newsics.com/ನ್ಯೂಸಿಕ್ಸ್
ಮನೆಯಲ್ಲಿರುವ ಹಳೆಯ ಮಂಚ, ಸೋಫಾ, ಹಾಸಿಗೆ, ಟೇಬಲ್, ಕಮೋಡ್, ಫ್ರಿಡ್ಜ್ ಮತ್ತು ವಾಷಿಂಗ್ ಮೆಷಿನ್ಗಳಂತಹ ಭಾರೀ ವಸ್ತುಗಳನ್ನು ಇನ್ಮುಂದೆ ಉಚಿತವಾಗಿ ಮನೆ ಬಾಗಿಲಿನಿಂದಲೇ ವಿಲೇವಾರಿ ಮಾಡಬಹುದು. ಇದರೊಂದಿಗೆ ಹಳೆಯ ಬಟ್ಟೆಗಳು, ಶೂಗಳು, ಮಕ್ಕಳ ಆಟಿಕೆಗಳು ಮತ್ತು ಎಲೆಕ್ಟ್ರಾನಿಕ್ ವಸ್ತುಗಳನ್ನು ಸಹ ನೀಡಲು ಅವಕಾಶವಿದೆ. ಸದ್ಯಕ್ಕೆ ಭಾನುವಾರಗಳಂದು ಮಾತ್ರ ಈ ಉಚಿತ ಪಿಕ್-ಅಪ್ ಸೇವೆ ಲಭ್ಯವಿದ್ದು,ಸಾರ್ವಜನಿಕರು ಆ್ಯಪ್ ಡೌನ್ಲೋಡ್ ಮಾಡಿ, ತಮ್ಮ ವಿವರಗಳನ್ನು ನೋಂದಾಯಿಸಿ, ಕಸದ ವಿವರ ಹಾಗೂ ಸಮಯವನ್ನು ಕಾಯ್ದಿರಿಸಬೇಕಾಗುತ್ತದೆ. ರಸ್ತೆಯಲ್ಲಿ ತ್ಯಾಜ್ಯ ಎಸೆಯಬೇಡಿ ಜವಾಬ್ದಾರಿಯುತವಾಗಿ DCLUTTER ಮೂಲಕ ವಿಲೇವಾರಿ ಮಾಡಿ ಮ ಈ ಮೂಲಕ ಪಾಲಿಕೆ ಮನವಿ ಮಾಡಿದೆ
ಸೇವೆ ಬಳಸುವುದು ಬಹಳ ಸರಳ, ಮೊದಲು Google Play Store e Store DCLUTTER App ಡೌನ್ಲೋಡ್ ಮಾಡಿ. ನಂತರ ನಿಮ್ಮ ನಂಬರ್ ಅಥವಾ ಇ-ಮೈಲ್ ಮೂಲಕ ನೋಂದಾಯಿಸಿಕೊಳ್ಳಿ, ಆಮೇಲೆ ಓಟಿಪಿ ಹಾಕಿ, ನಂತರ ಪ್ರೊಫೈಲ್ ಹೆಸರು, ವಿಳಾಸ ದಾಖಲಿಸಿಕೊಳ್ಳಿ. ಇದಾದ ನಂತರ ವಿಲೇವಾರಿ ಮಾಡಬೇಕಾದ ವಸ್ತುಗಳನ್ನು ಆಯ್ಕೆ ಮಾಡಿ, ಪಿಕ್ಅಪ್ ಸಮಯ ನಿಗದಿಪಡಿಸಿ. ನಿಮ್ಮ ವಿಳಾಸವನ್ನು ಸರಿಯಾಗಿ ನಮೂದಿಸಿ. ಬಳಿಕ BSWML ವಾಹನ ನಿಮ್ಮ ಮನೆ ಬಾಗಿಲಿಗೇ ಬಂದು ಸಂಗ್ರಹಿಸುತ್ತದೆ.
ಸಾಮಾನ್ಯವಾಗಿ ಜನರು ಹಣ ಸಿಗದ ಮರ ಮತ್ತು ಸೆರಾಮಿಕ್ ವಸ್ತುಗಳನ್ನು ರಸ್ತೆಬದಿ ಎಸೆಯುವುದರಿಂದ ನಗರದಲ್ಲಿ ಕಸದ ರಾಶಿಗಳು (ಬ್ಲ್ಯಾಕ್ ಸ್ಪಾಟ್ಗಳು) ಸೃಷ್ಟಿಯಾಗುತ್ತಿದ್ದವು.ಇದನ್ನು ಶಾಶ್ವತವಾಗಿ ತಡೆಗಟ್ಟಲು ಮತ್ತು ಸಂಗ್ರಹಿಸಿದ ತ್ಯಾಜ್ಯವನ್ನು ವೈಜ್ಞಾನಿಕವಾಗಿ ಸಂಸ್ಕರಿಸಲು BSWML ಸಿಇಒ ಕರೀಗೌಡ ಅವರ ನೇತೃತ್ವದಲ್ಲಿ ಈ ವಿಶೇಷ ಆ್ಯಪ್ ವ್ಯವಸ್ಥೆಯನ್ನು ಜಾರಿಗೆ ತರಲಾಗಿದೆ.
