ಅಮೆರಿಕಾಗೆ ತೆರಳಿದ ಶಿವಣ್ಣ ಕುಟುಂಬ: ಅಪ್ಪಿಕೊಂಡ ವಿನೋದ್ ರಾಜ್ ಭಾವುಕ

newsics.com

ಬೆಂಗಳೂರು : ಶಿವರಾಜ್ ಕುಮಾರ್ ಹೆಚ್ಚಿನ ಚಿಕಿತ್ಸೆಗಾಗಿ ಅಮೆರಿಕಾಗೆ ಹೊರಟಿದ್ದಾರೆ. ಹೊರಡೋದಕ್ಕೂ ಮುನ್ನ ಭಾವುಕರಾಗಿ, ಅಭಿಮಾನಿಗಳಿಗೂ ಧೈರ್ಯದ ಮಾತನ್ನಾಡಿದ್ದಾರೆ.

ಹೆಚ್ಚಿನ ಚಿಕಿತ್ಸೆಗಾಗಿ ಶಿವಣ್ಣ ಅಮೆರಿಕಾಗೆ ತೆರಳುತ್ತಿದ್ದು, ಇಂದು ರಾತ್ರಿಯೇ ಅಮೆರಿಕಾಗೆ ಪ್ರಯಾಣ ಬೆಳೆಸಿದ್ದಾರೆ‌. ಶಿವಣ್ಣ ಅಮೆರಿಕಾಗೆ ಹೊರಡೋ ವಿಚಾರ ಗೊತ್ತಾಗ್ತಿದ್ದಂತೆ ರಾಜ್ಯರ ನಾನಾ ಭಾಗಗಳಿಂದ ಅಭಿಮಾನಿಗಳು ಶಿವಣ್ಣನ ಮನೆ ಮುಂದೆ ಜಮಾಯಿಸಿದ್ರು. ಶಿವಣ್ಣಗೆ ಧೈರ್ಯ ಹೇಳಿ, ಹುಷಾರಾಗಿ ಬರ್ತೀರಣ್ಣಾ ಹೋಗಿ ಬನ್ನಿ.. ಅನ್ನೋ ಹಾರೈಕೆಯ ಮಾತುಗಳನ್ನಾಡಿದ್ರು..

ಅಮೆರಿಕಾಗೆ ಹೊರಡೋ ವಿಚಾರ ತಿಳಿದು ನಟ ವಿನೋದ್ ರಾಜ್ ಶಿವಣ್ಣ ಅವರ ನಿವಾಸಕ್ಕೆ ಭೇಟಿ ಕೊಟ್ಟು ಯೋಗಕ್ಷೇಮ ವಿಚಾರಿಸಿದ್ದಾರೆ. ಇದಾದ ಬಳಿಕ ಶಿವಣ್ಣ ಅವರ ಜೊತೆಗೆ ವಿನೋದ್ ರಾಜ್ ಫೋಟೋವನ್ನು ಕ್ಲಿಕ್ಕಿಸಿಕೊಂಡಿದ್ದಾರೆ.

ಡಿಸೆಂಬರ್ 24 ರಂದು ಅಮೆರಿಕಾದ ಮಿಯಾಮ್ನಲ್ಲಿ ಶಿವಣ್ಣಗೆ ಚಿಕಿತ್ಸೆ ನಡೆಯಲಿದ್ದು, ಶಿವಣ್ಣನ ಜೊತೆಗೆ ಗೀತಕ್ಕ ಮತ್ತು ಪುತ್ರಿ ನಿವೇದಿತಾ ಕೂಡ ಅಮೆರಿಕಾಗೆ ಹೊರಟಿದ್ದಾರೆ.