ಹೆಂಡ್ತಿ ಹೆಸ್ರಲ್ಲಿ ಮನೆ ಇದ್ರೆ, ಒಂದ್ ರೂಪಾಯಿ ಟ್ಯಾಕ್ಸ್ ಕಟ್ಟಂಗಿಲ್ಲ!

Subscribe ನ್ಯೂಸಿಕ್ಸ್ ಕನ್ನಡ

newsics.com

ಮುಂಬೈನ ಜಿಯೋಲ್ ಎಂಬ ವ್ಯಕ್ತಿ, ತನ್ನ ಹೆಂಡ್ತಿ ಹೆಸ್ರಲ್ಲಿ ಫ್ಲಾಟ್ ತಗೊಂಡು, ಅದ್ರಿಂದ ಬರೋ ಬರೋಬ್ಬರಿ 17 ಲಕ್ಷ ರೂಪಾಯಿ ಬಾಡಿಗೆ ಆದಾಯ ಇದ್ರೂ, ಒಂದು ಪೈಸೆ ಟ್ಯಾಕ್ಸ್ ಕಟ್ಟಿಲ್ಲ.

ಹೌದು, ಟ್ಯಾಕ್ಸ್‌ಬಡಿ ಹೇಳಿರೋ ಪ್ರಕಾರ, ಲೆಕ್ಕಾಚಾರ ತುಂಬಾ ಸಿಂಪಲ್. ಜಿಯೋಲ್ ಅವರ ಪತ್ನಿಯ ಹೆಸರಲ್ಲಿರೋ ಫ್ಲಾಟ್‌ಗೆ ವರ್ಷಕ್ಕೆ 17,00,000 ರೂಪಾಯಿ ಬಾಡಿಗೆ ಬರುತ್ತೆ. ಆದಾಯ ತೆರಿಗೆ ನಿಯಮದ ಪ್ರಕಾರ, ಬಾಡಿಗೆ ಆದಾಯದ ಮೇಲೆ ಸರ್ಕಾರ ನೇರವಾಗಿ 30% ರಿಯಾಯಿತಿ ಅಥವಾ ಸ್ಟ್ಯಾಂಡರ್ಡ್ ಡಿಡಕ್ಷನ್ ಕೊಡುತ್ತೆ.

ಒಟ್ಟು ಬಾಡಿಗೆ: 17,00,000 ರೂ.

30% ಕಡಿತ (ರಿಪೇರಿ/ನಿರ್ವಹಣೆಗೆ): 5,10,000 ರೂ.

ಉಳಿದ ತೆರಿಗೆ ವಿಧಿಸಬಹುದಾದ ಆದಾಯ: 11,90,000 ರೂ.

ಹೊಸ ತೆರಿಗೆ ಪದ್ಧತಿಯಲ್ಲಿ 12 ಲಕ್ಷದವರೆಗಿನ ಆದಾಯಕ್ಕೆ ತೆರಿಗೆ ಇಲ್ಲದಿರೋದ್ರಿಂದ (ರಿಬೇಟ್ ಸೇರಿ), ಇವರ 11.9 ಲಕ್ಷ ಆದಾಯಕ್ಕೆ ಕಟ್ಟಬೇಕಾದ ತೆರಿಗೆ ‘ಜೀರೋ’!

ಬಿಲ್ ಬೇಡ, ಪ್ರೂಫ್ ಬೇಡ.. ನೇರ 30 ಪರ್ಸೆಂಟ್ ಕಟ್!

Tax2Win ನ ಸಿಇಒ ಅಭಿಷೇಕ್ ಸೋನಿ ಹೇಳೋ ಪ್ರಕಾರ, ಆದಾಯ ತೆರಿಗೆ ಕಾಯ್ದೆಯ ಸೆಕ್ಷನ್ 24(ಎ) ಅಡಿಯಲ್ಲಿ ಈ 30% ಕಡಿತ ಸಿಗುತ್ತೆ. ಅಂದ್ರೆ, ನೀವು ಮನೆಗೆ ಸುಣ್ಣ ಬಣ್ಣ ಬಳೀರಿ ಅಥವಾ ಬಿಡಿ, ಸರ್ಕಾರ ಅಂದುಕೊಳ್ಳೋದು ಏನೆಂದರೆ, “ಬಾಡಿಗೆ ಬರೋ ಮನೆಯ ಮೈಂಟೆನೆನ್ಸ್‌ಗೆ 30% ಖರ್ಚಾಗುತ್ತೆ” ಅಂತ. ಇದಕ್ಕೆ ನೀವು ಯಾವುದೇ ಬಿಲ್ ಕೊಡ್ಬೇಕಿಲ್ಲ, ಪುರಾವೆನೂ ಬೇಕಿಲ್ಲ. ಇದು ಹಳೇ ಮತ್ತು ಹೊಸ ಎರಡೂ ಟ್ಯಾಕ್ಸ್ ಪದ್ಧತಿಯಲ್ಲಿ ಲಭ್ಯವಿದೆ. ಹೀಗಾಗಿಯೇ 17 ಲಕ್ಷದ ಆದಾಯ ಪೇಪರ್ ಮೇಲೆ 11.9 ಲಕ್ಷಕ್ಕೆ ಇಳಿದುಬಿಡುತ್ತೆ.

