸಿಯ ಬೆಟ್ಟಗಳಲ್ಲಿ ನೆಲೆಸಿದೆ.
ಅಷ್ಟಕ್ಕೂ ಕಾಂಗ್ಥಾಂಗ್ ಬಹಳ ಹಿಂದಿನಿಂದಲೂ ಪ್ರಪಂಚದ ಉಳಿದ ಭಾಗಗಳಿಂದ ಸಂಪರ್ಕ ಕಡಿತಗೊಂಡಿದೆ. ಕಾಡಿನ ಜಾಗದಲ್ಲಿ ಮಣ್ಣಿನ ರಸ್ತೆ ಬಂದದ್ದು 2013 ರಲ್ಲಿ. ಇಲ್ಲಿಯ ಜನರು ಪೂರ್ವ ಖಾಸಿ ಹಿಲ್ಸ್ ಜಿಲ್ಲೆಯ ಖಾಸಿ ಬುಡಕಟ್ಟು ಜನಾಂಗದವರು. ಪೊರಕೆ ಹುಲ್ಲಿಗಾಗಿ ಕಾಡಿನಲ್ಲಿ ದಿನ ಕಳೆಯುವುದೇ ಇವರ ಕಾಯಕವಾಗಿದೆ.
ಕಾಡಿನಲ್ಲಿದ್ದಾಗ ಪರಸ್ಪರ ಕರೆಯಲು, ಗ್ರಾಮಸ್ಥರು ಸಂಗೀತದ ದನಿಯನ್ನು ಹೊರಡಿಸುತ್ತಾರೆ. ಸುಮಾರು 30 ಸೆಕೆಂಡುಗಳ ಕಾಲ ಇದು ಇರುತ್ತದೆ. ನಾವು ದೂರದ ಹಳ್ಳಿಗಳಲ್ಲಿ ವಾಸಿಸುತ್ತಿದ್ದೇವೆ, ನಾವು ದಟ್ಟವಾದ ಕಾಡಿನಿಂದ, ಬೆಟ್ಟಗಳಿಂದ ಸುತ್ತುವರೆದಿದ್ದೇವೆ. ಆದ್ದರಿಂದ ನಾವು ಪ್ರಕೃತಿಯೊಂದಿಗೆ ಸಂಪರ್ಕದಲ್ಲಿದ್ದೇವೆ, ದೇವರು ಸೃಷ್ಟಿಸಿದ ಎಲ್ಲಾ ದಯೆಯ ಜೀವಿಗಳೊಂದಿಗೆ ನಾವು ಸಂಪರ್ಕದಲ್ಲಿದ್ದೇವೆ” ಎನ್ನುತ್ತಾರೆ ಸ್ಥಳೀಯ ನಿವಾಸಿ ಖೊಂಗ್ಸಿತ್. ಇವರಿಗೆ ಈ ಹೆಸರು ಇಟ್ಟಿದ್ದರೂ ಕರೆಯುವುದು ಕುಕುಕುಕೂ ಎಂದೇ.
ಈ ರೀತಿ ಸಂಗೀತದಿಂದ ಸಂವಹನಕ್ಕೆ “ಜಿಂಗ್ರವೈ ಲಾಬೆಯ್” ಎಂದು ಕರೆಯಲಾಗುತ್ತದೆ, ಇದರರ್ಥ “ಕುಲದ ಮೊದಲ ಮಹಿಳೆಯ ಹಾಡು”, ಇದು ಖಾಸಿ ಜನರ ಪೌರಾಣಿಕ ಮೂಲ ತಾಯಿಯ ಉಲ್ಲೇಖವಾಗಿದೆ. ತಾಯಿಯು ತನ್ನ ಮಗಳಿಗೆ ಕೊಡುವ ಮೊದಲ ರಾಗ. ಆಸ್ತಿ ಮತ್ತು ಭೂಮಿಯನ್ನು ತಾಯಿಯಿಂದ ಮಗಳಿಗೆ ವರ್ಗಾಯಿಸಲಾಗುತ್ತದೆ, ಆದರೆ ಗಂಡ ತನ್ನ ಹೆಂಡತಿಯಿಂದ ಅದನ್ನು ತೆಗೆದುಕೊಳ್ಳಬಹುದು. “ಅವರು ಅದನ್ನು ಸ್ವತಃ ಬಳಸುತ್ತಾರೆ. ಆದರೆ ಅವರು ಅದನ್ನು ಗ್ರಾಮದ ಇತರ ಜನರನ್ನು ಕರೆಯಲು ಬಳಸುತ್ತಾರೆ. ಅಂದರೆ ಈ ಹಳ್ಳಿಯಲ್ಲಿ ಮಾತು ಕಡಿಮೆಯಾದರೂ ಕೇಳುವ ರಾಗಗಳೇ ಹೆಚ್ಚು. ಇಲ್ಲಿ ಮುಂಜಾನೆಯಿಂದ ಸಂಜೆಯವರೆಗೆ ಸೀಟಿಗಳು ಮಾತ್ರ ಕೇಳಿಸುತ್ತವೆ.
https://www.facebook.com/shenaztreasuryvala/videos/516581711275345/?mibextid=rS40aB7S9Ucbxw6v
https://www.newsics.com/2025/04/09/rbi-rbi-repo-cut-for-the-second-time-interest-rates-cut/
