Subscribe ನ್ಯೂಸಿಕ್ಸ್ ಕನ್ನಡ NewsicsKannada/YouTube
newsics.com
ವಿಂಟರ್ ಸೀಸನ್ ಫ್ಯಾಷನ್ಗೆ ವೈವಿಧ್ಯಮಯ ಬೆಲ್ಟ್ ಡ್ರೆಸ್ಗಳು ಮಾರುಕಟ್ಟೆಗೆ ಮತ್ತೆ ಲಗ್ಗೆಯಿಟ್ಟಿವೆ. ಲೆಕ್ಕವಿಲ್ಲದಷ್ಟು ಬಗೆಯ ಬೆಲ್ಟ್ ಔಟ್ಫಿಟ್ಗಳು ಮಾರುಕಟ್ಟೆಯಲ್ಲಿ ಈಗಾಗಲೇ ಜಾಗ ಆಕ್ರಮಿಸಿಕೊಂಡಿವೆ.
ವೈವಿಧ್ಯಮಯ ಬೆಲ್ಟ್ ಡ್ರೆಸ್ಗಳು ಜೆನ್ ಝಿ ಯುವತಿಯರನ್ನು ಸವಾರಿ ಮಾಡತೊಡಗಿವೆ. ಇದಕ್ಕೆ ಪೂರಕ ಎಂಬಂತೆ, ಲೆಕ್ಕವಿಲ್ಲದಷ್ಟು ಬಗೆಯ ಬೆಲ್ಟ್ ಔಟ್ಫಿಟ್ಗಳು ಮಾರುಕಟ್ಟೆಯಲ್ಲಿ ರಾರಾಜಿಸುತ್ತಿವೆ.
ಕಾಂಟ್ರ್ಯಾಸ್ಟ್ ಶೇಡ್ಸ್ನ ಪೇಟೆಂಟ್ ಬೆಲ್ಟ್ ಡ್ರೆಸ್, ಬೂಟ್ ಕಟ್ ಜೀನ್ಸ್ಗೆ ಹೊಂದುವ ಆರ್ನಾಟ್ ಬಕ್ಕಲ್ಸ್ ಬೆಲ್ಟ್ ಡ್ರೆಸ್, ಹವರ್ ಗ್ಲಾಸ್ ಶೇಪ್ ನೀಡುವ ಡಬ್ಬಲ್ ಬಕ್ಕಲ್ ಡ್ರೆಸ್, ಸ್ಕಿನ್ನಿ ಬೆಲ್ಟ್ ಡ್ರೆಸ್, ಬ್ಲೇಜರ್ ಹಾಗೂ ಕೋಟ್ನಂತಹ ಉಡುಪುಗಳಲ್ಲಿನ ಇಕ್ವೆಟೇರಿಯನ್, ವ್ರಾಪ್, ಕ್ಲೊಶರ್, ಫ್ರಿಂಝ್, ಲೂಪ್ಲೆಯರ್, ಕೆವ್ ಬಕ್ಕಲ್ ಬೆಲ್ಟ್ ಡ್ರೆಸ್ಗಳು ಈ ಸೀಸನ್ನಲ್ಲಿ ದೊರೆಯುತ್ತಿವೆ.
ಮಾನೋ ಕ್ರೋಮ್ ಬಣ್ಣದ ಉಡುಪಿನ ಜತೆಯಲ್ಲೆ ಅಟ್ಯಾಚ್ ಆಗಿರುವಂತಹ ಬೆಲ್ಟ್ ಡ್ರೆಸ್ಗಳು ಟೀನೇಜ್ ಹುಡುಗಿಯರನ್ನು ಸೆಳೆದರೆ, ಸ್ಟೇಟ್ಮೆಂಟ್ ಬೆಲ್ಟ್ ಡ್ರೆಸ್ಗಳು ಕಾರ್ಪೋರೇಟ್ ಕ್ಷೇತ್ರದ ಮಾನಿನಿಯರನ್ನು ಆಕರ್ಷಿಸುತ್ತಿವೆ.
