newsics.com
ಬೆಂಗಳೂರು: ಒಳ ಉಡುಪಿಲ್ಲದ ಸ್ಥಿತಿಯಲ್ಲಿ ಮಹಿಳೆಯ ಶವವು ಕಸದ ಲಾರಿಗೆ ಬಿಸಾಡಿರುವ ಘಟನೆ ಬೆಂಗಳೂರಿನಲ್ಲಿ ನಡೆದಿದೆ.
ಹೆಚ್ಚಿನ ವಿವರಗಳಂತೆ, ನಿನ್ನೆ ತಡರಾತ್ರಿ ಸುಮಾರು 1:40 ರ ಸಮಯದಲ್ಲಿ ಕಸದ ಲಾರಿಗೆ ಕಸ ಹಾಕಲು ಬಂದ ಸ್ಥಳೀಯ ವ್ಯಕ್ತಿಯೊಬ್ಬರ ಗಮನಕ್ಕೆ ಮಹಿಳೆಯ ತಲೆ ಕೂದಲು ಕಂಡುಬಂದಿದ್ದು, ತಕ್ಷಣವೇ ಅವರು ಸಂಬಂಧಪಟ್ಟ ಪೊಲೀಸ್ ಠಾಣೆಗೆ ಮಾಹಿತಿ ನೀಡಿದ್ದಾರೆ.
ಸ್ಥಳಕ್ಕೆ ಧಾವಿಸಿದ ಪೊಲೀಸರು ಶವವನ್ನು ಪರಿಶೀಲಿಸಿದಾಗ, ಪ್ರೌಢವಯಸ್ಸಿನ ಮಹಿಳೆಯ ಶವ ಪತ್ತೆಯಾಯಿತು.
ಸಿಸಿಟಿವಿ ಪರಿಶೀಲನೆಯ ಬಳಿಕ ಪೊಲೀಸರಿಗೆ ಹಂತಕನ ಚಲನೆ ಬಗ್ಗೆ ಸುಳಿವು ಸಿಕ್ಕಿದೆ. ಆತನು ಒಬ್ಬನೇ ಆಟೋ ರಿಕ್ಷಾ ಮೂಲಕ ಮಹಿಳೆಯ ಶವವನ್ನು ತಂದು ಕಸದ ಲಾರಿಗೆ ಬಿಸಾಡಿರುವುದು ದೃಢಪಟ್ಟಿದೆ. ಶವವನ್ನು ಬಹುತೇಕ ನಿರ್ವಸ್ತ್ರ ಸ್ಥಿತಿಯಲ್ಲಿ ಬಿಸಾಡಲಾಗಿದ್ದು, ಕೇವಲ ಟೀಶರ್ಟ್ ಮತ್ತು ಪ್ಯಾಂಟ್ ಮಾತ್ರ ಶವದ ಮೇಲೆ ಇತ್ತು. ಒಳ ಉಡುಪುಗಳು ಕಾಣಿಸಿಕೊಂಡಿಲ್ಲ, ಇದರಿಂದ ಅತ್ಯಾಚಾ*ರ ನಡೆದಿರುವ ಶಂಕೆ ಹೆಚ್ಚಾಗಿದೆ.
ಮೃತ ಮಹಿಳೆಯು ಅಂದಾಜು 25 ರಿಂದ 35 ವರ್ಷ ವಯಸ್ಸಿನವಳಾಗಿದ್ದು, ಗುರುತು ಪತ್ತೆಯಾಗಿಲ್ಲ. ಶವದ ಮೇಲೆ ಕಂಡುಬಂದ ಖಾಸಗಿ ಕಂಪನಿಯ ಟೀಶರ್ಟ್ ಆಧಾರದ ಮೇಲೆ ಪೊಲೀಸರು ತನಿಖೆ ಆರಂಭಿಸಿದ್ದಾರೆ. ಶವವನ್ನು ಪೋಸ್ಟ್ಮಾರ್ಟಂಗೆ ರವಾನಿಸಲಾಗಿದೆ.
ಚನ್ನಮ್ಮನಕೆರೆಯ ಅಚ್ಚುಕಟ್ಟು ಠಾಣೆ ಪೊಲೀಸರು ಸ್ಥಳೀಯ ಸಿಸಿಟಿವಿ ದೃಶ್ಯಾವಳಿಗಳನ್ನು ಪರಿಶೀಲಿಸುತ್ತಿದ್ದು, ಹಂತಕನ ಬಗ್ಗೆ ಹೆಚ್ಚಿನ ಮಾಹಿತಿ ಕಲೆ ಹಾಕುತ್ತಿದ್ದಾರೆ.
