newsics.com
ಈಗಂತೂ ಸಂಜೆ 5 ಆಗುತ್ತಿದ್ದಂತೆ ನಡುಗುವ ಚಳಿ ಶುರುವಾಗುತ್ತದೆ. ಸಾಮಾನ್ಯ ದಿನಗಳಲ್ಲೇ ಸಂಜೆಯಾದ್ರೆ ಸಾಕು ಏನಾದರೂ ಸ್ನ್ಯಾಕ್ಸ್ ತಿನ್ನೋಣ ಎನ್ನಿಸುತ್ತದೆ. ಅದರಲ್ಲೂ ಚಳಿಗಾಲದಲ್ಲಿ ನಮ್ಮ ನಾಲಿಗೆ ಮತ್ತಷ್ಟು ಸ್ನ್ಯಾಕ್ಸ್ ಕೇಳುತ್ತೆ.
ಹೌದು, ಹೊರಗಡೆ ಒಂದು ಕಟ್ಲೆಟ್ ಗೆ 50 ರೂಪಾಯಿವರೆಗೆ ಬೆಲೆ ಇರುತ್ತದೆ. ಆದರೆ ನೀವು ಇದನ್ನು ಮನೆಯಲ್ಲೇ ತಯಾರಿಸಬಹುದು, ಈ ಸ್ನ್ಯಾಕ್ಸ್ ತಯಾರಿಸೋಕೆ ಹತ್ತೇ ನಿಮಿಷ ಸಾಕು.
ಬೇಕಾಗುವ ಸಾಮಾಗ್ರಿಗಳು:
ನೆನೆಸಿದ ದಪ್ಪ ಅವಲಕ್ಕಿ – 1 ದೊಡ್ಡ ಬೌಲ್
ಬೇಯಿಸಿ ಸಿಪ್ಪೆ ತೆಗೆದ ಆಲೂಗಡ್ಡೆ – 2
ಚಾಟ್ ಮಸಾಲ – 1 ಸ್ಪೂನ್
ಶುಂಠಿ ಬೆಳ್ಳುಳ್ಳಿ ಪೇಸ್ಟ್ – 1 ಸ್ಪೂನ್
ಚಿಕ್ಕದಾಗಿ ಕತ್ತರಿಸಿದ ಈರುಳ್ಳಿ – 1 ಬೌಲ್
ಹೆಚ್ಚಿದ ಹಸಿಮೆಣಸಿನಕಾಯಿ – 2
ಚಿಕ್ಕದಾಗಿ ಹೆಚ್ಚಿದ ಕ್ಯಾಪ್ಸಿಕಂ
ಉಪ್ಪು – ರುಚಿಗೆ ತಕ್ಕಷ್ಟು
ಕಡಲೆಹಿಟ್ಟು – 1 ಸ್ಪೂನ್
ಎಣ್ಣೆ – ಅಗತ್ಯವಿರುವಷ್ಟು
ಮಾಡುವ ವಿಧಾನ: ದಪ್ಪ ಅವಲಕ್ಕಿಯನ್ನು ನೀರಿನಲ್ಲಿ ಚೆನ್ನಾಗಿ ತೊಳೆದು ,ನೀರು ಬಸಿದು ಒಂದು ದೊಡ್ಡ ಬೌಲ್ ಗೆ ಹಾಕಿಕೊಳ್ಳಿ. ಇದಕ್ಕೆ ಬೇಯಿಸಿದ ಆಲೂಗಡ್ಡೆ, ಕತ್ತರಿಸಿದ ತರಕಾರಿ, ಚಾಟ್ ಮಸಾಲ,ಶುಂಠಿ ಬೆಳ್ಳುಳ್ಳಿ ಪೇಸ್ಟ್ ,ಅಗತ್ಯವಿರುವಷ್ಟು ಉಪ್ಪು ಸೇರಿಸಿ ಗಟ್ಟಿ ಇರುವಂತೆ ಕಲೆಸಿಕೊಳ್ಳಿ.
ಕೊನೆಯಲ್ಲಿ ಇದಕ್ಕೆ ಒಂದೆರಡು ಚಮಚದಷ್ಟು ನೀರು ಸೇರಿಸಿ ಕಡಲೆಹಿಟ್ಟು ಸೇರಿಸಿ ಮತ್ತೊಮ್ಮೆ ಕಲೆಸಿ. ಕಡಲೆಹಿಟ್ಟು ಇವುಗಳನ್ನು ಒಟ್ಟಾಗಿ ಹಿಡಿದಿಡುತ್ತದೆ. ಬಳಿಕ ತವಾ ಗ್ಯಾಸ್ ಮೇಲಿಟ್ಟು ಎಣ್ಣೆ ಸವರಿ.
ಅವಲಕ್ಕಿ ಹಾಗೂ ತರಕಾರಿಯಿಂದ ತಯಾರಿಸಿದ ಮಿಶ್ರಣವನ್ನು ಅಂಗೈಯಲ್ಲಿಟ್ಟುಕೊಂಡು ಪುಟ್ಟ ಪುಟ್ಟ ವಡೆಗಳಂತೆ ತಟ್ಟಿಕೊಳ್ಳಿ. ಸಣ್ಣ ಉರಿಯಲ್ಲಿ ತವಾದ ಮೇಲೆ ಎರಡೂ ಬದಿ ಚೆನ್ನಾಗಿ ಬೇಯಿಸಿ ತೆಗಿಯಿರಿ. ಬಿಸಿ ಬಿಸಿಯಾಗಿ ಸಾಸ್ ನೊಂದಿಗೆ ಸವಿಯಿರಿ.