ಮಾನೋಕ್ರೋಮ್ ಬೆಲ್ಟ್ ಡ್ರೆಸ್:
ಈ ಉಡುಪಿನಲ್ಲಿ ಅಟ್ಯಾಚ್ ಆಗಿರುವ ಬೆಲ್ಟ್ ಸೇಮ್ ಟು ಸೇಮ್ ಉಡುಪಿನ ಬಣ್ಣದ್ದಾಗಿರುತ್ತವೆ. ಒಂದೇ ಶೇಡ್ ಹೊಂದಿರುತ್ತವೆ. ಇವೇ ಮಾನೋಕ್ರೋಮ್ ಬೆಲ್ಟ್ ಡ್ರೆಸ್ಗಳು.
ಸ್ಟೇಟ್ಮೆಂಟ್ ಬೆಲ್ಟ್ ಡ್ರೆಸ್:
ಇವು ಉಡುಪಿನ ಥೀಮ್ಗೆ ತಕ್ಕಂತೆ ವಿನ್ಯಾಸವನ್ನೊಳಗೊಂಡ ವಿಶೇಷ ರೀತಿಯ ಬೆಲ್ಟ್ಗಳು. ಡ್ರೆಸ್ನೊಂದಿಗೆ ಇವು ಕೂಡ ಬೋಲ್ಡ್ ಪ್ಯಾಟರ್ನ್ನಲ್ಲಿರುತ್ತವೆ. ಔಟ್ಫಿಟ್ ಜತೆ ಎದ್ದು ಕಾಣುತ್ತವೆ. ಇವುಗಳ ಬೆಲೆ ಕೊಂಚ ಹೆಚ್ಚು.
ಬಿಗ್ ಬಕಲ್ ಬೆಲ್ಟ್ ಡ್ರೆಸ್:
ಹೊಟ್ಟೆಯ ಭಾಗವನ್ನು ಹೈಲೈಟ್ ಮಾಡುವ ಬಿಗ್ ಬಕಲ್ ಬೆಲ್ಟ್ ಡ್ರೆಸ್ಗಳು ರೆಟ್ರೋ ಲುಕ್ ನೀಡುತ್ತವೆ. ಬಿಗ್ ಬೆಲ್ಟ್ ಹಾಗೂ ದೊಡ್ಡ ಬಕಲ್ ಡ್ರೆಸ್ಗಳು ಮ್ಯಾಕ್ಸಿ ಶೈಲಿಯ ಡ್ರೆಸ್ಗಳಲ್ಲೂ ದೊರೆಯುತ್ತವೆ.
ಟೈಯಿಂಗ್ ಬೆಲ್ಟ್ ಡ್ರೆಸ್:
ಫ್ಯಾಬ್ರಿಕ್ನಲ್ಲಿ ತಯಾರಿಸಿದ ಬೆಲ್ಟ್ ಇದಾಗಿದ್ದು, ಟೈಯಿಂಗ್ ಮಾಡುವ ಆಪ್ಷನ್ ಇರುತ್ತದೆ. ಸೈಡ್, ಸೆಂಟರ್ ಹಾಗೂ ಹಿಂದೆ ಟೈಯಿಂಗ್ ಮಾಡುವ ವಿಧಾನವನ್ನು ಈ ಡ್ರೆಸ್ನಲ್ಲಿ ಅಳವಡಿಸಲಾಗಿರುತ್ತದೆ. ಈ ಉಡುಪಿನಲ್ಲಿನ ಬೆಲ್ಟ್ ಮೃದುವಾದ ಫ್ಯಾಬ್ರಿಕ್ ಒಳಗೊಂಡಿರುತ್ತದೆ.
ಫಾರ್ಮಲ್ ಬೆಲ್ಟ್ ಡ್ರೆಸ್:
ಸ್ಲಿಮ್ ಹಾಗೂ ಸರಳವಾದ ಬೆಲ್ಟ್ ಡ್ರೆಸ್ ಈ ವಿಭಾಗಕ್ಕೆ ಸೇರುತ್ತದೆ. ಯಾವುದೇ ಫ್ಯಾನ್ಸಿ ಡಿಸೈನ್ ಇಲ್ಲದ ಸರಳ ಬಕಲ್ಗಳನ್ನು ಹೊಂದಿದ ಗೋಲ್ಡನ್ ಹಾಗೂ ಸಿಲ್ವರ್ನವು ಈ ವಿನ್ಯಾಸದಲ್ಲಿ ಚಾಲ್ತಿಯಲ್ಲಿವೆ. ಈ ಬೆಲ್ಟ್ಗಳನ್ನು ತೆಗೆದು ಇತರೇ ಉಡುಪುಗಳೊಂದಿಗೂ ಧರಿಸಬಹುದು.