ಹೆಂಡ್ತಿ ಹೆಸ್ರಲ್ಲೇ ಯಾಕೆ ರಿಜಿಸ್ಟರ್ ಮಾಡ್ಬೇಕು?

ಇಲ್ಲೇ ಇರೋದು ಅಸಲಿ ಗೇಮ್. ಒಂದು ವೇಳೆ ಜಿಯೋಲ್ ಈ ಫ್ಲಾಟ್‌ನ ತನ್ನ ಹೆಸ್ರಲ್ಲಿ ತಗೊಂಡಿದ್ರೆ, ಈ 17 ಲಕ್ಷ ಬಾಡಿಗೆ ಅವನ ಸಂಬಳಕ್ಕೆ ಸೇರ್ಪಡೆಯಾಗಿ, ಅವನು 30% ಸ್ಲ್ಯಾಬ್‌ಗೆ ಬಂದು ಸಿಕ್ಕಾಪಟ್ಟೆ ಟ್ಯಾಕ್ಸ್ ಕಟ್ಟಬೇಕಿತ್ತು. ಆದ್ರೆ, ಅವನ ಹೆಂಡ್ತಿಗೆ ಬೇರೆ ಯಾವುದೇ ಆದಾಯ ಮೂಲ ಇಲ್ಲ. ಅವಳ ಹೆಸ್ರಲ್ಲಿ ಇದೊಂದೇ ಆದಾಯ ಆಗಿರೋದ್ರಿಂದ ಮತ್ತು ಅದು ತೆರಿಗೆ ಮಿತಿಯ ಒಳಗೆ ಬರೋದ್ರಿಂದ ಟ್ಯಾಕ್ಸ್ ಉಳಿಯುತ್ತೆ.

ಹುಷಾರು! ಈ ರೂಲ್ಸ್ ಫಾಲೋ ಮಾಡ್ಲೇಬೇಕು

ಹಾಗಂತ ಸುಮ್ನೆ ಹೆಂಡ್ತಿ ಹೆಸ್ರಲ್ಲಿ ಆಸ್ತಿ ಮಾಡಿ ಸಿಕ್ಕಿಹಾಕೋಬೇಡಿ. ಇಲ್ಲಿ ಕೆಲವು ಕಂಡೀಷನ್ಸ್ ಇವೆ:

ಆಸ್ತಿಯ ಮಾಲೀಕತ್ವ (Ownership) ನಿಜವಾಗ್ಲೂ ಪತ್ನಿಯ ಹೆಸರಲ್ಲೇ ಇರಬೇಕು.

ಬಾಡಿಗೆ ಹಣ ಪತ್ನಿಯ ಬ್ಯಾಂಕ್ ಅಕೌಂಟ್‌ಗೇ ಜಮಾ ಆಗಬೇಕು.

ಮುಖ್ಯವಾಗಿ, ಆಸ್ತಿ ಕೊಳ್ಳಲು ಹಣಕಾಸಿನ ಮೂಲ (Funding) ಸರಿಯಾಗಿರಬೇಕು.
ನೀವು ಸಾಲ ಮಾಡಿ ಮನೆ ತಗೊಂಡು, ಆದಾಯ ಮಾತ್ರ ಬೇರೆ ಕಡೆ ತೋರಿಸೋಕೆ ಹೋದ್ರೆ, ‘ಕ್ಲಬ್ಬಿಂಗ್ ಪ್ರೊವಿಷನ್’ (Clubbing Provision) ಅಡಿಯಲ್ಲಿ ಐಟಿ ಇಲಾಖೆ ನಿಮ್ಮನ್ನ ಹಿಡಿಯೋ ಚಾನ್ಸ್ ಇರುತ್ತೆ.

ಸ್ಮಾರ್ಟ್ ಪ್ಲಾನಿಂಗ್ ಇದ್ರೆ ಟ್ಯಾಕ್ಸ್ ಉಳಿಸೋದು ಈಸಿ!
ಗಂಡ-ಹೆಂಡತಿ ಇಬ್ಬರಲ್ಲಿ ಒಬ್ಬರಿಗೆ ಆದಾಯ ಕಡಿಮೆ ಇರುತ್ತದೆ ಅಥವಾ ಇಲ್ಲದಿದ್ದರೆ, ಅವರ ಹೆಸರಲ್ಲಿ ಹೂಡಿಕೆ ಮಾಡುವುದು ಸರಿ ಆಯ್ಕೆ. ಹೀಗೆ ಮಾಡಿದರೆ ಆದಾಯ ಹಂಚಿಕೊಳ್ಳಲಾಗುತ್ತೆ ಮತ್ತು ತೆರಿಗೆ ಸ್ಲ್ಯಾಬ್ ಕಡಿಮೆಯಾಗುತ್ತೆ. https://www.newsics.com/2026/02/20/south-korean-pop-singer-sings-shiva-tandava-stotra-fluently-watch-viral-video/