ಭೂದಾಖಲೆಗಳ ನಕಲು ಶುಲ್ಕ ಹೆಚ್ಚಳ : ಸರ್ಕಾರದಿಂದ ಅಧಿಕೃತ ಆದೇಶ

newsics.com/ನ್ಯೂಸಿಕ್ಸ್

ಕರ್ನಾಟಕ ಸರ್ಕಾರದ ಭೂಮಾಪನ ಕಂದಾಯ ವ್ಯವಸ್ಥೆ ಮತ್ತು ಭೂದಾಖಲೆಗಳ ಇಲಾಖೆಯು  ಮಹತ್ವದ ಹೆಜ್ಜೆಯಿಟ್ಟಿದೆ. ರಾಜ್ಯದಾದ್ಯಂತ ಪಾರದರ್ಶಕತೆ ಮತ್ತು ಏಕರೂಪತೆಯನ್ನು ತರುವ ಉದ್ದೇಶದಿಂದ ವಿವಿಧ ನಮೂನೆಗಳ ಭೂದಾಖಲೆಗಳ ನಕಲು ಪಡೆಯುವ ಶುಲ್ಕವನ್ನು ಅಧಿಕೃತವಾಗಿ ಪರಿಷ್ಕರಿಸಲಾಗಿದೆ.

https://youtube.com/shorts/wvfyhGYwVVw?si=koK0hviI-H0dDOsr

ಇಲಾಖೆಯು ಹೊರಡಿಸಿರುವ ಹೊಸ ಪಟ್ಟಿಯಂತೆ ವಿವಿಧ ದಾಖಲೆಗಳ ದರಗಳು ಈ ಕೆಳಗಿನಂತಿವೆ:

ಟಿಪ್ಪಣಿ ಅಥವಾ ಅಟ್ಲಾಸ್ ನಕಲು: ಪ್ರತಿ ಸರ್ವೆ ಅಥವಾ ಹಿಸ್ಸಾ ನಂಬರಿನ ನಕಲಿಗೆ ₹35.00.

ಆಕಾರಬಂದು ನಕಲು: ಪ್ರತಿ ಸರ್ವೆ ಅಥವಾ ಹಿಸ್ಸಾ ನಂಬರಿಗೆ ₹20.00.

ಹದ್ದುಬಸ್ತು ಸ್ಕೆಚ್ ಅಥವಾ ಪಿ.ಟಿ ಶೀಟ್: ಪ್ರತಿ ಸರ್ವೆ/ಹಿಸ್ಸಾ/ನಗರ ಸರ್ವೆ ನಂಬರಿಗೆ ₹35.00.

ನಕ್ಷೆಯ ವಿವರ: ನಕಾಶೆಯಲ್ಲಿ ಗುರುತಿಸಲಾದ ಪ್ರತಿ ಸರ್ವೆ ನಂಬರಿನ ನಕಲಿಗೆ ₹10.00.

ದಾಖಲೆಗಳ ಪ್ರತಿಗಳು: ನೋಟೀಸು ಕಾಪಿ, ಅರ್ಜಿಯ ನಕಲು, ಹೇಳಿಕೆ ಅಥವಾ ಮಹಜರು ಪ್ರತಿಗಳಿಗೆ ಪ್ರತಿ ಪುಟಕ್ಕೆ ₹10.00.

ಆದೇಶದ ನಕಲು: ಮೊದಲ 100 ಪದಗಳಿಗೆ ಅಥವಾ ಅದರ ಅಂಶಕ್ಕೆ ₹10.00 ಹಾಗೂ ನಂತರದ ಪ್ರತಿ 100 ಪದಗಳಿಗೆ ಹೆಚ್ಚುವರಿ ₹10.00 ಶುಲ್ಕವಿರುತ್ತದೆ.

ನಗರಮಾಪನ ದಾಖಲೆಗಳು: ಪಿ.ಆರ್. ಕಾರ್ಡ್ ನಕಲು (ಪ್ರತಿ ಕಾರ್ಡ್‌ಗೆ), ವಿಚಾರಣಾ ರಿಜಿಸ್ಟರ್ ಎಂಟ್ರಿ ಮತ್ತು ಫೀಲ್ಡ್ ಬುಕ್ ನಕಲುಗಳಿಗೆ ತಲಾ ₹30.00 ನಿಗದಿಪಡಿಸಲಾಗಿದೆ.

ಈ ಪರಿಷ್ಕೃತ ದರಗಳು ತಕ್ಷಣದಿಂದಲೇ ಜಾರಿಗೆ ಬರುವಂತೆ ಆಯುಕ್ತರಾದ ವೆಂಕಟ್ ರಾಜಾ ಅವರು 2026ರ ಮೇ 11ರಂದು ಆದೇಶ ಹೊರಡಿಸಿದ್ದಾರೆ.

https://www.newsics.com/2026/05/12/tamil-nadu-cm-vijay-orders-closure-of-717-liquor-shops/