https://youtube.com/shorts/yWrDals90_k?si=qTyTxtvMLgrsr7gN
Subscribe ನ್ಯೂಸಿಕ್ಸ್ ಕನ್ನಡ
newsics.com
ಪ್ರತಿದಿನ ಬೆಳಿಗ್ಗೆ ಎದ್ದ ತಕ್ಷಣ ಹಾಗೂ ಸಂಜೆ ಚಹಾ ಕುಡಿಯುವ ಅಭ್ಯಾಸ ನಮ್ಮಲ್ಲಿ ಹೆಚ್ಚಿನವರಿಗೆ ಇದೆ. ಕೆಲವರಿಗೆ ಟೀ ಕುಡಿಯದ ಹೊರತು ನಿದ್ರೆ ಬರುವುದಿಲ್ಲ. ಚಹಾವನ್ನು ಸೋಸಲು ಜಾಲರಿಯ ಅಗತ್ಯವಿದೆ. ನೀವು ಗಮನಿಸಿರಬಹುದು ಪ್ರತಿದಿನ ಚಹಾವನ್ನು ಸೋಸಲು ಬಳಸುವ ಜಾಲರಿ ಕಪ್ಪು ಕಪ್ಪಾಗಿ ಅಲ್ಲಲ್ಲಿ ಟೀ ಪೌಡರ್ ಸಿಕ್ಕಿಕೊಂಡಿರುತ್ತದೆ.
ಕೆಲವರು ಪ್ಲಾಸ್ಟಿಕ್ ಸ್ಟ್ರೈನೆರ್ ಅನ್ನು ಬಳಸಿದರೆ ಇನ್ನೂ ಕೆಲವರು ಸ್ಟ್ರೀಲ್ನ ಸ್ಟ್ರೈನೆರ್ ಅನ್ನು ಬಳಸುತ್ತಾರೆ. ಪ್ಲಾಸ್ಟಿಕ್ ಸ್ಟ್ರೈನೆರ್ ದೀರ್ಘಕಾಲ ಬಾಳಿಕೆ ಬರೋದಿಲ್ಲ. ಏಕೆಂದರೆ ಅದು ಬೇಗನೆ ಒಡೆಯುತ್ತದೆ, ಆದರೆ ಅದನ್ನು ಸ್ವಚ್ಛಗೊಳಿಸಲು ತುಂಬಾ ಸುಲಭ. ಮತ್ತೊಂದೆಡೆ ಸ್ಟ್ರೀಲ್ನ ಸ್ಟ್ರೈನೆರ್ ಹೆಚ್ಚು ಬಾಳಿಕೆ ಬರುತ್ತದೆ ಆದರೆ ಅದನ್ನು ಕ್ಲೀನ್ ಮಾಡುವುದು ಕಷ್ಟ. ಯಾಕೆಂದರೆ ಅದರ ರಂಧ್ರಗಳು ಮುಚ್ಚಿರುತ್ತವೆ.
ಟೀ ಸ್ಟ್ರೈನರ್ ಸ್ವಚ್ಛಗೊಳಿಸಲು ಅಡುಗೆ ಸೋಡಾ ಮತ್ತು ವಿನೆಗರ್ ಬಹಳ ಪರಿಣಾಮಕಾರಿ ಪರಿಹಾರವಾಗಿದೆ. ಒಂದು ಪಾತ್ರೆಯಲ್ಲಿ ನೀರನ್ನು ಕುದಿಸಿ ಅದಕ್ಕೆ ವಿನೆಗರ್, ಅಡುಗೆ ಸೋಡಾ ಮತ್ತು ಸ್ವಲ್ಪ ಪಾತ್ರೆ ತೊಳೆಯುವ ಲಿಕ್ವಿಡ್ ಸೇರಿಸಿ. ಈಗ ಕೊಳಕು ಸ್ಟ್ರೈನರ್ ಅನ್ನು ಈ ಕುದಿಯುವ ನೀರಿನಲ್ಲಿ ಇರಿಸಿ ಮತ್ತು ಕೆಲವು ನಿಮಿಷಗಳ ಕಾಲ ಹಾಗೆಯೇ ಬಿಡಿ. ಇದು ಸಂಗ್ರಹವಾದ ಕೊಳೆಯನ್ನು ಸಡಿಲಗೊಳಿಸುತ್ತದೆ.
ಸ್ವಲ್ಪ ಸಮಯದ ನಂತರ ಸ್ಟ್ರೈನರ್ ತೆಗೆದು ಹಳೆಯ ಟೂತ್ ಬ್ರಷ್ ನಿಂದ ನಿಧಾನವಾಗಿ ಉಜ್ಜಿ. ಹಳೆಯ ಟೀ ಪೌಡರ್ ಸುಲಭವಾಗಿ ಹೊರಹೋಗುವುದನ್ನು ಮತ್ತು ಮುಚ್ಚಿಹೋಗಿರುವ ರಂಧ್ರಗಳು ತೆರೆಯಲು ಪ್ರಾರಂಭಿಸುವುದನ್ನು ನೀವು ಗಮನಿಸಬಹುದು.
ಸ್ಟ್ರೈನರ್ ಸ್ಟೀಲ್ನಿಂದ ಮಾಡಲ್ಪಟ್ಟಿದ್ದರೆ ಅದನ್ನು ಕೆಲವು ನಿಮಿಷಗಳ ಕಾಲ ಕಡಿಮೆ ಉರಿಯಲ್ಲಿ ಬಿಸಿ ಮಾಡಿ. ಅದು ತಣ್ಣಗಾದ ನಂತರ, ಸ್ಕ್ರಬ್ಬರ್ನಿಂದ ಸ್ವಚ್ಛಗೊಳಿಸಿ. ಈ ವಿಧಾನವು ಸಂಗ್ರಹವಾದ ಕೊಳೆಯನ್ನು ತೆಗೆದುಹಾಕುತ್ತದೆ ಮತ್ತು ಸ್ಟ್ರೈನರ್ ಮತ್ತೆ ಹೊಸದಾಗಿ ಕಾಣುವಂತೆ ಮಾಡುತ್ತದೆ.
