Subscribe ನ್ಯೂಸಿಕ್ಸ್ ಕನ್ನಡ NewsicsKannada/YouTube
newsics.com
ಹರಿಯಾಣದ ನುಹ್ ಜಿಲ್ಲೆಯಲ್ಲಿ ನಡೆದ ವಿವಾಹಪೂರ್ವ ನೃತ್ಯ ಕಾರ್ಯಕ್ರಮವೊಂದರಲ್ಲಿ ವ್ಯಕ್ತಿಯೋರ್ವ ಮಹಿಳಾ ನರ್ತಕಿಯೊಂದಿಗೆ ಅನುಚಿತವಾಗಿ ವರ್ತಿಸಲು ಪ್ರಯತ್ನಿಸಿದ್ದು ಈ ಘಟನೆ ವೇದಿಕೆಯಲ್ಲಿ ತೀವ್ರ ವಾಗ್ವಾದ ಮತ್ತು ಗಲಾಟೆಗೆ ಕಾರಣವಾಯಿತು. ಈ ವಿಡಿಯೋ ಸಾಮಾಜಿಕ ಮಾಧ್ಯಮದಲ್ಲಿ ವೈರಲ್ ಆಗಿದೆ.
ಲಲ್ಲು ಅವರ ಮಗ ಎಜಾಜ್ ವಿವಾಹ ಕಾರ್ಯಕ್ರಮಕ್ಕಾಗಿ ನೃತ್ಯ ಪ್ರದರ್ಶನ ನೀಡಲು ಮೂವರು ಮೇವಾಟಿ ನೃತ್ಯಗಾರರನ್ನು ಆಹ್ವಾನಿಸಿದ್ದರು.
ನರ್ತಕಿ ಪಾಯಲ್ ಚೌಧರಿ ವೇದಿಕೆಯಲ್ಲಿ ಪ್ರದರ್ಶನ ನೀಡುತ್ತಿದ್ದಾಗ, ಎಜಾಜ್ ಅವರ ಚಿಕ್ಕಪ್ಪ ಅವಳನ್ನು ಸಮೀಪಿಸಿ ಅಶ್ಲೀಲ ಸನ್ನೆಗಳನ್ನು ಮಾಡಿ ಅನುಚಿತವಾಗಿ ಸ್ಪರ್ಶಿಸಲು ಪ್ರಯತ್ನಿಸಿದ್ದಾರೆ ಎಂದು ಆರೋಪಿಸಲಾಗಿದೆ.
ಈ ಕೃತ್ಯದಿಂದ ಕೋಪಗೊಂಡ ನರ್ತಕಿ ವೇದಿಕೆಯಲ್ಲಿ ಆತನಿಗೆ ಕಪಾಳಮೋಕ್ಷ ಮಾಡಿದ್ದಳು. ಆ ಸಮಯದಲ್ಲಿ ಇತರ ಇಬ್ಬರು ನರ್ತಕರು ನೃತ್ಯ ಮಾಡುತ್ತಿದ್ದರು. ನೂರಾರು ಪ್ರೇಕ್ಷಕರ ಮುಂದೆ, ವರನ ಚಿಕ್ಕಪ್ಪ ತಕ್ಷಣವೇ ಪ್ರತೀಕಾರ ತೀರಿಸಿಕೊಂಡು ಪಾಯಲ್ ಚೌಧರಿಗೆ ಕಪಾಳಮೋಕ್ಷ ಮಾಡಿದನು. ವಾಗ್ವಾದ ಬೇಗನೆ ಉಲ್ಬಣಗೊಂಡು ಎರಡೂ ಪಕ್ಷಗಳ ಸದಸ್ಯರ ನಡುವೆ ತೀವ್ರ ಜಗಳ ಆರಂಭವಾಯಿತು. ಕೆಲವೇ ಕ್ಷಣಗಳಲ್ಲಿ ನೂರಾರು ಜನರು ವೇದಿಕೆಯ ಮೇಲೆ ಹತ್ತಿ, ನೃತ್ಯಗಾರರನ್ನು ಸುತ್ತುವರೆದು, ಅವರ ಮೇಲೆ ದಾಳಿ ಮಾಡಲು ಪ್ರಾರಂಭಿಸಿದರು.
ನೃತ್ಯಗಾರರೊಂದಿಗೆ ಬಂದ ಬೆಂಬಲ ತಂಡ ಮಧ್ಯಪ್ರವೇಶಿಸಲು ಪ್ರಯತ್ನಿಸಿತು. ಆದರೆ ಗ್ರಾಮಸ್ಥರು ಅವರ ಮೇಲೂ ದಾಳಿ ನಡೆಸಿದರು ಎಂದು ಆರೋಪಿಸಲಾಗಿದೆ.
