https://youtube.com/shorts/kv9in5qxZnE?si=K7cL1gM5boVuCw4n
Subscribe ನ್ಯೂಸಿಕ್ಸ್ ಕನ್ನಡ
newsics.com
ದಿನವಿಡೀ ಕೆಲಸ, ಧೂಳು ಮತ್ತು ಬೆವರು ನಮ್ಮ ಮುಖಗಳನ್ನು ಮಂದಗೊಳಿಸಬಹುದು. ವಿಶೇಷವಾಗಿ ಕೆಲಸದಿಂದ ಹಿಂತಿರುಗಿದ ನಂತರ ಅಥವಾ ದೀರ್ಘ ದಿನದ ಮನೆಕೆಲಸಗಳ ನಂತರ, ಕನ್ನಡಿಯಲ್ಲಿ ನೋಡಿದಾಗ ಆಗಾಗ್ಗೆ ಒಣ ಮತ್ತು ನಿರ್ಜೀವ ಮುಖವು ಕಾಣಿಸಿಕೊಳ್ಳುತ್ತದೆ. ಕೆಲವೊಮ್ಮೆ ನಮ್ಮ ಚರ್ಮದ ಎಲ್ಲಾ ಹೊಳಪು ಮಾಯವಾಗಿದೆ ಎಂದು ಭಾಸವಾಗುತ್ತದೆ. ಆದ್ದರಿಂದ ಮಲಗುವ ಮುನ್ನ ನಮ್ಮ ಮುಖಕ್ಕೆ ಸ್ವಲ್ಪ ಹೆಚ್ಚುವರಿ ಆರೈಕೆ ನೀಡುವುದು ಅತ್ಯಗತ್ಯ.ಪ್ರತಿಯೊಂದು ದಿನವನ್ನು ಖುಷಿಯಾಗಿ ಕಳೆಯಬೇಕು ಎಂದುಕೊಳ್ಳುವುದರಲ್ಲಿ ಯಾವುದೇ ತಪ್ಪಿಲ್ಲ. ಆದರೆ ಅದಕ್ಕೆ ಬೇಕಾದ ತಯಾರಿ ಮಾಡಿ ಕೊಳ್ಳಬೇಕು ಅಷ್ಟೇ. ಹಾಗಾದರೆ ಏನು ಮಾಡಬಹುದು ಎಂದು ನೀವು ಕೇಳಬಹುದು.
ನಿಮಗಾಗಿ ಕೆಲವು ಟಿಪ್ಸ್ ಕೊಡುತ್ತೇವೆ. ಬೆಳಗ್ಗೆ ಎದ್ದ ಕೂಡಲೇ ನಿಮ್ಮ ಮುಖ ಕೇವಲ ನೀವು ಮಾತ್ರವಲ್ಲ ಬೇರೆಯವರು ಕೂಡ ಇಷ್ಟಪಟ್ಟು ನೋಡುವಂತಿರ ಬೇಕು ಎಂದರೆ ಈ ಮೂರು ವಸ್ತುಗಳನ್ನು ನೀವು ಮರೆಯಬಾರದು.
ಅಲೋವೆರಾ ಜೆಲ್
ರಾತ್ರಿ ಮಲಗುವ ಮುಂಚೆ ಚೆನ್ನಾಗಿ ಮುಖ ತೊಳೆದುಕೊಂಡು ಅಲೋವೆರಾ ಜೆಲ್ ಅನ್ನು ಮುಖದ ಮೇಲ್ಭಾಗದಲ್ಲಿ ನಯವಾಗಿ ಹಚ್ಚಿ ಮಸಾಜ್ ಮಾಡಿ.
ಇಡೀ ರಾತ್ರಿ ಇದನ್ನು ಹಾಗೆ ಬಿಟ್ಟು ಚೆನ್ನಾಗಿ ನಿದ್ರಿಸಿ. ನಿಮ್ಮ ಮುಖದ ಚರ್ಮಕ್ಕೆ ಇದರಿಂದ ಅತ್ಯುತ್ತಮ ಮಾಯಿಶ್ಚರೈಸೇಷನ್ ಸಿಕ್ಕಂತಾಗುತ್ತದೆ ಮತ್ತು ಮುಖದ ಮೇಲಿನ ಮಚ್ಚೆಗಳು ಸಹ ದೂರವಾಗುತ್ತವೆ.
