newsics.com/ನ್ಯೂಸಿಕ್ಸ್
ಸೂರ್ಯನ ಮೇಲ್ಮೈನಲ್ಲಿನ ಸ್ಫೋಟದಿಂದ ಜೂನ್ 8 ರಂದು ಭಾರತದ ಕೆಲ ಪ್ರದೇಶಗಳಿಗೂ ಸೌರ ಕಾಂತೀಯ ಬಿರುಗಾಳಿ ಭೀತಿ ಇದೆ ಎಂದು ನಾಸಾ ಮಹತ್ವದ ಎಚ್ಚರಿಕೆ ನೀಡಿದೆ.
ಸೌರಮಂಡಲದಲ್ಲಿನ ಅಪರೂಪದ ವಿದ್ಯಮಾನದಿಂದ ಭೂಮಿಯಲ್ಲಿ ಕೆಲ ಮಹತ್ತರ ಬದಲಾವಣೆಗಳು ನಡೆಯಲಿದೆ ಎಂದು ನಾಸಾ ಹೇಳಿದೆ.
ಸೂರ್ಯ ಮೇಲ್ಮೈನಲ್ಲಿ ಭೀಕರ ಸ್ಫೋಟ ಸಂಭವಿಸಿದೆ. ಈ ಸ್ಫೋಟದಿಂದ ಹೊರಹೊಮ್ಮಿದ ಸೌರಜ್ವಾಲೆ ಭೂಮಿಯತ್ತ ಧಾವಿಸುತ್ತಿದೆ ಎಂದು ಅಮೆರಿಕನ್ ಬಾಹ್ಯಾಕಾಶ ಸಂಸ್ಥೆ ನಾಸಾ ಎಚ್ಚರಿಸಿದೆ.
ಸೂರ್ಯನ ಮೇಲ್ಮೈನಲ್ಲಿನ ಸ್ಫೋಟದಿಂದ ಸೃಷ್ಟಿಯಾಗಿರುವ ಭಾರಿ ಪ್ರಮಾಣದ ಜಿಯೋಮ್ಯಾಗ್ನೆಟಿಕ್ (ಭೂಕಾಂತೀಯ) ಬಿರುಗಾಳಿ ಭೂಮಿಗೆ ಅಪ್ಪಳಿಸುವ ಸಾಧ್ಯತೆ ಹೆಚ್ಚಿದೆ. ಜೂನ್ 8 ರ ಸೋಮವಾರ ಭೂಮಿಗೆ ಅಪ್ಪಳಿಸುವ ಸಾಧ್ಯತೆ ಇದೆ ಎಂದಿದೆ. ಭಾರತದ ಉತ್ತರ ಭಾಗ ಸೇರಿದಂತೆ ವಿಶ್ವದ ಹಲವೆಡೆ ಅಕಾಶದಲ್ಲಿ ಬೆಳಕಿನ ಚಿತ್ತಾರ, ಭೂಕಾಂತೀಯ ಗಾಳಿ ಬೀಸುವ ಸಾಧ್ಯತೆ ಇದೆ ಎಂದು ನಾಸಾ ಹೇಳಿದೆ.
ಸೂರ್ಯನ ಮೇಲ್ಮೈನಲ್ಲಿ ಕಳೆದ ಕೆಲ ದಿನಗಳಿಂದ ಹೆಚ್ಚಿನ ಸ್ಫೋಟಗಳು ಸಂಭವಿಸಿದೆ. ಆದರೆ ಜೂನ್ 6ರಂದು ಸೂರ್ಯ ಮೇಲ್ಮೈನಲ್ಲಿ ಆಕ್ಟಿವ್ ರೀಜನ್ 4461′ (Active Region 4461) ನಲ್ಲಿ ಪ್ರಬಲವಾದ M1.8 ಶ್ರೇಣಿಯ ಸ್ಫೋಟ ಸಂಭವಿಸಿದೆ.ಇದರಿಂದ ದಟ್ಟವಾದ ಕಾಂತಿಯ ಕಿರಣಗಳು, ಸೌರ ಕಣಗಳು ಮಿಂಚಿನ ವೇಗದಲ್ಲಿ ಭೂಮಿಯತ್ತ ಧಾವಿಸುತ್ತಿದೆ.
ಭೂಮಿಗೆ ಅಪ್ಪಳಿಸುವಾಗ ಇದರ ವೇಗ ಸಾಮರ್ಥ್ಯ ಕುಗ್ಗಿದರೆ ಜಿ3 ಶ್ರೇಣಿಯ ಅಪ್ಪಳಿಕೆ ಸಾಧ್ಯತೆ ಇದೆ. ಆದರೆ ಪರಿಸ್ಥಿತಿ ಭಿನ್ನವಾದರೆ ಜಿ4 ಶ್ರೇಣಿ ಅಂದರೆ ಅತ್ಯಂತ ಬಲವಾದ ಮಟ್ಟಕ್ಕೆ ತಲುಪಲಿದೆ. ಈ ಸೌರ ಬಿರುಗಾಳಿಯಿಂದ ಉಪಗ್ರಹ ಸಂಪರ್ಕ, ಜಿಪಿಎಸ್, ಪವರ್ ಗ್ರಿಡ್ ಮೇಲೆ ಭಾರಿ ಪರಿಣಾಮ ಬೀರಲಿದೆ
Suraj Hegde no more AICC ಕಾರ್ಯದರ್ಶಿ, ಗ್ಯಾರಂಟಿ ಸಮಿತಿ ಉಪಾಧ್ಯಕ್ಷ ಸೂರಜ್ ಹೆಗ್ಡೆ ಇನ್ನಿಲ್ಲ
