newsics.com
ಟೈಲರ್ ತನ್ನ ಬಟ್ಟೆಯನ್ನು ಸರಿಯಾದ ಟೈಂಗೆ ನೀಡ್ಲಿಲ್ಲ ಎಂದು ಇಲ್ಲೊಬ್ಬ ಕೋರ್ಟ್ ಮೆಟ್ಟಿಲೇರಿದ್ದಾನೆ.ಈ ಘಟನೆ ಪಾಕಿಸ್ತಾನದ ಕರಾಚಿಯಲ್ಲಿ ನಡೆದಿದೆ.
ಯುವಕನೊಬ್ಬ ತನ್ನ ಅಣ್ಣನ ನಿಶ್ಚಿತಾರ್ಥ ಕ್ಕ ಧರಿಸಲು ಬಟ್ಟೆ ಖರೀದಿಸಿದ್ದ. ಅದನ್ನು ಸ್ಟಿಚ್ ಮಾಡೋಕೆ ಟೈಲರ್ ಕೈಗೆ ನೀಡಿದ್ದಾನೆ.ನಿಶಿತಾರ್ಥಕ್ಕೆ ಮೊದಲೇ ಬಟ್ಟೆ ನೀಡುವುದಾಗಿ ಟೈಲರ್ ಹೇಳಿದ್ದ. ಇಬ್ಬರ ಮಧ್ಯೆ ಆಗಾಗ ಮಾತುಕತೆ ಕೂಡ ನಡೆಯುತ್ತಿತ್ತು. ವ್ಯಕ್ತಿ, ಆಗಾಗ ಟೈಲರ್ ಅಂಗಡಿಗೆ ಹೋಗಿ ವಿಚಾರಿಸಿದ್ದಾನೆ. ಇಷ್ಟಾದ್ರೂ ಟೈಲರ್ ನಿರ್ಲಕ್ಷ್ಯ ತೋರಿದ್ದಾನೆ. ಆತ ಸರಿಯಾದ ಸಮಯಕ್ಕೆ ಬಟ್ಟೆ ನೀಡಲಿಲ್ಲ. ನಿಶ್ಚಿತಾರ್ಥ ದ ದಿನವೂ ವ್ಯಕ್ತಿಗೆ ನಿರಾಸೆಯಾಗಿದೆ. ಅಣ್ಣನ ಎಂಗೇಜ್ಮೆಂಟ್ ದಿನ ತಮ್ಮ, ಮತ್ತ್ಯಾವುದೋ ಡ್ರೆಸ್ ಧರಿಸಿದ್ದಾನೆ. ಅವನಿಷ್ಟದ ಹೊಸ ಬಟ್ಟೆ ಧರಿಸಲು ಸಾಧ್ಯವಾಗ್ಲಿಲ್ಲ ಇದ್ರಿಂದ ಬೇಸರಗೊಂಡ ವ್ಯಕ್ತಿ, ಕೋರ್ಟ್ ಮೊರೆ ಹೋಗಿದ್ದಾನೆ. ಕೋರ್ಟ್ ನಲ್ಲಿ ಟೈಲರ್ ವಿರುದ್ಧ ಪ್ರಕರಣ ದಾಖಲಿಸಿದ್ದಾನೆ.
ಕೋರ್ಟ್ ನಲ್ಲಿ ಅರ್ಜಿ ಸಲ್ಲಿಸಿರುವ ವ್ಯಕ್ತಿ, ಟೈಲರ್ ಗೆ 1 ಲಕ್ಷ ರೂಪಾಯಿ ದಂಡ ವಿಧಿಸುವಂತೆ ಒತ್ತಾಯಿಸಿದ್ದಾನೆ. 50 ಸಾವಿರ ರೂಪಾಯಿಯನ್ನು ದಂಡದ ರೂಪದಲ್ಲಿ ನೀಡ್ಬೇಕು ಹಾಗೂ 50 ಸಾವಿರ ರೂಪಾಯಿಯನ್ನು ಮಾನಸಿಕ ಹಿಂಸೆ ಅನುಭವಿಸಿದ್ದಕ್ಕಾಗಿ ನೀಡ್ಬೇಕು ಎಂದು ಆತ ಆಗ್ರಹಿಸಿದ್ದಾನೆ.
