https://youtube.com/shorts/JFDfzeRUAUw?si=UPiQjhCFAIkLXEhb
newsics.com
ಗಲ್ಫ್ ರಾಷ್ಟ್ರಗಳ ಯುದ್ಧದ ಬಿಸಿ ಬೆಂಗಳೂರಿಗೆ ತಟ್ಟಿದ್ದು, ಗ್ಯಾಸ್ ಸಿಲಿಂಡರ್ ಪೂರೈಕೆಯಲ್ಲಿ ಭಾರೀ ವ್ಯತ್ಯಯ ಉಂಟಾಗಿದೆ. ಇದ್ರಿಂದ ಇಂದೂ ಕೂಡ ಬೆಂಗಳೂರಲ್ಲಿ ಕಮರ್ಷಿಯಲ್ ಗ್ಯಾಸ್ ಪೂರೈಕೆಯಲ್ಲಿ ಅಭಾವ ಉಂಟಾಗಿದೆ. ಇಂದು ಅರ್ಧಕ್ಕರ್ಧ ಗ್ಯಾಸ್ ಮಾತ್ರ ನಗರದಲ್ಲಿ ಲಭ್ಯವಿದೆ. ಇದೀಗ ಎಲ್ ಪಿ ಜಿ ಗ್ಯಾಸ್ ಬಗ್ಗೆ ಕೇಂದ್ರದಿಂದ ಮತ್ತೊಂದು ಹೊಸ ರೂಲ್ಸ್ ಜಾರಿಗೆ ತಂದಿದೆ.
ವಾಸ್ತವದಲ್ಲಿ ಜನರು ಭಯದಿಂದ ಮುಂಚಿತವಾಗಿ ಹೆಚ್ಚು ಬುಕ್ ಮಾಡುತ್ತಿದ್ದಾರೆ. ದೈನಂದಿನ ಬುಕಿಂಗ್ ಸಂಖ್ಯೆ ಸರಾಸರಿ 55-57 ಲಕ್ಷದಿಂದ 75-88 ಲಕ್ಷಕ್ಕೆ ಜಿಗಿದಿದೆ. ಇದರಿಂದ ಸರ್ವರ್ಗಳು ಕುಸಿಯುತ್ತಿವೆ ಮತ್ತು ಡೆಲಿವರಿ ವಿಳಂಬವಾಗುತ್ತಿದೆ. ಕೇಂದ್ರ ಪೆಟ್ರೋಲಿಯಂ ಮತ್ತು ನೈಸರ್ಗಿಕ ಅನಿಲ ಸಚಿವಾಲಯದ ಸಂಯುಕ್ತ ಕಾರ್ಯದರ್ಶಿ ಸುಜಾತಾ ಶರ್ಮಾ ಅವರು “ಪ್ಯಾನಿಕ್ ಬುಕಿಂಗ್ ಮತ್ತು ದುರುಪಯೋಗದಿಂದಾಗಿ ಈ ಸಮಸ್ಯೆ ಉಂಟಾಗಿದೆ. ಗೃಹಬಳಕೆಗೆ ಸಾಕಷ್ಟು ಸ್ಟಾಕ್ ಇದೆ, ಆದರೆ ಅಗತ್ಯವಿಲ್ಲದೇ ಬುಕ್ ಮಾಡಬೇಡಿ” ಎಂದು ಎಚ್ಚರಿಕೆ ನೀಡಿದ್ದಾರೆ.
ಕೇಂದ್ರದ ಮುಖ್ಯ ನಿರ್ಧಾರಗಳು ಮತ್ತು ಕ್ರಮಗಳು:
ಬುಕಿಂಗ್ ಲಾಕ್-ಇನ್ ಅವಧಿ ಹೆಚ್ಚಳ: ನಗರ ಪ್ರದೇಶಗಳಲ್ಲಿ 21 ದಿನಗಳಿಂದ 25 ದಿನಗಳಿಗೆ, ಗ್ರಾಮೀಣ ಪ್ರದೇಶಗಳಲ್ಲಿ 45 ದಿನಗಳಿಗೆ ಬದಲಾಯಿಸಲಾಗಿದೆ. ಸಿಲಿಂಡರ್ ಪಡೆದ ನಂತರ ಈ ಅವಧಿ ಕಳೆಯದೇ ಹೊಸ ಬುಕಿಂಗ್ ಮಾಡಲು ಸಾಧ್ಯವಿಲ್ಲ.
ಪೈಪ್ಡ್ ನ್ಯಾಚುರಲ್ ಗ್ಯಾಸ್ ಬಳಕೆದಾರರಿಗೆ: PNG ಸಂಪರ್ಕವಿರುವ ಮನೆಗಳು ಎಲ್ಪಿಜಿ ಸಿಲಿಂಡರ್ಗಳನ್ನು ಸರೆಂಡರ್ ಮಾಡಬೇಕು ಅಥವಾ ಹೊಸ ರಿಫಿಲ್ ಪಡೆಯಲು ನಿಷೇಧ.
ಪ್ಯಾನಿಕ್ ಬುಕಿಂಗ್ ತಡೆಗಟ್ಟಲು: ಅಗತ್ಯವಿರುವವರಿಗೆ ಮಾತ್ರ ಬುಕ್ ಮಾಡಿ. ಡಿಜಿಟಲ್ ಮೂಲಕ (ಆ್ಯಪ್, ವಾಟ್ಸಾಪ್, SMS, IVRS) ಬುಕ್ ಮಾಡಿ, ಡಿಸ್ಟ್ರಿಬ್ಯೂಟರ್ ಬಳಿ ತೆರಳಬೇಡಿ.
ಇತರ ಕ್ರಮಗಳು: ದೇಶೀಯ ಉತ್ಪಾದನೆ 30% ಹೆಚ್ಚಿಸಲಾಗಿದೆ. ಕಾಳಸಂತೆ ಮತ್ತು ಹೊರ್ಡಿಂಗ್ ವಿರುದ್ಧ ದಾಳಿ ನಡೆಸಲಾಗುತ್ತಿದೆ. ವಾಣಿಜ್ಯ ಬಳಕೆಗೆ ಪೂರೈಕೆ ಕಡಿತಗೊಳಿಸಿ ಗೃಹಬಳಕೆಗೆ ಆದ್ಯತೆ ನೀಡಲಾಗಿದೆ.
ಸರ್ಕಾರದ ಪ್ರಕಾರ, ಗೃಹಬಳಕೆಗೆ ಸಿಲಿಂಡರ್ ಡೆಲಿವರಿ ಸರಾಸರಿ 2.5 ದಿನಗಳಲ್ಲೇ ಆಗುತ್ತದೆ. ಆದ್ದರಿಂದ ಭಯಬಿಟ್ಟು ಅಗತ್ಯವಿದ್ದಾಗ ಮಾತ್ರ ಬುಕ್ ಮಾಡಿ. ಇಲ್ಲದಿದ್ದರೆ ನಿಜವಾಗಿ ಅಗತ್ಯವಿರುವವರಿಗೆ ತೊಂದರೆಯಾಗುತ್ತದೆ.
