newsics.com
ಹಾವುಗಳು ಮಳೆಗಾಲದಲ್ಲಿ ಜನವಸತಿ ಪ್ರದೇಶಗಳಲ್ಲಿ ಹೆಚ್ಚಾಗಿ ಕಾಣುತ್ತವೆ. ಬಹಳಷ್ಟು ಹಸಿರು ಮತ್ತು ತೇವಾಂಶ ಇರುವ ಪ್ರದೇಶಗಳಲ್ಲಿ ಇದು ಸಾಮಾನ್ಯ. ಕೆಲವು ನೈಸರ್ಗಿಕ ಪರಿಹಾರಗಳನ್ನು ಬಳಸುವುದರಿಂದ ಹಾವುಗಳನ್ನು ದೂರವಿಡಬಹುದು.
ಹಿತ್ತಲಿನ ಜಾಗದಲ್ಲಿ ಗುಂಪಾದ ಗಿಡಗಂಟಿಗಳು ಅಂದರೆ ಮನೆಯ ಅಂಗಳದ ಸುತ್ತ ಅಥವಾ ಮನೆಯ ಸುತ್ತ-ಮುತ್ತ ಬೆಳೆಸಿರುವ ಹೂವಿನ ಗಿಡಗಳು, ಹಾಗೂ ಮಳೆಗಾಲದಲ್ಲಿ ಮನೆಯ ಸುತ್ತ-ಮುತ್ತ ಸೊಂಪಾಗಿ ಬೆಳೆಯುವ ಹುಲ್ಲಿನಿಂದಾಗಿ ಹಾವುಗಳು ತಮ್ಮ ಆಹಾರ ಅರಸಿ ಬರುವುದು ಸಹಜ. ಹೀಗಾಗಿ ಮೊದಲಿಗೆ ಮನೆಯ ಸುತ್ತ-ಮುತ್ತ ಸ್ವಚ್ಛವಾಗಿ ಇಟ್ಟುಕೊಳ್ಳಿ, ಹುಲ್ಲುಗಳನ್ನು ಕತ್ತರಿಸಿ, ಗುಂಪಾದ ಗಿಡಗಂಟಿಗಳು ಬೆಳೆಯದಂತೆ ನೋಡಿಕೊಳ್ಳಿ.
ಇಂದಿನ ದಿನಗಳಲ್ಲಿ ಪುದೀನಾ ತುಳಸಿ ಗಿಡಗಳಂತೆ ಹಲವು ಕಡೆ ಕೇಳಿ ಬರುತ್ತಿರುವ ಇನ್ನೊಂದು ಗಿಡಮೂಲಿಕೆ ಎಂದರೆ ಅದು ಲೆಮನ್ ಗ್ರಾಸ್! ಹೆಚ್ಚಿನವರು ಇಂದು ತಮ್ಮ ಮನೆಯ ಕೈತೋಟಗಳಲ್ಲಿ ಬೆಳೆಸುತ್ತಿದ್ದಾರೆ. ಈ ಲೆಮನ್ ಗ್ರಾಸ್ (ನಿಂಬೆ ಹುಲ್ಲಿನ) ಟೀ ಮಾಡಿ ಕುಡಿಯುವುದರಿಂದ, ಆರೋಗ್ಯಕ್ಕೆ ಬಹಳ ಒಳ್ಳೆಯದು ಎನ್ನುವುದು ತಜ್ಞರ ಸಲಹೆ, ಆದರೆ ಇದರ ಉಪಯೋಗಗಳು ಇಷ್ಟಕ್ಕೆ ಮಾತ್ರ ನಿಂತಿಲ್ಲ! ಈ ಗಿಡವನ್ನು ಮನೆಯ ಕೈ ತೋಟಗಳಲ್ಲಿ ಬೆಳೆಸುವುದರಿಂದ ಅಥವಾ ಮನೆಯ ಹೊರಗಡೆ ಒಂದು ಕುಂಡದಲ್ಲಿ ಬೆಳೆಸುವುದರಿಂದ, ಇದರ ಸುವಾಸನೆಗೆ ಹಾವುಗಳು ಕೂಡ ದೂರವಾಗುತ್ತವೆ.
