newsics.com
ಗರ್ಭಾವಸ್ಥೆಯಲ್ಲಿ ಮಹಿಳೆಯ ದೇಹವು ಅನೇಕ ಬದಲಾವಣೆಗಳಿಗೆ ಒಳಗಾಗುತ್ತದೆ. ಆದರೆ ಹೊಸ ಅಧ್ಯಯನವೊಂದು ಗರ್ಭಾವಸ್ಥೆಯಲ್ಲಿ ಅಥವಾ ನಂತರ ಮಹಿಳೆಯ ಮೆದುಳಿನಲ್ಲಿ ನಿಖರವಾಗಿ ಏನು ಬದಲಾಗುತ್ತದೆ ಎಂಬುದರ ಕುರಿತಂತೆ ಕೆಲವೊಂದಷ್ಟು ವಿಚಾರವನ್ನು ಬಹಿರಂಗಪಡಿಸಿದೆ.
ಕ್ಯಾಲಿಫೋರ್ನಿಯಾ ವಿಶ್ವವಿದ್ಯಾಲಯದ ನರವಿಜ್ಞಾನಿಗಳು ನಡೆಸಿದ ಇತ್ತೀಚಿನ ಅಧ್ಯಯನದಲ್ಲಿ ಈ ಮಾಹಿತಿಯನ್ನು ಪ್ರಕಟಿಸಲಾಗಿದೆ. ಈ ಅಧ್ಯಯನದಲ್ಲಿ ಆಯಾ ಮಹಿಳೆಯರಿಗೆ ಗರ್ಭಧಾರಣೆಯ ಮೊದಲಿನಿಂದ ಗರ್ಭಧಾರಣೆಯ 9 ತಿಂಗಳವರೆಗೆ ಮತ್ತು ಜನನದ ನಂತರ ಎರಡು ವರ್ಷಗಳವರೆಗೆ ಮೆದುಳಿನ ಸ್ಕ್ಯಾನ್ಗಳನ್ನು ನಡೆಸಲಾಯಿತು.
ಗರ್ಭಾವಸ್ಥೆಯ ಹಾರ್ಮೋನುಗಳು, ಎಸ್ಟ್ರಾಡಿಯೋಲ್ ಮತ್ತು ಪ್ರೊಜೆಸ್ಟರಾನ್ಗಳ ಹೆಚ್ಚಿದ ಮಟ್ಟಗಳಿಂದ ಈ ಬದಲಾವಣೆಗಳು ಉಂಟಾಗುತ್ತವೆ ಎಂದು ಸಂಶೋಧನೆ ಸೂಚಿಸುತ್ತದೆ. ಮೆದುಳಿನ 40% ಒಳಭಾಗ ಬೂದು ದ್ರವ್ಯದಿಂದ ರಚಿತವಾಗಿದ್ದರೆ, 60% ಬಿಳಿ ದ್ರವ್ಯದಿಂದ ರಚಿತವಾಗಿದೆ. ಎರಡೂ ಮೆದುಳು ಮತ್ತು ಬೆನ್ನುಹುರಿಯ ಪ್ರಮುಖ ಭಾಗಗಳಾಗಿವೆ.