ಹಸಿಯಾದ ಹಾಲು
ಹಸಿಯಾದ ಹಾಲು ತನ್ನದೇ ಅನೇಕ ಆರೋಗ್ಯ ಪ್ರಯೋಜನಗಳನ್ನು ಒಳಗೊಂಡಿದೆ. ಇದರಲ್ಲಿ ಲ್ಯಾಕ್ಟಿಕ್ ಆಸಿಡ್ ಕೂಡ ಒಂದು. ಚರ್ಮದ ಹೊಳಪನ್ನು ನಿರೀಕ್ಷೆಗಿಂತ ಹೆಚ್ಚು ಕಾಪಾಡುವ ಕೆಲಸವನ್ನು ಹಸಿಹಾಲು ಮಾಡುತ್ತದೆ.
ಇದಕ್ಕಾಗಿ ನೀವು ಒಂದು ಟೇಬಲ್ ಚಮಚ ಹಸಿ ಹಾಲನ್ನು ತೆಗೆದುಕೊಂಡು ಅದರಲ್ಲಿ ಹತ್ತಿ ಉಂಡೆಗಳನ್ನು ಡಿಪ್ ಮಾಡಿ ನಿಮ್ಮ ಮುಖದ ಚರ್ಮದ ಭಾಗದಲ್ಲೆಲ್ಲಾ ಇದನ್ನು ಅನ್ವಯಿಸಿಕೊಳ್ಳಬೇಕು.
ಸ್ವಲ್ಪ ಹೊತ್ತು ಬಿಟ್ಟು ಅದು ಒಣಗಿದ ನಂತರ ಮತ್ತೆ ಅನ್ವಯಿಸಿ. ರಾತ್ರಿ ಮಲಗುವ ಮುಂಚೆ ಮಾಡುವ ಈ ಪ್ರಕ್ರಿಯೆಯನ್ನು ಪ್ರತಿದಿನ ಮುಂದುವರೆಸಿ ಮತ್ತು ಬೆಳಗ್ಗೆ ಎದ್ದ ತಕ್ಷಣ ತಂಪಾದ ನೀರಿನಲ್ಲಿ ಮುಖ ತೊಳೆದುಕೊಳ್ಳಿ.
ಬಾದಾಮಿ ಎಣ್ಣೆ
ಮುಖದ ಮೇಲೆ ಒಂದು ವೇಳೆ ಯಾವುದಾದರು ಕಪ್ಪು ಮಚ್ಚೆ ಇದ್ದರೆ ಸಾಕು ಅದು ನಿಮ್ಮ ಮುಖದ ಅಂದವನ್ನು ಸಾಧ್ಯವಾದಷ್ಟು ಹಾಳು ಮಾಡಿಬಿಡುತ್ತದೆ.
ಇನ್ನು ಕಣ್ಣುಗಳ ಕೆಳಭಾಗದಲ್ಲಿ ಒಂದು ವೇಳೆ ಡಾರ್ಕ್ ಸರ್ಕಲ್ಸ್ ಇದ್ದರಂತೂ ಮುಖದ ಅಂದ ಅಂದುಕೊಂಡಂತೆ ಇರುವುದಿಲ್ಲ.
ಹೀಗಾಗಿ ವಿಟಮಿನ್ ಇ ಅಂಶ ಹೆಚ್ಚಾಗಿರುವ ಬಾದಾಮಿ ಎಣ್ಣೆಯನ್ನು ಮೂರ್ನಾಲ್ಕು ತೊಟ್ಟು ಕೈಯಲ್ಲಿ ಹಾಕಿಕೊಂಡು ಮುಖಕ್ಕೆ ಹಚ್ಚಿ ನಯವಾಗಿ ಮಸಾಜ್ ಮಾಡಿ.
ಇದು ಸುಕ್ಕುಗಟ್ಟಿದ ಚರ್ಮವನ್ನು ಸರಿಪಡಿಸುವುದು ಮಾತ್ರವಲ್ಲ, ಮುಖದ ಅಂದವನ್ನು ವೃದ್ಧಿಸುವುದರಲ್ಲಿ ಯಾವುದೇ ಅನುಮಾನವಿಲ್ಲ.
https://www.newsics.com/2026/02/07/6-people-died-on-the-spot-after-a-container-collided-with-a-bus/