ಕೆಲವೊಂದು ಬಗೆಯ ಗಿಡಗಳ ಸುವಾಸನೆಯು ಹಾವುಗಳಿಗೆ ಆಗಿಬರಲ್ಲ! ಇಂತಹ ಗಿಡಗಳ ಸುವಾಸನೆಯಿಂದ ಬಹಳ ಬೇಗನೇ ದೂರ ನಿಲ್ಲುತ್ತವೆ ಅಲೋವೆರಾ, ಪಡವಲಕಾಯಿ ಗಿಡ, ತುಳಸಿ ಗಿಡ, ಲೆಮೆನ್ ಗ್ರಾಸ್ ಇತ್ಯಾದಿ ಗಿಡಗಳನ್ನು ಮಳೆಗಾಲದಲ್ಲಿ ನಿಮ್ಮ ಕೈತೋಟದಲ್ಲಿ ನೆಡಬೇಕು. ಇಲ್ಲಾಂದ್ರೆ ಮನೆಯ ಮುಖ್ಯ ದ್ವಾರ ಹಾಗೂ ಕಿಟಕಿಗಳ ಬಳಿ ನೆಡಬೇಕು. ಇಲ್ಲಾಂದ್ರೆ ಇಂತಹ ಗಿಡಗಳನ್ನು ಸಣ್ಣ ಕುಂಡದಲ್ಲಿ ಬೆಳೆಸಿ, ಮನೆಯ ಸುತ್ತ-ಮುತ್ತ ಕೂಡ ಇಟ್ಟುಕೊಳ್ಳಬಹುದು.
ಲವಂಗ ಮತ್ತು ದಾಲ್ಚಿನ್ನಿ ಎಣ್ಣೆಯು ಪರಿಣಾಮಕಾರಿ ಹಾವು ನಿವಾರಕಗಳಾಗಿವೆ. ಇವುಗಳನ್ನು ಸ್ಪ್ರೇ ಬಾಟಲಿಯಲ್ಲಿ ಒಟ್ಟಿಗೆ ಬೆರೆಸಬೇಕು ಮತ್ತು ಗರಿಷ್ಠ ಪರಿಣಾಮಕ್ಕಾಗಿ ನೇರವಾಗಿ ಹಾವುಗಳ ಮೇಲೆ ಸಿಂಪಡಿಸಬೇಕು. ಜಾಗರೂಕರಾಗಿರಿ, ಏಕೆಂದರೆ ಹಾವುಗಳು ಸಾಮಾನ್ಯವಾಗಿ ಸ್ಪ್ರೇನ ವಿರುದ್ಧ ದಿಕ್ಕಿನಲ್ಲಿ ಓಡುತ್ತವೆ. ಈ ಮಿಶ್ರಣವನ್ನು ಡಿಫ್ಯೂಸರ್ ಒಳಗೆ ಹಾಕಿ ಇದರ ವಾಸನೆ ಹರಡುವಂತೆಯೂ ಮಾಡಬಹುದು.
ಬೆಳ್ಳುಳ್ಳಿ ಮತ್ತು ಈರುಳ್ಳಿಯಲ್ಲಿರುವ ಸಲ್ಫೋನಿಕ್ ಆಸಿಡ್ ಹಾವುಗಳನ್ನು ಹಿಮ್ಮೆಟ್ಟಿಸುತ್ತದೆ. ಇವುಗಳನ್ನು ಕಲ್ಲುಪ್ಪಿನೊಂದಿಗೆ ಬೆರೆಸಿ. ಅದನ್ನು ನಿಮ್ಮ ಮನೆ ಮತ್ತು ಅಂಗಳದ ಸುತ್ತಲೂ ಸಿಂಪಡಿಸಿ. ನೀವು ಬೆಳ್ಳುಳ್ಳಿಯನ್ನು ಯಾವುದೇ ಸಾರಭೂತ ತೈಲಕ್ಕೆ ಸೇರಿಸಿ ಸಿಂಪಡಿಸಬಹುದು.
https://www.newsics.com/2025/08/13/bike-rider-died-on-the-spot/
