Subscribe ನ್ಯೂಸಿಕ್ಸ್ ಕನ್ನಡ NewsicsKannada/YouTube
newsics.com
2018 ರಲ್ಲಿ ಲ್ಯಾಂಡ್ ರೋವರ್ ಕಾರಿನ ಮೂಲಕ ಮಾಡಿದ ಸಾಹಸವನ್ನು ಮತ್ತೆ ಮರುಸೃಷ್ಟಿಸಲು ಹೋಗಿ ಚೀನಾದ ವಾಹನ ತಯಾರಕ ಕಂಪನಿಯೊಂದು ಎಡವಟ್ಟು ಮಾಡಿದ್ದು, ಈ ವೀಡಿಯೋ ವೈರಲ್ ಆಗಿದೆ.
ಚೀನಾದ ಚೆರಿ ಆಟೋಮೊಬೈಲ್ ಸಂಸ್ಥೆ ತನ್ನ ಹೊಸ ಎಸ್ಯುವಿ ಕಾರು ಫೆಂಗ್ಯುನ್ X3L ಟಿಯಾನ್ಮೆನ್ ಮೌಂಟೇನ್ ನ್ಯಾಷನಲ್ ಫಾರೆಸ್ಟ್ ಪಾರ್ಕ್ನಲ್ಲಿರುವ ಸ್ಕೈ ಲ್ಯಾಡರ್ ಎಂದೂ ಕರೆಯಲ್ಪಡುವ 300 ಮೀಟರ್ ಎತ್ತರದ ಮೆಟ್ಟಿಲುಗಳ ಸುಮಾರು 999 ಮೆಟ್ಟಿಲುಗಳನ್ನು ಏರುವ ಪ್ರಯತ್ನ ಮಾಡಿತು. ಈ ಮೆಟ್ಟಿಲುಗಳು ಟಿಯಾನ್ಮೆನ್ ಗುಹೆಗೆ ಕರೆದೊಯ್ಯುತ್ತವೆ. ಇದು ಕೇವಲ 30 ಸೆಂಟಿಮೀಟರ್ ಅಗಲದ ಮೆಟ್ಟಿಲುಗಳಾಗಿದ್ದು, ಇಲ್ಲಿ ಸ್ಥಳಗಳಲ್ಲಿ 60 ಡಿಗ್ರಿಗಿಂತ ಹೆಚ್ಚಿನ ಇಳಿಜಾರುಗಳನ್ನು ಹೊಂದಿದೆ.
ಚೆರಿ ಸಂಸ್ಥೆಯ ಕಾರು ಫೆಂಗ್ಯುನ್ X3L ಈ ಮೆಟ್ಟಿಲುಗಳ ಮೇಲೆ ಏರುವುದಕ್ಕೆ ಹೋಗಿ ಮೆಟ್ಟಿಲುಗಳ ಮಧ್ಯೆ ಸಿಲುಕಿ ಹೆಣಗಾಡಿದೆ. ಕೆಲ ಸೆಕೆಂಡು ಮೆಟ್ಟಿಲುಗಳ ಮೇಲೆ ಏರಿದ ಈ ಗಾಡಿ ನಂತರ ಮೆಟ್ಟಿಲುಗಳ ಮಧ್ಯೆ ಸಿಲುಕಿ ಹೆಣಗಾಡಿದೆ. ಅಲ್ಲದೇ ನಂತರ ಹಿಂದಕ್ಕೆ ಜಾರಿ ಮೆಟ್ಟಿಲಿನ ಪಕ್ಕದ ತಡೆಗೋಡೆಗೆ (ಗಾರ್ಡ್ರೈಲ್ಗೆ) ಡಿಕ್ಕಿ ಹೊಡೆದು ಅದರ ಒಂದು ಭಾಗ ಮುರಿದು ಹೋಗಿದೆ. ಈ ವೇಳೆ ಅಲ್ಲಿದ್ದ ಪ್ರವಾಸಿಗರು ಆತಂಕದಿಂದ ಕಿರುಚಿದ್ದಾರೆ. ನಂತರ ಈ ಕಾರು ಎರಡು ಗಂಟೆಗಳ ಕಾಲ ಮೆಟ್ಟಿಲುಗಳ ಮೇಲೆಯೇ ಇತ್ತು ಎಂದು ಪ್ರತ್ಯಕ್ಷದರ್ಶಿಯೊಬ್ಬರು ತಿಳಿಸಿದ್ದಾರೆ.
