newsics.com
ಚೆನ್ನೈ : ನಾಗಾಲ್ಯಾಂಡ್ ರಾಜ್ಯಪಾಲ ಲಾ ಗಣೇಶನ್ (80 ವ) ನಿಧನರಾಗಿದ್ದಾರೆ. ಆಗಸ್ಟ್ 8 ರಂದು ಚೆನ್ನೈನಲ್ಲಿರುವ ತಮ್ಮ ನಿವಾಸದಲ್ಲಿ ಬಿದ್ದು ತಲೆಗೆ ಗಂಭೀರ ಗಾಯವಾಗಿದ್ದರಿಂದ ಗಣೇಶನ್ ಅವರು ಜೀವನ್ಮರಣ ಹೋರಾಟ ನಡೆಸುತ್ತಿದ್ದರು.
ಹಾಗಾಗಿ, ಅವರನ್ನು ಚೆನ್ನೈನ ಅಪೋಲೋ ಆಸ್ಪತ್ರೆಗೆ ದಾಖಲಿಸಿ, ತೀವ್ರ ವೈದ್ಯಕೀಯ ನಿಗಾ (ಐಸಿಯು) ನಲ್ಲಿ ಇರಿಸಲಾಗಿತ್ತು. ಆದ್ರೆ, ಚಿಕಿತ್ಸೆ ಫಲಕಾರಿಯಾಗದೆ ಸಾವನ್ನಪ್ಪಿದ್ದಾರೆ.
ರಾಜಕೀಯ ನಾಯಕರು ಮತ್ತು ಇತರರ ಅಂತಿಮ ದರ್ಶನಕ್ಕಾಗಿ ನಾಯಕನ ಮೃತದೇಹವನ್ನು ಟಿ ನಗರದಲ್ಲಿರುವ ಅವರ ಮನೆಯಲ್ಲಿ ಇರಿಸಲಾಗುವುದು.
ಗಣೇಶನ್ ಅವರನ್ನು ಫೆಬ್ರವರಿ 12, 2023 ರಂದು ನಾಗಾಲ್ಯಾಂಡ್ನ 21 ನೇ ರಾಜ್ಯಪಾಲರನ್ನಾಗಿ ನೇಮಿಸಲಾಗಿತ್ತು. ಆ ಅದೇ ವರ್ಷ ಫೆಬ್ರವರಿ 20 ರಂದು ಅವರು ಅಧಿಕಾರ ವಹಿಸಿಕೊಂಡರು.
