ಸಾವು ಅನ್ನೋದು ಅತೀ ಕ್ರೂರ. ಅದಕ್ಕೆ ವಯಸ್ಸಿನ ಹಂಗಿಲ್ಲ. ಹೊತ್ತು ಗೊತ್ತಿನ ಪರಿವೆಯಿಲ್ಲ. ಎಲ್ಲಿ ಬೇಕಾದರಲ್ಲಿ ಯಾರನ್ನು ಬೇಕಾದರೂ ಸುಲಭವಾಗಿ ಕೊಂಡೊಯ್ದು ಬಿಡುತ್ತದೆ. ಹಾಗೆಯೇ ಇಲ್ಲೊಂದು ಮದುವೆ ಮನೆಯಲ್ಲಿ ಮೆಹಂದಿ ಕಾರ್ಯಕ್ರಮದ ದಿನ ಡ್ಯಾನ್ಸ್ ಮಾಡಿದ ವಧು ಬಾತ್ ರೂಮ್ಗೆ ಹೋದವಳು ಮತ್ತೆ ವಾಪಸ್ ಬರಲೇ ಇಲ್ಲ. ಈ ಘಟನೆ ಉತ್ತರ ಪ್ರದೇಶದ ಬದೌನ್ನಲ್ಲಿ ನಡೆದಿದೆ.
ಮದುವೆ ಅನ್ನೋದು ಪ್ರತಿಯೊಬ್ಬರ ಪಾಲಿಗೂ ಖುಷಿಯ ದಿನ. ಆದರೆ ಈ ಸಂತಸದ ದಿನಗಳಲ್ಲಿಯೂ ಕೆಲವೊಮ್ಮೆ ಅನಾಹುತಗಳಾಗಿಬಿಡುತ್ತವೆ. ಇಲ್ಲಾಗಿರುವುದೂ ಅದೇ. ಮದುವೆಯ ಹಿಂದಿನ ದಿನ ಅದ್ದೂರಿಯಾಗಿ ಮೆಹಂದಿ ಕಾರ್ಯಕ್ರಮವನ್ನು ಆಯೋಜನೆ ಮಾಡಲಾಗಿತ್ತು. ಹೆಚ್ಚಿನ ಸಂಖ್ಯೆಯಲ್ಲಿ ಜನರು ಸೇರಿದ್ದರು. ಸಂಗೀತ ಕಾರ್ಯಕ್ರಮಗಳೊಂದಿಗೆ ಮೆಹಂದಿ ಕಾರ್ಯಕ್ರಮ ಆರಂಭವಾಗಿತ್ತು.
ನೂರ್ಪುರ್ ಪಿನೋನಿ ನಿವಾಸಿ ದಿನೇಶ್ ಪಾಲ್ ಸಿಂಗ್ ಅವರ 20 ವರ್ಷದ ಮಗಳು ದೀಕ್ಷಾ ಅವರ ವಿವಾಹ ಮೊರಾದಾಬಾದ್ ನಲ್ಲಿ ನಿಗದಿಯಾಗಿತ್ತು. ಅವರ ಮದುವೆ ಮೆರವಣಿಗೆ ಸೋಮವಾರ ಗ್ರಾಮಕ್ಕೆ ಆಗಮಿಸಬೇಕಿತ್ತು. ಭಾನುವಾರ ಮೆಹಂದಿ ಸಮಾರಂಭವಿತ್ತು. ಅರಿಶಿನ ಶಾಸ್ತ್ರ ಮುಗಿಸಿ ಮದುವೆಯಾಗೋ ಹುಡುಗನ ಜೊತೆ ಸಖತ್ ಡ್ಯಾನ್ಸ್ ಮಾಡಿದ್ದಾಳೆ. ಎಲ್ಲೆಡೆ ಖುಷಿ ಮಾತ್ರ ಇತ್ತು. ದೀಕ್ಷಾಗೆ ಹೊಟ್ಟೆ ನೋವು ಶುರುವಾಗಿ ಶೌಚಾಲಯಕ್ಕೆ ಹೋದರು. ಅಲ್ಲಿ ಅವರ ಸ್ಥಿತಿ ಹದಗೆಟ್ಟಿತು.ತಾಯಿಯೂ ಮಗಳ ಹಿಂದೆ ಹೋದ್ರು. ಮಗಳ ಸ್ಥಿತಿಯನ್ನು ನೋಡಿ ಆಘಾತಕ್ಕೊಳಗಾದರು.
ಶೌಚಾಲಯದಲ್ಲಿ ತುಂಬಾ ವೇಗವಾಗಿ ಉಸಿರಾಡುತ್ತಿದ್ದನು ಕಂಡು ಹುಡುಗಿಯ ತಾಯಿ ಸರೋಜ್ ನೋಡಿ ಶಾಕ್ ಆದ್ರು.ಒಂದು ಕ್ಷಣದಲ್ಲಿ, ಮನೆಯ ವಾತಾವರಣ ಸಂಪೂರ್ಣವಾಗಿ ಬದಲಾಗಿತ್ತು. ಕಿರುಚಾಟದ ಶಬ್ದ ಮಾತ್ರ ಕೇಳುತ್ತಿತ್ತು. ಆಕೆ ಕುಸಿದು ಬಿದ್ದಳು. ತಕ್ಷಣ ಅಲ್ಲಿನ ವೈದ್ಯರನ್ನು ಕರೆಸಿದ್ರು. ಅಷ್ಟೊತ್ತಿಗೆ ತುಂಬಾ ತಡವಾಗಿತ್ತು. ದೀಕ್ಷಾಳ ಉಸಿರಾಟ ನಿಂತುಹೋಗಿತ್ತು. ವಧುವಿನ ಸಾವು ಮದುವೆ ಮನೆಯನ್ನು ಸೂತಕ ಮನೆ ಮಾಡಿಬಿಟ್ಟಿತು.
