newsics.com
ಮದುವೆಯಾಗಿ 6 ವರ್ಷ ಬಳಿಕ ಗಂಡ ಕಪ್ಪಾಗಿದ್ದಾನೆ ಎಂದು ಪತಿ ಬಿಟ್ಟು ಪರಾರಿಯಾಗಿರುವ ಘಟನೆ ಉತ್ತರ ಪ್ರದೇಶದ ಝಾನ್ಸಿಯಲ್ಲಿ ನಡೆದಿದೆ.
ಪತಿ ಕಪ್ಪು ಎಂದು ತಕ್ಷಣವೇ ರಾತ್ರೋ ರಾತ್ರಿ ಮನೆ ಬಿಟ್ಟು ಪತ್ನಿ ಪರಾರಿಯಾಗಿದ್ದಾಳೆ. ಹುಡುಕಾಡಿ ಸೋತ ಗಂಡ ಕೊನೆಗೆ ದೂರು ದಾಖಸಿದ್ದಾನೆ. 7 ದಿನಗಳ ಬಳಿಕ ಪೊಲೀಸರು ಈಕೆಯನ್ನು ಪತ್ತೆ ಹಚ್ಚಿ ವಿಚಾರಣೆ ನಡೆಸಿದಾಗ ಅಚ್ಚರಿ ಮಾಹಿತಿ ನೀಡಿದ್ದಾಳೆ. ಪತಿ ಕಪ್ಪಾಗಿರುವ ಕಾರಣ ಆತನ ಜೊತೆ ಬದುಕಲು ಸಾಧ್ಯವಿಲ್ಲ ಎಂದಿದ್ದಾಳೆ.
ಠಢಲಹಚುರಾ ನಿವಾಸಿಯಾದ ದುರ್ಗಾಪಾಲ್ 6 ವರ್ಷದ ಹಿಂದೆ ರೋರಾ ಗ್ರಾಮದ ಜ್ಯೋತಿ ಜೊತೆ ವೈವಾಹಿಕ ಜೀವನಕ್ಕೆ ಕಾಲಿಟ್ಟಿದ್ದಾನೆ. ಇತ್ತ ಜ್ಯೋತಿಯನ್ನು ಪೋಲಿಸರು ವಿಚಾರಿಸಿದಾಗ ಪತಿ ಕಪ್ಪಾಗಿದ್ದಾನೆ. ಆತನ ಜೊತೆಗೆ ಬದುಕಲು ಸಾಧ್ಯವಿಲ್ಲ ಎಂದಿದ್ದಾಳೆ. ಇನ್ನು ಪತಿ ಕಪ್ಪು ಎಂದು ಗೊತ್ತಾಗಲು 6 ವರ್ಷ ಬೇಕಾಯ್ತಾ ಎಂದು ಪೊಲೀಸರು ಪ್ರಶ್ನಿಸಿದ್ದಾರೆ. ಇದಕ್ಕೆ ಗರಂ ಆದ ಮಹಿಳೆ, ಆತನ ಕುಟುಂಬಸ್ಥರೂ ನನಗೆ ಇಷ್ಟವಿಲ್ಲ. ನನಗೆ ಪತಿ ಜೀವನಾಂಶವಾಗಿ 10 ಲಕ್ಷ ರೂಪಾಯಿ ನೀಡಬೇಕು. ಇಲ್ಲದಿದ್ದರೆ ಪತಿ ಹಾಗೂ ಆತನ ಕುಟುಂಬಸ್ಥರ ವಿರುದ್ದ ಪ್ರಕರಣ ದಾಖಲಿಸುವುದಾಗಿ ಬೆದರಿಸಿದ್ದಾಳೆ.