ಮೆದುಳಿನಲ್ಲಿರುವ ಬೂದು ದ್ರವ್ಯವು ಭಾವನೆಗಳು ಮತ್ತು ಸ್ಮರಣೆಯನ್ನು ನಿಯಂತ್ರಿಸುವ ಕ್ರಿಯಾತ್ಮಕ ಅಂಗಾಂಶವಾಗಿದೆ. ಈ ಪ್ರದೇಶವು ತಾರ್ಕಿಕ – ವಿಶ್ಲೇಷಣೆ, ಕಲಿಕೆ – ಮಾತನಾಡುವುದು, ಅರ್ಥಮಾಡಿಕೊಳ್ಳುವುದು ಮುಂತಾದ ಎಲ್ಲ ವಿಚಾರಗಳಿಗೆ ಕಾರಣವಾಗಿದೆ. ಬಾ
ಗರ್ಭಾವಸ್ಥೆಯಲ್ಲಿ ಮೆದುಳಿನಲ್ಲಿನ ಬೂದು ದ್ರವ್ಯವು ಸುಮಾರು 4 ಪ್ರತಿಶತದಷ್ಟು ಕಡಿಮೆಯಾಗುತ್ತದೆ. ಆದರೆ ಹೆರಿಗೆಯ ನಂತರ ಇದು ಇಳಿಕೆ ಆಗುತ್ತದೆ. ತಾಯಂದಿರು ತಮ್ಮ ನವಜಾತ ಶಿಶುಗಳೊಂದಿಗೆ ಬಲವಾದ ಭಾವನಾತ್ಮಕ ಬಂಧಗಳನ್ನು ರೂಪಿಸಲು ಮತ್ತು ಅವರ ಮಗುವಿನ ಅಗತ್ಯತೆಗಳಿಗೆ ಹೊಂದಿಕೊಳ್ಳಲು ಈ ಪರಿವರ್ತನೆಯು ಅಗತ್ಯವೆಂದು ಸಂಶೋಧಕರು ಭಾವಿಸಿದ್ದಾರೆ.
ಮೆದುಳಿನಲ್ಲಿರುವ ಬಿಳಿ ದ್ರವ್ಯವು ನರಮಂಡಲದಿಂದ ಸಂದೇಶಗಳನ್ನು ಕಳುಹಿಸುತ್ತದೆ. ಬಿಳಿ ದ್ರವ್ಯದ ಕಾರ್ಯವು ಮೆದುಳಿನ ವಿವಿಧ ಭಾಗಗಳು, ಮೆದುಳಿನಲ್ಲಿರುವ ಬೂದು ದ್ರವ್ಯ ಮತ್ತು ನಿಮ್ಮ ದೇಹದ ಉಳಿದ ಭಾಗಗಳ ನಡುವಿನ ಸಂವಹನವನ್ನು ಸುಲಭಗೊಳಿಸುವುದು.
ಇನ್ನು ಮಮ್ಮಿ ಬ್ರೇನ್ ಎಂಬುದು ತಾಯಂದಿರು ತಮ್ಮ ನಿತ್ಯದ ಕೆಲಸಗಳಲ್ಲಿ ಮಾಡಬೇಕಾಗಿದ್ದ ಚಿಕ್ಕ ಪುಟ್ಟ ಕ್ರಮಗಳನ್ನು ತಾತ್ಕಾಲಿಕವಾಗಿ ಮರೆತು ಗೊಂದಲಕ್ಕೀಡಾಗುವುದು ಮತ್ತು ಕೊಂಚ ಹೊತ್ತಿನ ಬಳಿಕ ನೆನಪಿಗೆ ಬಂದು ಕೆಲಸವನ್ನು ಪೂರೈಸುವುದು ಎಂದು ವಿವರಿಸಲಾಗುತ್ತದೆ. ಗರ್ಭಾವಸ್ಥೆಯಲ್ಲಿ ಮತ್ತು ಹೆರಿಗೆಯ ಸಮಯದಲ್ಲಿ ದೈಹಿಕ ಮತ್ತು ಭಾವನಾತ್ಮಕ ಬದಲಾವಣೆಗಳ ಜೊತೆಗೆ ಮಮ್ಮಿ ಬ್ರೇನ್ ಹೆಚ್ಚಾಗಿ ಪರಿಣಾಮ ಬೀರುತ್ತದೆ. ಜೊತೆಗೆ ಹಾರ್ಮೋನ್ ಏರಿಳಿತಗಳು ಮತ್ತು ನವಜಾತ ಶಿಶುಗಳಿಂದ ಸಾಮಾನ್ಯವಾಗಿ ನಿದ್ರೆಯ ಕೊರತೆ ಉಂಟಾಗುವುದಿಂದ ಇವರ ಆರೈಕೆಯು ಅತ್ಯಗತ್ಯ.
