newsics.com
ಕಳೆದ ವರ್ಷದಿಂದಲೂ ಫಿನ್ಟೆಕ್ನಲ್ಲಿ ಬಾಡಿಗೆ ಪಾವತಿಗಳ ಬೆಳವಣಿಗೆ ಗಮನಾರ್ಹವಾಗಿದೆ. ಫೋನ್ಪೇ, ಪೇಟಿಎಂ, ಮೊಬಿಕ್ವಿಕ್, ಫ್ರೀಚಾರ್ಜ್ ಮತ್ತು ಅಮೆಜಾನ್ ಪೇ ಮುಂತಾದ ಅಪ್ಲಿಕೇಶನ್ಗಳು ಕ್ರೆಡಿಟ್ ಕಾರ್ಡ್ ಮೂಲಕ ಬಾಡಿಗೆ ಪಾವತಿಗಳನ್ನು ಸ್ವೀಕರಿಸುತ್ತಿದ್ದವು. ಬಳಕೆದಾರರು ಇದರಿಂದ ತಮ್ಮ ಬಾಡಿಗೆ ಪಾವತಿಸಲು ಸುಲಭವಾಗುತ್ತಿದ್ದಂತೆ, ರಿವಾರ್ಡ್ ಪಾಯಿಂಟ್ಗಳ ಮೂಲಕ ಲಾಭಗಳಿಸುತ್ತಿದ್ದರು. ಆದರೆ, ಇನ್ಮುಂದೆ PhonePe, Paytm ಮತ್ತು Credit card ನಂತಹ ಆನ್ಲೈನ್ ಪಾವತಿ ಅಪ್ಲಿಕೇಶನ್ಗಳು ಕ್ರೆಡಿಟ್ ಕಾರ್ಡ್ಗಳನ್ನು ಬಳಸಿಕೊಂಡು ಬಾಡಿಗೆ ಪಾವತಿಗಳನ್ನು ಸ್ವೀಕರಿಸುವುದನ್ನು ನಿಲ್ಲಿಸಿವೆ.
ಭಾರತೀಯ ರಿಸರ್ವ್ ಬ್ಯಾಂಕ್ ಹೊರಡಿಸಿದ ಹೊಸ ನಿಯಮಗಳಿಂದಾಗಿ ಈ ನಿರ್ಧಾರ ತೆಗೆದುಕೊಳ್ಳಲಾಗಿದೆ. ಈ ಬದಲಾವಣೆಯು ಕ್ರೆಡಿಟ್ ಕಾರ್ಡ್ಗಳ ಮೂಲಕ ಸುಲಭವಾಗಿ ಬಾಡಿಗೆ ಪಾವತಿಸುವ ಲಕ್ಷಾಂತರ ಬಾಡಿಗೆದಾರರಿಗೆ ಸಮಸ್ಯೆಗಳನ್ನು ಉಂಟುಮಾಡುತ್ತದೆ. ಹೊಸ RBI ಸುತ್ತೋಲೆಯ ಪ್ರಕಾರ, ಪಾವತಿ ಸಂಗ್ರಾಹಕರು ಮತ್ತು ಪಾವತಿ ಗೇಟ್ವೇಗಳು ಅಧಿಕೃತವಾಗಿ ನೋಂದಾಯಿತ ವ್ಯಾಪಾರಿಗಳಿಂದ ಮಾತ್ರ ವಹಿವಾಟುಗಳನ್ನು ಪ್ರಕ್ರಿಯೆಗೊಳಿಸಬೇಕು.
ಅನೇಕ ಮನೆಮಾಲೀಕರು ವ್ಯಾಪಾರಿಗಳಾಗಿ ನೋಂದಾಯಿಸಲ್ಪಟ್ಟಿಲ್ಲ. ಈ ಕಾರಣದಿಂದಾಗಿ, ಫಿನ್ಟೆಕ್ ಅಪ್ಲಿಕೇಶನ್ಗಳು ಕ್ರೆಡಿಟ್ ಕಾರ್ಡ್ಗಳ ಮೂಲಕ ಬಾಡಿಗೆ ಪಾವತಿಸುವ ಸೇವೆಯನ್ನು ಅವರಿಗೆ ಒದಗಿಸಲು ಸಾಧ್ಯವಿಲ್ಲ.
ಇದಲ್ಲದೆ, ಆರ್ಬಿಐ ಕೆವೈಸಿ ಮಾನದಂಡಗಳ ಬಗ್ಗೆ ಕಳವಳ ವ್ಯಕ್ತಪಡಿಸಿದೆ. ಅನೇಕ ಜನರು ಈ ಬಾಡಿಗೆ ಪಾವತಿಗಳನ್ನು ಬಳಸುತ್ತಿದ್ದಾರೆ ಮತ್ತು ಹಣವನ್ನು ನಿಕಟ ಸಂಬಂಧಿಗಳ ಖಾತೆಗಳಿಗೆ ವರ್ಗಾಯಿಸುತ್ತಿದ್ದಾರೆ ಮತ್ತು ಇತರ ಉದ್ದೇಶಗಳಿಗಾಗಿ ಬಳಸುತ್ತಿದ್ದಾರೆ ಎಂದು ಕಂಡುಬಂದಿದೆ.
