ಸರಿಗಮಪ ಲಿಟಲ್ ಚಾಂಪ್ಸ್’ ಬಹಳ ಅದ್ದೂರಿಯಾಗಿ ಲಾಂಚ್ ಆಗ್ತಿದೆ. ಈಗಾಗಲೇ ರಾಜ್ಯದ ಮೂಲೆ ಮೂಲೆಗಳಲ್ಲಿ ಆಡಿಷನ್ ಮಾಡಿ, ಮೆಗಾ ಆಡಿಷನ್ಗೆ ಸುಮಾರು 37 ಸ್ಪರ್ಧಿಗಳನ್ನ ಆಯ್ಕೆ ಮಾಡಲಾಗಿದೆ. ಇಲ್ಲಿ ಆಯ್ಕೆ ಆದ ಸ್ಪರ್ಧಿಗಳು ಕಾರ್ಯಕ್ರಮದ ಭಾಗವಾಗಲಿದ್ದಾರೆ.
ಈಗಾಗಲೇ ಒಂದೊಂದೆ ಪ್ರೋಮೋಗಳನ್ನ ಹೊರತರುತ್ತಿರುವ ವಾಹಿನಿ, ಪ್ರತಿಭೆಗಳ ದೊಡ್ಡ ಗುಚ್ಚವೇ ಕಾರ್ಯಕ್ರಮದಲ್ಲಿ ಇರಲಿದೆ ಎಂಬುವುದನ್ನ ಬಹಿರಂಗ ಪಡೆಸಿದ್ದಾರೆ.
ಪ್ರಸಾರ ಯಾವಾಗ?
ಇದೇ ಏಪ್ರಿಲ್ 18ರಿಂದ ಶನಿವಾರ ಮತ್ತು ಭಾನುವಾರ ಕಾರ್ಯಕ್ರಮ ಮೂಡಿಬರಲಿದೆ.
ತೀರ್ಪುಗಾರರು
ಕಾರ್ಯಕ್ರಮದ ತೀರ್ಪುಗಾರರ ಸೀಟ್ನಲ್ಲಿ ಎಂದಿನಂತೆ ಗಾಯಕ ವಿಜಯ್ಪ್ರಕಾಶ್, ಮೆಲೋಡಿ ಕಿಂಗ್ ರಾಜೇಶ್ ಕೃಷ್ಣನ್, ಮ್ಯೂಸಿಕ್ ಮಾಂತ್ರಿಕ ಅರ್ಜುನ್ ಜನ್ಯ ಅವರು ಇರಲಿದ್ದಾರೆ. ನಿರೂಪಕಿ ಅನುಶ್ರೀ ಅವರು ಕಾರ್ಯಕ್ರಮದ ನಿರೂಪಣೆ ಮಾಡುತ್ತಿದ್ದಾರೆ.
ಮೆಗಾ ಆಡಿಷನ್ ಸಮಯದಲ್ಲಿ ಬಾಲಕಿ ಓರ್ವಳು ಉಧೋ..ಉಧೋ ಎಂದು ಹಾಡು ಶುರು ಮಾಡುತ್ತಿದ್ದಂತೆ ವಿಜಯ್ ಪ್ರಕಾಶ್ ಅವರು ಮತ್ತು ರಾಜೇಶ್ ಕೃಷ್ಣನ್ ಅವರು ಸಡನ್ ಆಗಿ ಹಾಡು ನಿಲ್ಲಿಸೋಕೆ ಸೂಚನೆ ಕೊಡ್ತಾರೆ. ಕಣ್ಣು ಕಟ್ಟಿಕೊಂಡೇ ಕಟ್ ಕಟ್ ಎನ್ನುತ್ತಾರೆ. ಇದರಿಂದ ಗಾಬರಿಯಾದ ಬಾಲಕಿ ಹಾಡು ನಿಲ್ಲಿಸುತ್ತಾಳೆ. ಅತ್ತ ಅವರ ತಂದೆ, ತಾಯಿ ಕುಟುಂಬದವರು ಆತಂಕದಲ್ಲಿ ಅತ್ತ-ಇತ್ತ ನೋಡುವಷ್ಟರಲ್ಲಿ ಬಾಲಕಿಯನ್ನ ಜಡ್ಜಸ್, ಇಲ್ಲಿ ಬಾ ಅಮ್ಮ ಅಂತ ಕರೆಯುತ್ತಾರೆ. ಅಷ್ಟರಲ್ಲಿ ಅರ್ಜುನ್ ಜನ್ಯ ಅವರು ಸೇರಿದಂತೆ ಮೂವರು ಜಡ್ಜಸ್ ಮೆಡಲ್ ಹಾಕಿ ಚಮಕ್ ಕೊಟ್ಟಿದ್ದಾರೆ. ಜಸ್ಟ್ ಒಂದೇ ಒಂದು ಸಾಲಿನಲ್ಲಿ ಬಾಲಕಿ ಅವರ ಮನಸ್ಸು ಗೆದ್ದು ಬಿಟ್ಟಿದ್ದರು. ಸುಮ್ಮನೆ ಇರಲಿ ಅಂತ ಸತಾಯಿಸಿ ನಂತರ ಹಸಿರು ನಿಶಾನೆ ತೋರಿಸಿದ್ದಾರೆ. ಅತ್ತ ಆತಂಕದಲ್ಲಿದ್ದ ಕುಟುಂಬದವರ ಕಣ್ಣಂಚು ತುಂಬಿತ್ತು.
ಸ್ಪರ್ಧಿಗಳು ಯಾರ್ಯಾರು?
ಒಟ್ಟು 37 ಸ್ಪರ್ಧಿಗಳು ಮೆಗಾ ಆಡಿಷನ್ನಲ್ಲಿ ಭಾಗಿಯಾಗಿದ್ದಾರೆ. ಈಗಾಗಲೇ ಆಯ್ಕೆ ಆಗಿರುವ ಒಂದಿಷ್ಟು ಜನ ಮಕ್ಕಳ ಪ್ರೋಮೋಗಳನ್ನ ರಿವೀಲ್ ಮಾಡಿದೆ ತಂಡ.
https://www.instagram.com/reel/DW_FmymD889/?igsh=a3hxODdpOWFlOGhj
