ಎರಡು ವಾರ ಕಾಲ ಏಳು ನಾಯಿಗಳ ಜತೆ ಮಗನನ್ನು ಬಿಟ್ಟು ಟ್ರಿಪ್‌ಗೆ ಹೋದ ಮಹಿಳೆ; ಮುಂದೇನಾಯ್ತು?

newsics.com

ಹುಟ್ಟುಹಬ್ಬ ಆಚರಿಸಿಕೊಳ್ಳುವ ಸಲುವಾಗಿ ಮಹಿಳೆಯೊಬ್ಬಳು ತನ್ನ ಮಗ ಹಾಗೂ ಆತನ ಜತೆ ಏಳು ನಾಯಿಗಳನ್ನು ಬಿಟ್ಟು ಎರಡು ವಾರಗಳ ಕಾಲ ಟ್ರಿಪ್ಗೆ ಹೋಗಿರುವ ಘಟನೆ ಲಾಸ್ ವೆಗಾಸ್ನಲ್ಲಿ ನಡೆದಿದೆ.

ಫ್ಲೋರಿಡಾದ ಮಹಿಳೆಯೊಬ್ಬರು ತನ್ನ ಮಗ ಹಾಗೂ ಏಳು ನಾಯಿಯನ್ನು ಬಿಟ್ಟು ಎರಡು ವಾರಗಳ ಕಾಲ ಟ್ರಿಪ್ಗೆ ಹೋಗಿದ್ದರು. ಮೊದಲೇ ಮನೆ ತುಂಬಾ ಹೊಲಸಾಗಿತ್ತು. ಈಗ ನಾಯಿಗಳು ಎಲ್ಲೆಂದರಲ್ಲಿ ಮಲ ಹಾಗೂ ಮೂತ್ರ ವಿಸರ್ಜನೆ ಮಾಡಿದ್ದ ಕಾರಣ ಮನೆಯಲ್ಲಿ ಯಾರೂ ಇರಲಾರದ ಪರಿಸ್ಥಿತಿ ನಿರ್ಮಾಣವಾಗಿತ್ತು. ಆದರೆ ಆಕೆ ಹೋಗುವ ಮುನ್ನವೇ ಮನೆ ಸ್ವಚ್ಛವಾಗಿಲ್ಲದಿದ್ದರೂ ಮಗನನ್ನು ಅಲ್ಲಿಯೇ ಬಿಟ್ಟು ಹೋಗಿದ್ದಾಳೆ.

37 ವರ್ಷದ ಜೆಸ್ಸಿಕಾ ಕೋಪ್ಲ್ಯಾಂಡ್ ಅವರನ್ನು ಮಕ್ಕಳ ನಿರ್ಲಕ್ಷ್ಯ ಮತ್ತು ಪ್ರಾಣಿ ದೌರ್ಜನ್ಯದ ಆರೋಪದ ಮೇಲೆ ಬಂಧಿಸಲಾಗಿದೆ. ನಾಯಿಗಳು ಅನ್ನ, ನೀರಿಲ್ಲದೆ ಹಸಿವಿನಿಂದ ಬಳಲುತ್ತಿದ್ದವು. ತೀರಾ ಶೋಚನೀಯ ಸ್ಥಿತಿಯಲ್ಲಿದ್ದವು.
ಕೆಲವು ನಾಯಿಗಳು ಹಾಲ್ ನಲ್ಲಿ ಇದ್ದರೆ ಇನ್ನೂ ಕೆಲವು ನಾಯಿಗಳು ರೂಮಿನಲ್ಲಿದ್ದವು, ಎಲ್ಲವೂ ಶೋಚನೀಯ ಸ್ಥಿತಿಯಲ್ಲಿದ್ದವು. ಇಡೀ ಕೋಣೆ ಮಲದಿಂದ ಆವೃತವಾಗಿತ್ತು. ಬಾಲಕನ ಕೋಣೆ ಕೂಡ ತುಂಬಾ ಗಲೀಜಾಗಿತ್ತು. ಈ ಕುರಿತು ಪೊಲೀಸರು ವಿಚಾರಿಸಿದಾಗ ನನ್ನ ತಾಯಿ ಯಾವಗಲೂ ಹಾಗೆಯೇ ಮನೆಯನ್ನು ಸ್ವಚ್ಛಗೊಳಿಸುವುದಿಲ್ಲ. ಹೀಗೆ ಕೊಳಕಾಗಿಯೇ ಇಟ್ಟುಕೊಂಡಿರುತ್ತಾರೆ ಎಂದು ಹೇಳಿದ್ದಾನೆ.

ಮಲದಿಂದ ಆವೃತವಾದ ಕಾರ್ಪೆಟ್‌ಗಳು, ವಾಸದ ಕೋಣೆಯಾದ್ಯಂತ ರಾಶಿ ಹಾಕಲಾಗಿರುವ ಕೊಳಕು ವಸ್ತುಗಳು ಮತ್ತು ಗೋಡೆಯಲ್ಲಿ ಹಲವಾರು ದೊಡ್ಡ ರಂಧ್ರಗಳನ್ನು ಕಾಣಬಹುದು. ನಾಯಿಗಳ ಪಕ್ಕೆಲುಬು ಕಾಣುತ್ತಿತ್ತು. ಅಪೌಷ್ಟಿಕತೆಯಿಂದ ಬಳಲುತ್ತಿರುವುದು ಕಂಡುಬರುತ್ತಿದೆ.

ಕನ್ನಡ ಕೋಗಿಲೆ ಸ್ಪರ್ಧಿ ಸವಿತಾರ 14 ವರ್ಷದ ಮಗ ಸಾಯಲು ಈ Web Series ಕಾರಣ!