https://youtube.com/shorts/iPk0YEWO1t8?si=tOj6kwL_UdC2E5Z8
Subscribe ನ್ಯೂಸಿಕ್ಸ್ ಕನ್ನಡ
newsics.com
ಬೆಂಗಳೂರಿನ ಈ ಡೇಟಾ ಇಂಜಿನಿಯರ್ ಮಾಡಿರೋ ಪ್ಲಾನ್ ನೋಡಿದ್ರೆ ನೀವು ನಿಜಕ್ಕೂ ಶಾಕ್ ಆಗ್ತೀರಾ. ತಿಂಗಳಿಗೆ ಬರೋಬ್ಬರಿ 3 ಲಕ್ಷ ರೂಪಾಯಿ ದುಡಿಯೋ ಈ ಯುವತಿ, ಅದನ್ನ ಹೇಗೆಲ್ಲಾ ಖರ್ಚು ಮಾಡ್ತಾರೆ ಅನ್ನೋದನ್ನ ಸೋಶಿಯಲ್ ಮೀಡಿಯಾ ವಿಡಿಯೋದಲ್ಲಿ ಹಂಚಿಕೊಂಡಿದ್ದಾರೆ.
ಈ ಯುವತಿ ಹೇಳೋ ಪ್ರಕಾರ, ಅವರ ತಿಂಗಳ ಫಿಕ್ಸ್ಡ್ ಖರ್ಚುಗಳೇ ಬರೋಬ್ಬರಿ 2,12,000 ರೂಪಾಯಿ ಆಗುತ್ತಂತೆ! ಮನೆ ಬಾಡಿಗೆಗೆ 20,000 ರೂಪಾಯಿ ಕೊಟ್ರೆ, ಮನೆ ಕೆಲಸದವರು, ಕರೆಂಟ್ ಬಿಲ್, ವೈಫೈ ಮತ್ತು ಅಡುಗೆಯವರ ಖರ್ಚಿಗೆ ಅಂತ 5,000 ರೂಪಾಯಿ ಎತ್ತಿಡ್ತಾರೆ. ಇನ್ನು ದಿನಸಿ ಸಾಮಾನುಗಳಿಗೆ ಅಂತ 10,000 ರೂಪಾಯಿ ಖರ್ಚಾಗುತ್ತೆ. ಸ್ಕೂಟಿ ಇರೋದ್ರಿಂದ ಪೆಟ್ರೋಲ್ಗೆ ಬರೀ 500 ರೂಪಾಯಿ ಸಾಕಾಗುತ್ತಂತೆ, ಯಾಕಂದ್ರೆ ಆಫೀಸ್ಗೆ ಹೋಗೋಕೆ ಹೆಚ್ಚಾಗಿ ಕ್ಯಾಬ್ ಬಳಸುತ್ತಾರಂತೆ.
ಬರೀ ತನಗಾಗಿ ಮಾತ್ರವಲ್ಲ, ತನ್ನನ್ನ ಓದಿಸಿ ದೊಡ್ಡವರನ್ನಾಗಿ ಮಾಡಿದ ತಂದೆ ತಾಯಿಗಾಗಿ ಈ ಯುವತಿ ಒಂದು ಫ್ಲ್ಯಾಟ್ ತಗೊಂಡಿದ್ದಾರೆ. ಅದಕ್ಕೆ ಪ್ರತಿ ತಿಂಗಳು 30,000 ರೂಪಾಯಿ ಇಎಂಐ ಕಟ್ತಾರೆ. ಅಷ್ಟೇ ಅಲ್ಲ, ಅವರ ಮನೆಗೆ ಬೇಕಾದ ಗೃಹೋಪಯೋಗಿ ವಸ್ತುಗಳಿಗೆ ಅಂತ ಪ್ರತಿ ತಿಂಗಳು 20,000 ರೂಪಾಯಿ ಖರ್ಚು ಮಾಡ್ತಾರೆ. ಮನೆ ತಗೊಳ್ಳೋದು ಫೈನಾನ್ಶಿಯಲ್ ಆಗಿ ಹೊರೆಯಾಗಬಹುದು, ಆದ್ರೆ ಅದು ನನ್ನ ಪೋಷಕರಿಗೆ ನಾನು ಕೊಡುವ ಉಡುಗೊರೆ ಅಂತ ಅವರು ತುಂಬಾ ಭಾವುಕರಾಗಿ ಹೇಳಿಕೊಂಡಿದ್ದಾರೆ. ಪೋಷಕರ ಮೇಲಿರೋ ಈ ಪ್ರೀತಿ ಈಗ ನೆಟ್ಟಿಗರ ಮೆಚ್ಚುಗೆಗೆ ಪಾತ್ರವಾಗಿದೆ.
ಎಲ್ಲಕ್ಕಿಂತ ಇಂಟರೆಸ್ಟಿಂಗ್ ವಿಷ್ಯ ಅಂದ್ರೆ, ಈ ಡೇಟಾ ಇಂಜಿನಿಯರ್ ಪ್ರತಿ ತಿಂಗಳು ತಪ್ಪದೇ 1,00,000 ರೂಪಾಯಿಯನ್ನ ಎಸ್ಐಪಿ ಅಂದ್ರೆ ಮ್ಯೂಚುವಲ್ ಫಂಡ್ಗಳಲ್ಲಿ ಹೂಡಿಕೆ ಮಾಡ್ತಾರೆ. ಇದು ಅವರ ಭವಿಷ್ಯದ ದೊಡ್ಡ ಪ್ಲಾನ್. ಇದರ ಜೊತೆಗೆ ಚಿನ್ನದ ಬೆಲೆ ಕಡಿಮೆ ಇದ್ದಾಗ ಗೋಲ್ಡ್ ಮೇಲೆ ಕೂಡ ಇನ್ವೆಸ್ಟ್ ಮಾಡ್ತಾರೆ. ಫಿಟ್ನೆಸ್ಗಾಗಿ ಪರ್ಸನಲ್ ಟ್ರೈನರ್ಗೆ 12,000 ರೂಪಾಯಿ ಕೊಡ್ತಾರೆ, ಆದ್ರೆ ಮನರಂಜನೆಗೆ ಅಂದ್ರೆ ನೆಟ್ಫ್ಲಿಕ್ಸ್, ಆಪಲ್ ಟಿವಿಗೆ ಬರೀ 300 ರೂಪಾಯಿ ಮಾತ್ರ ಖರ್ಚು ಮಾಡೋದು ಇವರ ಬಜೆಟ್ ಶಿಸ್ತನ್ನ ತೋರಿಸುತ್ತೆ.
