Subscribe ನ್ಯೂಸಿಕ್ಸ್ ಕನ್ನಡ NewsicsKannada/YouTube
newsics.com
ಸಾಮಾಜಿಕ ಮಾಧ್ಯಮದಲ್ಲಿ ಲೈಕ್ಗಳಿಗಾಗಿ ತಾಯಿಯೊಬ್ಬರು ತನ್ನ ಮಗನ ಜೀವವನ್ನೇ ಪಣಕ್ಕಿಟ್ಟರುವ ಘಟನೆ ರಷ್ಯಾದ ಸಾರಾಟೋವ್ನಲ್ಲಿ ನಡೆದಿದೆ. ಈ ವಿಡಿಯೋ ಸಾಮಾಜಿಕ ಜಾಲತಾಣಗಳಲ್ಲಿ ವೈರಲ್ ಆಗಿದೆ.
ಅನ್ನಾ ಸಪ್ರಿನಾ (36) ಎಂಬ ಮಹಿಳೆ ಈ ಕೃತ್ಯ ನಡೆಸಿದ್ದಾರೆ.ತನ್ನ ಮಗು ಉಸಿರಾಡಲು ಕಷ್ಟಪಡುತ್ತಿದ್ದಾಗಲೂ ಅದನ್ನು ಲೆಕ್ಕಿಸದ ತಾಯಿಯ ಕೃತ್ಯವನ್ನು ವ್ಯಾಪಕವಾಗಿ ಖಂಡಿಸಲಾಗುತ್ತಿದೆ.ಸಾಮಾಜಿಕ ಮಾಧ್ಯಮದಲ್ಲಿ ವೀಕ್ಷಣೆಗಳು ಮತ್ತು ಲೈಕ್ಗಳಿಗಾಗಿ ತಾಯಿ ತನ್ನ ಮಗನ ಮೇಲೆ ಅತ್ಯಂತ ಅಪಾಯಕಾರಿ ಪ್ರಯೋಗವನ್ನು ಮಾಡಿದ್ದಾರೆ.
ಅನ್ನಾ ಸಪ್ರಿನಾ ತನ್ನ ಚಿಕ್ಕ ಮಗನನ್ನು ತೆಗೆದುಕೊಂಡು ದೊಡ್ಡ ಪ್ಲಾಸ್ಟಿಕ್ ಚೀಲದಲ್ಲಿ ಹಾಕಿದರು. ನಂತರ, ಅವರು ಚೀಲವನ್ನು ಬಿಗಿಯಾಗಿ ಹಿಡಿದು ಅದರಲ್ಲಿರುವ ಎಲ್ಲಾ ಗಾಳಿಯನ್ನು ಹೊರಹಾಕಿದರು. ಗಾಳಿಯ ಕೊರತೆಯಿಂದಾಗಿ ಮಗು ಕೆಲವು ಸೆಕೆಂಡುಗಳಲ್ಲಿ ಉಸಿರುಗಟ್ಟಿತು. ಪ್ಲಾಸ್ಟಿಕ್ ಚೀಲದಲ್ಲಿ ಉಳಿಯಲು ಸಾಧ್ಯವಾಗದೆ, ಭಯದಿಂದ ಅಮ್ಮಾ ಎಂದು ಮಗು ಕಿರುಚಿತು.ಸಾಮಾಜಿಕ ಜಾಲತಾಣಗಳಲ್ಲಿ ಈ ವಿಡಿಯೋ ಪೋಸ್ಟ್ ಆದ ತಕ್ಷಣ ವೈರಲ್ ಆಗಿದೆ.
