newsics.com/ನ್ಯೂಸಿಕ್ಸ್
ಬಹುತೇಕರಿಗೆ ಮೀನು ನೆಚ್ಚಿನ ಆಹಾರಗಳಲ್ಲಿ ಒಂದಾಗಿದೆ. ಇದನ್ನು ಸೇವಿಸುವಾಗ ಬಹಳ ಎಚ್ಚರಿಕೆಯಿಂದ ಇರುವುದು ಕೂಡ ಅಷ್ಟೇ ಮುಖ್ಯ. ಏಕೆಂದರೆ ಈ ಮೀನಿನಲ್ಲಿ ಮುಳ್ಳಳುಗಳು ಇರುವುದು ಸಾಮಾನ್ಯ ಸಂಗತಿ. ಆದ್ರೆ ಈ ಮೀನಿನ ಮುಳ್ಳನ್ನು ಸುಲಭವಾಗಿ ತೆಗೆಯುವ ಕ್ರಮ ಕೂಡ ಇದೆ. ಹಾಗೆ ಪ್ರಯರ್ನಿಸಿದರೆ ಸಾಕು ಮುಳ್ಳು ಸುಲಭವಾಗಿ ತೆಗಯಬಹುದಾಗಿದೆ.
ಬಾಳೆಹಣ್ಣು ತಿನ್ನುವುದು : ಗಂಟಲಿನಲ್ಲಿ ಮುಳ್ಳು ಸಿಲುಕಿಕೊಂಡಾಗ ಬಾಳೆಹಣ್ಣು ಅತ್ಯುತ್ತಮ ಪರಿಹಾರವಾಗಿ ಕೆಲಸ ಮಾಡುತ್ತದೆ. ಒಂದು ದೊಡ್ಡ ಬಾಳೆಹಣ್ಣಿನ ತುಂಡನ್ನು ತೆಗೆದುಕೊಂಡು, ಅದನ್ನು ಹೆಚ್ಚು ಅಗಿಯದೆ ಒಂದೇ ಬಾರಿಗೆ ನುಂಗಲು ಪ್ರಯತ್ನಿಸಿ. ಬಾಳೆಹಣ್ಣಿನ ಜಿಗುಟುತನದಿಂದಾಗಿ ಗಂಟಲಿನಲ್ಲಿ ಸಿಲುಕಿರುವ ಮುಳ್ಳು ಅದಕ್ಕೆ ಅಂಟಿಕೊಂಡು ನೇರವಾಗಿ ಹೊಟ್ಟೆಯನ್ನು ಸೇರುತ್ತದೆ. ಹೊಟ್ಟೆಯಲ್ಲಿರುವ ಆಮ್ಲಗಳ (Acids) ಕಾರಣದಿಂದಾಗಿ ಆ ಮುಳ್ಳು ಸುಲಭವಾಗಿ ಜೀರ್ಣವಾಗುತ್ತದೆ.
ಅನ್ನದ ಮುದ್ದೆ : ಇದು ನಮ್ಮ ಹಿರಿಯರ ಕಾಲದಿಂದಲೂ ನಡೆದುಕೊಂಡು ಬಂದಿರುವ ಅತ್ಯಂತ ಜನಪ್ರಿಯ ಉಪಾಯವಾಗಿದೆ. ಸ್ವಲ್ಪ ಬಿಳಿ ಅನ್ನವನ್ನು (ಮೆತ್ತಗಿನ ಅನ್ನ) ತೆಗೆದುಕೊಂಡು ಸಣ್ಣ ಲಾಡಿನಂತೆ ಗಟ್ಟಿಯಾದ ಮುದ್ದೆ ಮಾಡಿ. ಈ ಅನ್ನದ ಮುದ್ದೆಯನ್ನು ಅಗಿಯದೆ ನೇರವಾಗಿ ನುಂಗಬೇಕು. ಅನ್ನದ ಮುದ್ದೆಯು ಕೆಳಗೆ ಹೋಗುವಾಗ ಗಂಟಲಿಗೆ ಚುಚ್ಚಿಕೊಂಡಿರುವ ಮುಳ್ಳನ್ನು ತನ್ನೊಂದಿಗೆ ಹೊಟ್ಟೆಯೊಳಗೆ ಎಳೆದುಕೊಂಡು ಹೋಗುತ್ತದೆ.
ಆಲಿವ್ ಆಯಿಲ್ :ಮನೆಯಲ್ಲಿ ಆಲಿವ್ ಆಯಿಲ್ ಲಭ್ಯವಿದ್ದರೆ, ಒಂದು ಅಥವಾ ಎರಡು ಚಮಚ ಎಣ್ಣೆಯನ್ನು ನೇರವಾಗಿ ಕುಡಿಯಿರಿ. ಆಲಿವ್ ಆಯಿಲ್ ಒಂದು ಲ್ಯೂಬ್ರಿಕೆಂಟ್ನಂತೆ ಕೆಲಸ ಮಾಡುತ್ತದೆ. ಇದು ಗಂಟಲಿನ ಭಾಗವನ್ನು ನುಣುಪಾಗಿಸುವ ಮೂಲಕ ಸಿಲುಕಿರುವ ಮುಳ್ಳು ಸುಲಭವಾಗಿ ಜಾರಿ ಕೆಳಗೆ ಹೋಗುವಂತೆ ಮಾಡುತ್ತದೆ.
ನಿಂಬೆ ರಸ ಮತ್ತು ಉಗುರುಬೆಚ್ಚಗಿನ ನೀರು: ಒಂದು ಲೋಟ ಉಗುರುಬೆಚ್ಚಗಿನ ನೀರಿಗೆ ಸ್ವಲ್ಪ ನಿಂಬೆ ರಸ ಮತ್ತು ಒಂದು ಚಿಟಿಕೆ ಉಪ್ಪು ಬೆರೆಸಿ ಕುಡಿಯಿರಿ. ನಿಂಬೆ ರಸದಲ್ಲಿರುವ ಸಿಟ್ರಿಕ್ ಆಸಿಡ್ ಗುಣದಿಂದಾಗಿ ಗಂಟಲಿನಲ್ಲಿರುವ ಸಣ್ಣ ಮುಳ್ಳು ಮೆತ್ತಗಾಗಿ, ಗಂಟಲಿನಿಂದ ಸುಲಭವಾಗಿ ಬಿಡಿಸಿಕೊಳ್ಳುತ್ತದೆ.
ಬ್ರೆಡ್ ಮತ್ತು ಹಾಲು : ಒಂದು ಬ್ರೆಡ್ ತುಂಡನ್ನು ತೆಗೆದುಕೊಂಡು ಅದನ್ನು ಸ್ವಲ್ಪ ಹಾಲು ಅಥವಾ ನೀರಿನಲ್ಲಿ ಮುಳುಗಿಸಿ. ಅದು ಸ್ವಲ್ಪ ನೆನೆದ ನಂತರ ಮುದ್ದೆಯಾಗಿ ಮಾಡಿ ನುಂಗಿ. ಬ್ರೆಡ್ನ ತೂಕ ಮತ್ತು ಜಿಗುಟುತನಕ್ಕೆ ಮುಳ್ಳು ಸುಲಭವಾಗಿ ಕಿತ್ತು ಬರುತ್ತದೆ.
ಇನ್ಮುಂದೆ ಮದುವೆ ದಿಬ್ಬಣ ಚಿತ್ರೀಕರಣ ಬಂದ್ : ಫೋಟೋಗ್ರಾಫರ್ ಅಸೋಸಿಯೇಷನ್ ನಿರ್ಧಾರ
