https://youtube.com/shorts/2Z4I0oFUbOQ?si=xgY-bbKRdzTE32MP
Subscribe ನ್ಯೂಸಿಕ್ಸ್ ಕನ್ನಡ
newsics.com
ಐಸಿಸಿ ಟಿ20 ವಿಶ್ವಕಪ್ 2026 ರ ಟೂರ್ನಿ ಸುತ್ತಲಿನ ವಿವಾದ ನಿರಂತರವಾಗಿ ಮುಂದುವರೆದಿದೆ. ಮೊದಲು, ಬಾಂಗ್ಲಾದೇಶ ಟೂರ್ನಿಯನ್ನು ಬಹಿಷ್ಕರಿಸಿತು. ಈಗ ಪಾಕಿಸ್ತಾನವು ಭಾರತ ವಿರುದ್ಧ ಟಿ20 ವಿಶ್ವಕಪ್ ಪಂದ್ಯವನ್ನು ಆಡುವುದಿಲ್ಲ ಎಂಬ ಹೊಸ ನಾಟಕ ಶುರು ಮಾಡಿದೆ. ಈ ಮೂಲಕ ಬಾಂಗ್ಲಾದೇಶವನ್ನು ಬೆಂಬಲಿಸಲು ಪಾಕಿಸ್ತಾನ ಪ್ರಯತ್ನಿಸುತ್ತಿದೆ. ಫೆಬ್ರವರಿ 15 ರಂದು ಕೊಲಂಬೊದಲ್ಲಿ ಭಾರತ ಮತ್ತು ಪಾಕಿಸ್ತಾನ ನಡುವಿನ ಟಿ20 ವಿಶ್ವಕಪ್ ಪಂದ್ಯವನ್ನು ನಿಗದಿಪಡಿಸಲಾಗಿತ್ತು. ಈಗ, ಭಾರತ ವಿರುದ್ಧದ ತಮ್ಮ ಗುಂಪು ಲೀಗ್ ಪಂದ್ಯವನ್ನು ಬಹಿಷ್ಕರಿಸಲು ಸಿದ್ಧವಾಗಿರುವ ಪಾಕಿಸ್ತಾನವು ಕಠಿಣ ಪರಿಸ್ಥಿತಿಯಲ್ಲಿ ಸಿಲುಕಬಹುದು.
ಟಿ20 ವಿಶ್ವಕಪ್’ನ ಅಧಿಕೃತ ಪ್ರಸಾರಕರು ಕಾನೂನು ಕ್ರಮ ಕೈಗೊಳ್ಳುವ ಸಾಧ್ಯತೆ ಇದೆ ಎಂದು ಐಸಿಸಿ ಪಾಕಿಸ್ತಾನ ಕ್ರಿಕೆಟ್ ಮಂಡಳಿಗೆ (PCB) ಎಚ್ಚರಿಕೆ ನೀಡಿದೆ ಎಂದು ಪಿಸಿಬಿ ಮೂಲಗಳು ಮಂಗಳವಾರ ತಿಳಿಸಿವೆ.
ಪಾಕಿಸ್ತಾನವು ತನ್ನ ಸರ್ಕಾರದ ನಿರ್ದೇಶನಗಳನ್ನ ಅನುಸರಿಸಿ ಫೆಬ್ರವರಿ 15ರಂದು ಕೊಲಂಬೊದಲ್ಲಿ ಪಂದ್ಯವನ್ನು ಆಡದಿರಲು ನಿರ್ಧರಿಸಿದೆ ಆದರೆ ಇನ್ನೂ ಅಧಿಕೃತವಾಗಿ ಕಾರಣಗಳನ್ನ ಐಸಿಸಿಗೆ ತಿಳಿಸಿಲ್ಲ.
ವರದಿ ಪ್ರಕಾರ, ಐಸಿಸಿ ಪಾಕಿಸ್ತಾನದ ಸಂಪೂರ್ಣ ವಾರ್ಷಿಕ ಆದಾಯದ ಪಾಲನ್ನು, ಸರಿಸುಮಾರು 35 ಮಿಲಿಯನ್ ಯುಎಸ್ ಡಾಲರ್’ಗಳನ್ನು ತಡೆಹಿಡಿಯುವ ಮತ್ತು ಆ ನಿಧಿಯಿಂದ ಪ್ರಸಾರಕರಿಗೆ ಪರಿಹಾರ ನೀಡುವ ಸಾಧ್ಯತೆಯಿದೆ.
