Viral ಪತ್ನಿಯ ಜತೆ ಅಸಭ್ಯವಾಗಿ ಸ್ಪರ್ಶಿಸಿದ ವ್ಯಕ್ತಿಗೆ ಕ್ಷಣಾರ್ಧದಲ್ಲಿ ಪಂಚ್ ನೀಡಿ ನೆಲಕ್ಕೆ ಉರುಳಿಸಿದ ಪತಿರಾಯ : ವೈರಲ್ ವಿಡಿಯೋ ನೋಡಿ

newsics.com/ನ್ಯೂಸಿಕ್ಸ್

ಬಾರ್‌ವೊಂದರಲ್ಲಿ ಪತ್ನಿಯೊಂದಿಗೆ ಅಸಭ್ಯವಾಗಿ ವರ್ತಿಸಿದ ವ್ಯಕ್ತಿಯನ್ನು ಪತಿ ಕೆಲವೇ ಸೆಕೆಂಡುಗಳಲ್ಲಿ ಹೊಡೆದು ಕೆಳಕ್ಕೆ ಉರುಳಿಸಿದ ವಿಡಿಯೋ ಸಾಮಾಜಿಕ ಜಾಲತಾಣಗಳಲ್ಲಿ ಭಾರೀ ವೈರಲ್ ಆಗಿದೆ.

X (ಹಿಂದಿನ ಟ್ವಿಟರ್) ನಲ್ಲಿ ವ್ಯಾಪಕವಾಗಿ ಹರಿದಾಡುತ್ತಿರುವ ಈ ವಿಡಿಯೋದಲ್ಲಿ, ದಂಪತಿಗಳು ಪೂಲ್ ಟೇಬಲ್ ಬಳಿ ನಿಂತಿರುವುದನ್ನು ಕಾಣಬಹುದು. ಈ ವೇಳೆ ಕುಡಿದ ಅಮಲಿನಲ್ಲಿ ಅಲ್ಲಿಗೆ ಬರುವ ವ್ಯಕ್ತಿಯೊಬ್ಬ ಮಹಿಳೆಯನ್ನು ಅಸಭ್ಯವಾಗಿ ಸ್ಪರ್ಶಿಸಲು ಯತ್ನಿಸುತ್ತಾನೆ.

ಇದರ ಬೆನ್ನಲ್ಲೇ ಪರಿಸ್ಥಿತಿ ಕ್ಷಣಾರ್ಧದಲ್ಲಿ ಬದಲಾಗುತ್ತದೆ. ಪತ್ನಿಯ ರಕ್ಷಣೆಗೆ ಧಾವಿಸುವ ಪತಿ, ಆ ವ್ಯಕ್ತಿಗೆ ಬಲವಾಗಿ ಪಂಚ್ ನೀಡುತ್ತಾರೆ. ಏಟಿನ ರಭಸಕ್ಕೆ ಆತ ತಕ್ಷಣವೇ ನೆಲಕ್ಕೆ ಬೀಳುತ್ತಾನೆ. ಗಲಾಟೆಯ ನಡುವೆ ಪತ್ನಿ ಮಧ್ಯಪ್ರವೇಶಿಸಲು ಪ್ರಯತ್ನಿಸಿದಾಗ, ಆಕೆಗೆ ಆಕಸ್ಮಿಕವಾಗಿ ಪೂಲ್ ಕ್ಯೂ (ಕೋಲು) ತಗುಲುತ್ತದೆ. ನಂತರ ಬಾರ್ ಸಿಬ್ಬಂದಿ ಪತಿಯನ್ನು ಅಲ್ಲಿಂದ ಹೊರಹೋಗುವಂತೆ ಸೂಚಿಸುವುದು ವಿಡಿಯೋದಲ್ಲಿದೆ.

ಈ ಘಟನೆಯ ಸಂಪೂರ್ಣ ವಿವರಗಳು ಇನ್ನೂ ಲಭ್ಯವಾಗಿಲ್ಲ. ಇದು ಎಲ್ಲಿ ನಡೆದಿದೆ, ವಿಡಿಯೋದಲ್ಲಿದ್ದವರು ಯಾರು ಮತ್ತು ಈ ಸಂಬಂಧ ಕಾನೂನು ಕ್ರಮ ಕೈಗೊಳ್ಳಲಾಗಿದೆಯೇ ಎಂಬ ಮಾಹಿತಿ ತಿಳಿದುಬಂದಿಲ್ಲ.

https://x.com/Insanevidz_/status/2048477212395938068?ref_src=twsrc%5Etfw%7Ctwcamp%5Etweetembed%7Ctwterm%5E2048477212395938068%7Ctwgr%5Ec30042f67224238a2974041e254820cce6e9c88b%7Ctwcon%5Es1_c10&ref_url=https%3A%2F%2Fm.dailyhunt.in%2Fnews%2Findia%2Fkannada%2Fkannadadunia-epaper-kannadad%2Fbaarnallimahileyajoteasabhyavaagivartisidhavyaktikelavekshanagalallipanchnidikelakkeurulisidhapatiwatchvideo-newsid-n710490798

https://www.newsics.com/2026/04/30/the-much-awaited-kd-movie-directed-by-prem-is-released/