newsics.com
ಜರ್ಮನ್ : ಜರ್ಮನಿಯ ಲಿಂಬರ್ಗ್ನಲ್ಲಿ ವಿಪರೀತ ಪಾರಿವಾಳ ಕಾಟ ಹೆಚ್ಚಾಗಿದ್ದು, ಅವುಗಳನ್ನು ಹತ್ಯೆ ಮಾಡಲು ರೆಫರಂಡಂ ಆಗಿದೆ. ಇದಕ್ಕೆ ಪ್ರಾಣಿ ಹಕ್ಕುಗಳ ಕಾರ್ಯಕರ್ತರ ವಿರೋಧ ವ್ಯಕ್ತವಾಗಿದೆ.
ಪಾರಿವಾಳಗಳನ್ನು ಕೊಲ್ಲುವ ಬಗ್ಗೆ ಜರ್ಮನ್ ಪಟ್ಟಣದ ಜನಾಭಿಪ್ರಾಯ ಸಂಗ್ರಹವು ಪ್ರಾಣಿ ಹಕ್ಕುಗಳ ಕಾರ್ಯಕರ್ತರ ಕೋಲಾಹಲಕ್ಕೆ ಕಾರಣವಾಗಿದೆ. ಸ್ಥಳೀಯರು ಮತ್ತು ಪ್ರಾಣಿ ಹಕ್ಕುಗಳ ಕಾರ್ಯಕರ್ತರ ನಡುವೆ ಸಮರವೇ ನಡೆಯುತ್ತಿದ್ದುದು ಬಹಳ ಕುತೂಹಲಕ್ಕೆ ಕಾರಣವಾಗಿತ್ತು. ಇದಕ್ಕೆ ಜೂನ್ 9 ರಂದು ಜನಮತ (ರೆಫರೆಂಡಂ) ಮೂಲಕ ಪರಿಹಾರ ಕಂಡುಕೊಳ್ಳಲಾಗಿದೆ.
ಲಿಂಬರ್ಗ್ನಲ್ಲಿ ಪಾರಿವಾಳದ ಸಮಸ್ಯೆ ಸ್ಥಳೀಯರನ್ನು ಹತಾಶರನ್ನಾಗಿಸಿದೆ. ನ್ಯೂಮಾರ್ಕ್ಟ್ ಸೆಂಟ್ರಲ್ ಸ್ಕ್ವೇರ್ ಸುತ್ತಮುತ್ತಲಿನ ನಿವಾಸಿಗಳು, ರೆಸ್ಟೋರೆಂಟ್ಗಳು ಮತ್ತು ಮಾರುಕಟ್ಟೆ ಮಾರಾಟಗಾರರು ಪಾರಿವಾಳದ ಕಾಟದ ಬಗ್ಗೆ ಪದೇಪದೆ ದೂರು ನೀಡುತ್ತಿರುವುದು ಮುಂದುವರಿದಿದೆ. ಸಮಸ್ಯೆಗೆ ಪರಿಹಾರ ಒದಗಿಸುವಂತೆ ಸ್ಥಳೀಯರು ಕಾನೂನು ಹೋರಾಟ ಶುರುಮಾಡಿದೆ.
ಪಟ್ಟಣದಲ್ಲಿ ಸುಮಾರು 700ಕ್ಕೂ ಹೆಚ್ಚು ಪಾರಿವಾಳಗಳಿವೆ. ಕಳೆದ ನವೆಂಬರ್ನಲ್ಲಿ, ಇಷ್ಟು ದೊಡ್ಡ ಪ್ರಮಾಣದ ಪಾರಿವಾಳಗಳ ಸಂಖ್ಯೆ ನಿಯಂತ್ರಿಸಲು ಕ್ರಮ ತೆಗೆದುಕೊಳ್ಳಬೇಕು ಎಂಬ ನಿರ್ಧಾರವನ್ನು ಕೌನ್ಸಿಲ್ ನಿರ್ಧರಿಸಿತು. ಆಗ, ಅವುಗಳನ್ನು ಹೇಗೆ ಕೊಲ್ಲಬೇಕು ಎಂಬುದನ್ನು ತೀರ್ಮಾನಿಸಿಲ್ಲ. ಆದರೆ ಈ ಕ್ರಮವು ಪ್ರಾಣಿ ಹಕ್ಕುಗಳ ಕಾರ್ಯಕರ್ತರಿಂದ ತೀವ್ರ ಪ್ರತಿಭಟನೆಯನ್ನು ಎದುರಿಸಿತು. ಅವರು ಜನಾಭಿಪ್ರಾಯ ಸಂಗ್ರಹಿಸಲಾರಂಭಿಸಿದರು ಎಂದು ಡಿಪಿಎ ತಿಳಿಸಿದೆ.
