https://youtube.com/shorts/cT9AQdRv8BA?si=HVgZ6-lH8mLj32-K
newsics.com
ಮಧ್ಯಪ್ರಾಚ್ಯದ ಯುದ್ಧ ದಿನೇ ದಿನೇ ಹೊಸ ತಿರುವು ಪಡೆದುಕೊಳ್ಳುತ್ತಿದೆ. ಇದೀಗ ಟ್ರಂಪ್ ಇರಾನ್ಗೆ ಮತ್ತೊಂದು ಹೊಸ ಗಡುವು ನೀಡಿದ್ದಾರೆ. ಈ ಬಾರಿ ಎಚ್ಚರಿಕೆ ಸ್ವಲ್ಪ ಕಠಿಣವಾಗಿದ್ದು, ನರಕ ಆಳ್ವಿಕೆ ನಡೆಸುತ್ತದೆ ಎಂದು ವಾರ್ನಿಂಗ್ ಮಾಡಿದ್ದಾರೆ.
ಈ ಸಂಬಂಧ 2 ಅಶ್ಲೀಲ ಪದ ಬಳಸಿ ತಮ್ಮ ಟ್ರುತ್ ಸೋಷಿಯಲ್ ಮೀಡಿಯಾದಲ್ಲಿ ಪೋಸ್ಟ್ ಮಾಡಿದ್ದಾರೆ ಹಾಗೂ ಬಳಿಕ ಫಾಕ್ಸ್ ನ್ಯೂಸ್ ಜತೆ ಮಾತನಾಡಿ ಇರಾನ್ಗೆ ಎಚ್ಚರಿಕೆ ನೀಡಿದ್ದಾರೆ.
ಟ್ರಂಪ್ ಮಂಗಳವಾರಕ್ಕೆ ಹೊಸ ಗಡುವು ನಿಗದಿಪಡಿಸಿದ್ದಾರೆ. ಇರಾನಿನ ವಿದ್ಯುತ್ ಮತ್ತು ಇಂಧನ ತಾಣಗಳ ಮೇಲೆ ದಾಳಿ ಮಾಡುವ ಬೆದರಿಕೆ ಹಾಕಿದ್ದಾರೆ. ಇತ್ತ ಟೆಹ್ರಾನ್ ಪ್ರತೀಕಾರದ ಪ್ರತಿಜ್ಞೆ ಮಾಡಿದ್ದಾರೆ, ಫೆಬ್ರವರಿಯಿಂದ ತೈಲ ಬೆಲೆಗಳು 115 ಕ್ಕೆ ದ್ವಿಗುಣಗೊಂಡಿವೆ.
ಇದು ಪರ್ಷ್ಯನ್ ಗಲ್ಫ್ ಮತ್ತು ಅರಬ್ ಸಮುದ್ರವನ್ನು ಸಂಪರ್ಕಿಸುವ ಬಹಳ ಮುಖ್ಯವಾದ ಜಲಮಾರ್ಗ. ವಿಶ್ವದ ಒಟ್ಟು ತೈಲ ಮತ್ತು ಅನಿಲದ ಸುಮಾರು ಐದನೇ ಒಂದು ಭಾಗ (20%) ಈ ಜಲಸಂಧಿಯ ಮೂಲಕ ಸಾಗುತ್ತದೆ. ಇರಾನ್ ಈ ಜಲಸಂಧಿಯನ್ನು ನಿಯಂತ್ರಿಸುತ್ತಿದೆ. ಯುದ್ಧ ಆರಂಭವಾದ ನಂತರ ಇರಾನ್ ತನ್ನ ಶತ್ರು ದೇಶಗಳಿಗೆ ಸಂಬಂಧಿಸಿದ ಹಡಗುಗಳಿಗೆ ಮಾತ್ರ ತಡೆ ಹಾಕುತ್ತಿದೆ ಎಂದು ಹೇಳುತ್ತಿದೆ. ಆದರೆ ಇದರಿಂದಾಗಿ ಜಾಗತಿಕ ತೈಲ ಸರಬರಾಜಿಗೆ ತಡೆಯಾಗಿದೆ.
