newsics.com
ದೇಶದಲ್ಲಿ ನೌಕರರ ಭವಿಷ್ಯ ನಿಧಿ ಸದಸ್ಯರಿಗೆ ಮುಂದಿನ ದಿನಗಳಲ್ಲಿ ಭವಿಷ್ಯ ನಿಧಿ ಸುಲಭ ಮತ್ತು ಅನುಕೂಲದ ದೃಷ್ಟಿಯಿಂದ ದೊಡ್ಡ ನಿಟ್ಟುಸಿರು ಬಿಡುವ ಅಪ್ಡೇಟ್ ನೀಡಿದೆ. ಇಪಿಎಫ್ಒ ತನ್ನ ಮುಂದಿನ ಪೀಳಿಗೆಯ ಪ್ಲಾಟ್ಫಾರ್ಮ್ ಇಪಿಎಫ್ಒ 3.0 ಅನ್ನು ಮುಂದಿನ ತಿಂಗಳು ಮೇ ಮತ್ತು ಜೂನ್ ತಿಂಗಳಲ್ಲಿ ಪ್ರಾರಂಭಿಸಲಿದೆ.
ಈ Employees’ Provident Fund Organisation ದೇಶದಲ್ಲಿ ಸುಮಾರು 9 ಕೋಟಿಗೂ ಹೆಚ್ಚು ಸಕ್ರಿಯ ಸದಸ್ಯರನ್ನು ಹೊಂದಿರುವ ದೊಡ್ಡ ಕೇಂದ್ರ ಸಂಸ್ಥೆಯಾಗಿದ್ದು ಈಗ ಭವಿಷ್ಯ ನಿಧಿಯನ್ನು (PF) ಸುಲಭವಾಗಿ, ವೇಗವಾಗಿ ಮತ್ತು ಡಿಜಿಟಲ್ ಯುಗದೊಂದಿಗೆ ಹೆಜ್ಜೆ ಹಾಕಲು ಹೊಸ ಅಪ್ಡೇಟ್ ತರಲಿದೆ.
ನೌಕರರ ಭವಿಷ್ಯ ನಿಧಿ ಸಂಸ್ಥೆ (EPFO) ತನ್ನ ಹೊಸ ಪ್ಲಾಟ್ಫಾರ್ಮ್ EPFO 3.0 ಅನ್ನು ಪ್ರಾರಂಭಿಸಲು ಸಿದ್ಧತೆಗಳನ್ನು ಪೂರ್ಣಗೊಳಿಸಿದೆ. ಹೊಸ ಪ್ಲಾಟ್ಫಾರ್ಮ್ ಪ್ರಾರಂಭದ ನಂತರ, ಗ್ರಾಹಕರು ಪಿಎಫ್ ಹಣವನ್ನು ಪಡೆಯಲು ವಾರಗಟ್ಟಲೆ ಕಾಯಬೇಕಿಲ್ಲ. ಕ್ಷಣಮಾತ್ರದಲ್ಲಿ ನಿಮ್ಮ ಪಿಎಫ್ ಹಣ ನಿಮ್ಮ ಕೈಯಲ್ಲಿ ಇರುತ್ತದೆ. ಹೊಸ EPFO ಪ್ಲಾಟ್ಫಾರ್ಮ್ ಪ್ರಾರಂಭವಾದ ನಂತರ, ನೀವು ATM ಮತ್ತು UPI ಮೂಲಕವೂ ಹಣವನ್ನು ವಿತ್ಡ್ರಾ ಮಾಡಿಕೊಳ್ಳಬಹುದು.
ನಿಮ್ಮ ಪಿಎಫ್ ಖಾತೆಯಿಂದ ಹಣವನ್ನು ಹಿಂಪಡೆಯಲು ಬಯಸಿದರೆ, ನೀವು ಅದಕ್ಕೆ ಕೆಲವು ವಿಷಯಗಳನ್ನು ಹೊಂದಿರಬೇಕು. ನಿಮ್ಮ ಸಾರ್ವತ್ರಿಕ ಖಾತೆ ಸಂಖ್ಯೆ (UAN) ಸಕ್ರಿಯವಾಗಿರಬೇಕು. ಅಲ್ಲದೆ, UAN ಗೆ ಲಿಂಕ್ ಮಾಡಲಾದ ಮೊಬೈಲ್ ಸಂಖ್ಯೆಯೂ ಸಕ್ರಿಯವಾಗಿರಬೇಕು. UAN ಅನ್ನು ಆಧಾರ್, ಪ್ಯಾನ್, ಖಾತೆ ಸಂಖ್ಯೆ ಮತ್ತು IFSC ಕೋಡ್ನಂತಹ KYC ದಾಖಲೆಗಳೊಂದಿಗೆ ಲಿಂಕ್ ಮಾಡಬೇಕು.
ಇದರೊಂದಿಗೆ, ನೀವು ಕೆಲವು ದಾಖಲೆಗಳನ್ನು ಹೊಂದಿರುವುದು ಸಹ ಮುಖ್ಯವಾಗಿದೆ. ವಿಳಾಸ ಪುರಾವೆ, ಗುರುತಿನ ಪುರಾವೆ, IFSC ಕೋಡ್ ಮತ್ತು ಬ್ಯಾಂಕ್ ಖಾತೆ ಸಂಖ್ಯೆಯನ್ನು ಒಳಗೊಂಡಿರುವ ಖಾಲಿ ಮತ್ತು ರದ್ದಾದ ಚೆಕ್ ಮತ್ತು ATM/UPI ಏಕೀಕರಣ ಇವು ಸರಿಯಾಗಿರಬೇಕು.
