newsics.com/ನ್ಯೂಸಿಕ್ಸ್
ಬೆಂಗಳೂರು: ಮೊಗ್ಗಿನ ಮನಸ್ಸಿನ ನಟಿ ಶುಭಾ ಪೂಂಜಾ ಮದುವೆಯಾದ ನಾಲ್ಕನೇ ವರ್ಷಕ್ಕೆ ವಿಚ್ಚೇದನಕ್ಕಾಗಿ ನಟಿ ಶುಭಾ ಪೂಂಜಾ ಕೋರ್ಟ್ ಮೆಟ್ಟಿಲೇರಿದ್ದಾರೆ.
2022 ಜನವರಿಯಲ್ಲಿ ಶುಭಾ ಪುಂಜಾ ಮತ್ತು ಸುಮಂತ್ ಬಿಲ್ಲವ ಮದುವೆ ಇಬ್ಬರ ಕುಟುಂಬಸ್ಥರು ಮತ್ತು ಆಪ್ತರ ಸಮ್ಮುಖದಲ್ಲಿ ನಡೆದಿತ್ತು. ಮದುವೆ ಬಳಿಕ ಪತಿ ಸಮಂತ್ ಜೊತೆ ಶುಭಾ ಪೂಂಜಾ ರಿಯಾಲಿಟಿ ಶೋಗಳಲ್ಲಿ ಕಾಣಿಸಿಕೊಂಡಿದ್ದರು.
ಅವರ ಮದುವೆ ಫೋಟೋಸ್, ವಿಡಿಯೋಸ್ಗಳು ಜಾಸ್ತಿ ಇಲ್ಲ. ಎಲ್ಲವೂ ಗಡಿಬಿಡಿಯಾಗಿ ನಡೆದಿತ್ತಂತೆ. ಅಷ್ಟೊಂದು ಗಡಿಬಿಡಿಯಲ್ಲಿ ಮದುವೆ ನಡೆದಿದ್ಯಾಕೆ? ಅದನ್ನು ನಟಿಯೇ ಹೇಳಿದ್ದಾರೆ.
ಆ್ಯಂಕರ್ ಅನುಶ್ರೀ ಅವರ ಪಾಡ್ಕಾಸ್ಟ್ನಲ್ಲಿ ಭಾಗವಹಿಸಿದ್ದ ಶುಭಾ ಪೂಂಜಾ ಅವರು ಗಡಿಬಿಡಿಯಲ್ಲಿ ಮದುವೆಯಾಗಿದ್ದು ಯಾಕೆ ಎನ್ನುವುದನ್ನು ರಿವೀಲ್ ಮಾಡಿದ್ದಾರೆ. 2 ದಿನ ಹಿಂದೆ ಡಿಸೈಡ್ ಮಾಡಿ ಮದುವೆಯಾದ ಬಗ್ಗೆಯೂ ಅವರು ತಿಳಿಸಿದ್ದಾರೆ.
ನಮ್ಮನೆಯಲ್ಲಿ ಪ್ರೆಷರ್, ಸುಮ್ಮನೆ ಸುತ್ತುತ್ತಾ ಇರ್ತೀರಾ, ಮದುವೆಯಾಗಿ ಮದುವೆಯಾಗಿ ಅಂತ. ಅವರ ಮನೆಯಲ್ಲಿ ಶಾಸ್ತ್ರ, ಟೈಮ್ ಎಲ್ಲಾ ತುಂಬಾ ನೋಡುತ್ತಾರೆ. ಡಿಸೆಂಬರ್ 29ಕ್ಕೆ ನಾನು ತಲೆ ತಿನ್ನೋಕೆ ಶುರು ಮಾಡಿದೆ. ಅವೆಲ್ಲಾ ಗೊತ್ತಿಲ್ಲ, 10 ಜನ ಇದ್ದರೂ ಸರಿ, ಊರಲ್ಲಿ ಮದುವೆ ಆಗೋಣ, ಆಮೇಲೆ ಪಾರ್ಟಿ, ರಿಸೆಪ್ಶನ್ ಏನಾದರೂ ಮಾಡೋಣ ಎಂದು ಹೇಳಿದೆ.
2 ದಿನ ಹಿಂದೆ ನಾವು ಮದುವೆಯಾಗೋಣ ಎಂದು ಡಿಸೈಡ್ ಮಾಡಿದ್ವಿ, ಮುಗಿಸಿಬಿಡೋಣ, ಪ್ಲಾನಿಂಗ್ ಏನಿಲ್ಲ, ಮದುವೆಯಾಗೋದು ಅಂತ ಡಿಸೈಡ್ ಮಾಡಿದ್ವಿ. ಎರಡು ದಿನ ಮುಂಚೆ ಡಿಸೈಡ್ ಆಯಿತು. ರೆಕೊರೇಷನ್ ಬೇಕಲ್ಲ. ನಮ್ಮ ಮನೆ 800 ವರ್ಷ ಹಳೆಯದ್ದು, ಪೈಂಟ್ ಎಲ್ಲಾ ಬಿದ್ದೋಗಿದೆ ಎಂದಿದ್ದಾರೆ.
ಏನ್ ಚಿನ್ನಿ ಪೈಂಟ್ ಎಲ್ಲ ಬಿದ್ದೋಗಿದೆ ಒಂದು ಫೋಟೋ ಆದ್ರೂ ತೆಗೆಯೋದು ಹೇಗೆ ಅಂತ ಹೇಳಿ ಹಿಂದಿನ ದಿನ ಫುಲ್ ಪೈಂಟ್ ಮಾಡಿದ್ರು. ರಾತ್ರಿ ಅಮ್ಮನ ಜೊತೆ ಹೂ ತರೋಕೆ ಹೋಗಿದ್ದಾರೆ. ಅಲ್ಲಿ ನೋಡಿದರೆ ಹೂವಿನ ಅಂಗಡಿಗಳೆಲ್ಲ ಕ್ಲೋಸ್ ಆಗಿವೆ. ಎಲ್ಲಾ ಬಾಡೋಗಿರೋ ಹೂಗಳು ಇದ್ದವು. ಹಾರ ಕೂಡಾ ಫೂಲ್ ಬಾಡೋಗಿತ್ತು. ಮದುವೆ ದಿನ ಶಾಸ್ತ್ರ ಎಲ್ಲ ಮುಗೀತಾ, ಕೆಲವೇ ಫೋಟೋಸ್ ಇದ್ದವು ಅಷ್ಟೇ ಎಂದು ಶುಭಾ ಪೂಂಜಾ ಹೇಳಿದ್ದಾರೆ.
ನನ್ ಗಂಡನಿಗೆ ಫೀಲಿಂಗ್ಸೇ ಇಲ್ಲ, “He Is A Robo”, “ನನ್ನ ಅಳು ಅವನಿಗೆ ಕಿರಿಕಿರಿ” ಎಂಬ ಮಾತುಗಳನ್ನು ಶುಭಾ ಪೂಂಜಾ ಹಲವು ಸಂದರ್ಶನಗಳಲ್ಲಿ ಹೇಳಿದ್ದ ವಿಡಿಯೋಗಳು ಈಗ ಮತ್ತೆ ವೈರಲ್ ಆಗಿವೆ.
ASTRO 59 ವರ್ಷ ಬಳಿಕ ಶುಕ್ರ, ಗುರು, ಬುಧ ಗ್ರಹಗಳ ಮೆರವಣಿಗೆ: ಈ ರಾಶಿ ಜನರಿಗೆ ಭಾರೀ ಅದೃಷ್ಟ
